ميدان الحجار

ميدان الحجار يعتبر من الميادين التى يلعب فيها فطاحلة كرة الفدم فى الشجرة والرى المصرى وكانت المنافسة حامية بين الحلة والرىالمصرى واذا حاولنا ان نحصر عدد المباريات التى فاز فيها فريق الحلة اسكت احسب وماتقيف نرجو من الجميع الادلاء بدلوهم

[b]ابو عبدة شكرا لتعريفك الصرح الكبير ميدن الحجار [right]بعد الاطلاع على دفتر الخبير حمام ومكالمة تلفونية من الهادي نويره اتضح فوز الرى على الحلة بنسبة 90% وعدد 125 بيضة للاعب ابوعبدة

جمال نملة كتب:

[b]ابو عبدة شكرا لتعريفك الصرح الكبير ميدن الحجار [right]بعد الاطلاع على دفتر الخبير حمام ومكالمة تلفونية من الهادي نويره اتضح فوز الرى على الحلة بنسبة 90% وعدد 125 بيضة للاعب ابوعبدة

يانملة شايفك لاعب ضاغط مع ابو عبدة اعمل حسابك وماتنسى انو دا الساحر

ياانملة ال 125 بيضة التى تتحدث عنها لايمكن ان تحدث من لاعب احتياطى للاعب مصنف مع جمال سالم وهارون وعاطف الزاكى وسميل واسال ابونادية يوريك كل صغيرة وكبيرة مع الاعتذار لاخى الحبيب عبدالقادر الليبى الذى نال منى لوحدى 521 بيضة

ياجمال ابوعبده نسيت المعلم محمد النيمه اخوك كان تخصص في ابو عبده سلام لك

ابن خالتى الحبيب فخرى , فى الواقع كل واحد عنده واحد متخصص فيه فانا مثلا متخصص فى اخوى الحبيب عبد القادر الليبى وهكذا ....

يا جماعة موضوع ميدان الحجار وما صاحبه من مناكفات وتحديات بين الحلة والرى عايزين الشباب
الذين ابلوا بلاءا حسنا وحتى الما ابلوا ان يدلوا بدلوهم فى هذا الموضوع لتكتمل اللوحة الجميلة
بجمال ذلك الزمان وجمال اولئك الشباب ولكم الود .

ياسلااااااام يالساحر أبوعبده ميدان الحجار له وقع خاص وايضاً ميدان الطاحونة قبل مايتدلعوا علينا أولاد البير ...

المهم ياأبوعبده في فترة أنت كنت مغترب فيها وعملنا أجمل وأروع دورة بالحجار ...
تم فيها عمل 8 فرق بأسماء فرق كابتن ماجد وطبعاً كانت دورة خطييييييرة تعرف ناس الجامع قالوا لينا بعد ماتنتهي الدورة دي أعملوا تاني دورة ... والسبب إنو اعمامنا الكبار استفسروا عن إمتلاء المسجد بالداخل والخارج بالمصلين وعندما أخبروهم بأنو في دورة في الحجار وديل الجمهور البيحضروا الكورة قالوا عليكم الله واصلوا فيها علي طول ...

المهم أرجع بيك للدورة طبعا فريق الحرية بقيادة الجزولي من الدور الأول طارو ...
أما لاعب المجد معاوية أول لاعب ياخد بيضة وكانت من سمبل وأجمل مافي البيضة إنو كان بيحاول ضم رجوله ولكن هيهات ... المهم الدورة كانت جميلة ...
للمعلومية كانت بتصدر جريدة حائطية بوستر كبير جداً فيهو أخبار الدورة بالكامل وتحليل لمبارة الأمس وكاريكاتير يومي لكل من أخد بيضة أو إنبرش وكان فيها تقييم لأداء اللاعبين والمباراة القادمة وتصريح المدربين والمسؤلين من الفرق وكانت أكتر التصريحات من الجزولي عمر أبشوك والصادق جلال .. طبعاً كنت محتفظ ليك بكل الأعداد ولكن بعد ماسافرت ماعارف ضاعت وين ؟
أآآآه أيام بالمناسبة أسأل ابكشر عن تفاصيل الدورة دي علي ما أعتقد هو برضو كان من البيصرحوا كتير ههههههههههههه
أبوعبده ياساااااحر

