شاعر واغنية وفنان

عندك اغنية بتحبها

اكتب كلماتا

هنا

وحاول تعرف ... منو الكتب الكلام الجميل الحرك مسامات احساسك .... وخلينا نعرفوا معاك

حقوا الادبي

انه ما تكون كلماتو مجرد نغم بغنيها فلان ...وبس

لكن كلمات كتبا انسان عصر احساسوا حرف علشان تصل لينا بكل هذا الشجن والطرب

كل لحظة

شعر حسين بازرعة
غناء عثمان حسين

كل لحظة بتمر على
أنت فى خاطرى وعيني
أنت في فني البعيشو
في المدى في الأبدي

قدر ما حاولت أخاصمك
وأنسى أحزاني وأسايا
واكتم الغيرة في قلبي
وأطوى جرحى في الحنايا
القي أثرك في حواسي
وظلك يتبعني في خطايا
ألقى كل الدنيا حولي
تنادي اسمك معايا

في حياتي قبلك أنت
عشت قصة حب قاسية
لسه ما زالت بقلبي
زكرياتها المره باقية
لما هليت في وجودي
و قلت بيك سعادتي باقية
لكن أنت هدمت أملي
بعد عشره نبيلة سامية

أنا لوعارف خصامك
لي أيامه بتطول
كنت ما اترددت لحظة
لما حار بى الدليل
أنسى ظلمك وأرجى حلمك
وأنسى كل الراح قبيل
أصلو حبك فوق ارادتي
وحبي قام بالمستحيل

كيف الاخبار ايناس الاخيار شنو سلامي للجميع

مرحبتين يا دورزى تحياتى لك وللاسرة الكريمة

اكتب لى ياغالى الحروف
الشاعر مصطفى سند
الحان وغناء صلاح مصطفى

أكتب لي يا غالي الحروف ...
واحكي لي ياما الدنيا نوره وفرحتها...
صارت بلاك غيمة شتاء...
تنسج طيوف وتجيب طيوف ...
والشوق جدار بيناتنا يحجب بهجتها...
يا سكة الزول البعيد يا حليله لما اتوارا غاب...
خليته يمشي وفي العيون دمعات الم ودمعات عذاب...