اخوى الحبيب ابو التومات /
الدورة التى تتحدث عنها كنت متابعا لاحداثها ايامى الفى السعودية , وقبل سفرى كنت هداف
للحجار بعدد 77 هدف والصادق جلال كان وقتها يلعب قى النيل الخرطومى وله 69 هدف وسآتى
اليك بباقى التفاصيل لاحقا .

مجدى ابوعبدة كتب:

اخوى الحبيب ابو التومات /
الدورة التى تتحدث عنها كنت متابعا لاحداثها ايامى الفى السعودية , وقبل سفرى كنت هداف
للحجار بعدد 77 هدف والصادق جلال كان وقتها يلعب قى النيل الخرطومى وله 69 هدف وسآتى
اليك بباقى التفاصيل لاحقا .

ياساحر لكن انا برضو ماكنت موجود في عصرك الذهبي لكن قالزا لي انك تفوقت علي الصادق جلال لأنو عندك تقريباً عشرة اهداف ضربات جزاء والصادق لم يلعب ضربة جزاء خالص يعني اهداف عديل ...
الكلام ده صاح وللا ديل حاقدين ساي ؟

تحياتي ياساحر

حبيبنا ابو التومات .. انت مابيخفى عليك ميدان الحجار وضربات الجزاء التى
نفذها اخى الحبيب الصادق جلال فهى تزيد عن العشرة فالحسد موجود فى كرة القدم
وهذا شى طبيعى ..وبهذه المناسبة بهدى ليك يا رافع اهدافى التى احرزتها فى الرى
كلها انت والتومات وام التومات ....تستاهل اكثر من كده .

مجدى ابوعبدة كتب:

حبيبنا ابو التومات .. انت مابيخفى عليك ميدان الحجار وضربات الجزاء التى
نفذها اخى الحبيب الصادق جلال فهى تزيد عن العشرة فالحسد موجود فى كرة القدم
وهذا شى طبيعى ..وبهذه المناسبة بهدى ليك يا رافع اهدافى التى احرزتها فى الرى
كلها انت والتومات وام التومات ....تستاهل اكثر من كده .

هديتك قيمة والله ياأبوعبده ... مشكوووور ..
سؤال ياابوعبده ...!

سمعت قالو عندك دفتر فيهو تحليل لي كل التحديات ووصف لي أدق تفاصيل المباراة ... بالله ياساحر لو عندك كل يوم أنقل لينا ذكري ماتش عشان نعلق عليهو ...ضرووري ماتنسي .

احييك اخى الحبيب ابو التومات واشكر حضورك الكريم ..
الدفتر يا حبيبنا لى زمن بدوّر عليه وما لاقيه ..وبمجرد الحصول عليه ساوافيكم بكل ما يحتويه
من مناكفات ومشاكسات اولاد الحلة والرى ....ومن الاشياء التى دونتها فى هذا الدفتر ولا
انساها هذه العبارة .....احرز هدف الحلة اللاعب عمر ابو شوك فى الدقيقة نص من تمريرة
اللاعب الفذ ابو عبدة ... وللعلم اخى الحبيب الصادق جلال عرض على مبلغ 120 الف جنيه
للتنازل عن الدفتر ورفضت مجرد التفكير فى هذا الامر ووافقت لحبيبنا الصادق بتصويره فقط
الامر الذى رفضه ... وكل ما اتذكر ولو شى قليل سآتيك به يا ابو التومات ..لك الود .

اخى الغالى ابو رغد ...
احييك واحيى كل من معك ...فالحلة والرى وجهان لعملة واحدة وانا بعتبر السكة حديد كانما وضعها المستعمر ليفرق بيننا ولكن هيهات ولنا عودة .

يا ابو رغد تعرف لما تجى الاجازة الجاية اول حاجة نعملها ليك تمرين كارب فى ميدان الحجار انت
وكل حبايبنا الحا يكونوا حاضرين فى السودان ليك وليهم التحية والتقدير .

مابتقصر يااصيل بس دايرنك تجهز تشكييلة من اختيارك لانو الجاي معاي الخبير حمام
وتشكيلة الري كلاتي في الدفاع حمام جقود زهير نوري حسون
في الوسط النور واور والخير اسماعيل
وفي المقدمة الهادي اسماعيل والقناص باجو

تشكيلة مثالية مافيها اى كلام ..كل المذكورين لهم من الامكانيات ما يجعلهم يدركون التعادل
امام الحلة ولو اننى استبعد هذا الخيار لما للحلة من اصحاب نزعات هجومية وهم كثيرون
لذلك ومع احترامى الشديد ليك يا ابو رغد ...جهزوا القفة .

تشكيلة مثالية مافيها اى كلام ..كل المذكورين لهم من الامكانيات ما يجعلهم يدركون التعادل
امام الحلة ولو اننى استبعد هذا الخيار لما للحلة من اصحاب نزعات هجومية وهم كثيرون
لذلك ومع احترامى الشديد ليك يا ابو رغد ...جهزوا القفة .

ونسيت تقول ليهم ياأبوعبده يجهزوا معاها الحجار

ياابوعبدة ماورتينا تشكيكة الحلة عشان نحدد القفةالبجيبة منو
اولاد الري كولهم معترفين واسياد الكورة في الشجرة الحجار بجبهو الهاوين

اختار ليك اى حداشر يا ابو رغد وسيؤدوا المهمة على الوجه الاكمل .

اخترت افضل 11واتضح انكم محتاجين 3قفف

الا قفف الطماطم الصغيرة ام نص كيلو ديك يا ابو رغد .

سمح القول من اللاعب العمالق الزي اتحف ملاعب الشجرة
بلمساته السحرية ابتدا من الطاحونة اظهر الموهبة ميدان السلام بدا المشور فريق الشجرة
مثلنا خير تمثيل خارج السودان ميدان خنشليلة الرياض رفع راس الشجرة
العملاق تيرف انت مدعو للمبارة المرتغب لدعم فريق الجامع لكي يظهرو بمستوى مشرف
مع عمالقة كرة بالشجرة (الري)
لك التحية اشرف عثمان

هذه الذكريات الجميله عن ميدان الحجار جعلتني اتذكر تلك الايام التي لاتنس باالرغم من عدم اللعب في الميدان الاانني كنت من المستمتعين باالمشاهده وكيف كان محمد جباره ونايتي وكمال كرموش وجقود وجوزيف كلمنتي وجون كلمنتي وزهير نوري يقومون باارهاب مجدي ابوعبده وهارون والصادق جلال وسمبيل وعاطف الزاكي كانت ايام لاتمحي من الذاكره لذالك اقترح ان نقوم بعمل شجرة الذكريات حتي يقوم كل واحد باضافة ذكرياته لتستكمل تلك الذكريات وتصبح ملاذا لكل مشتاق وكل من ضاقة به الدنيا وعاش في غربة ليجد الراحه والسعاده وتجد الابتسامه طريق الى الشفاه

يديك الف صحة وعافية حبيبنا ابو باسل على تلك الاضافة الثرة لما تتمتع به من امكانيات
كروية عالية ...وكذلك الحبيب ابو رغد ..لكن الموية بتكضب الغطاس زى ما قالوا كبارنا .

اهلا بها الطلة البهية ..مشكور اخى عبد الجليل على مرورك الجميل...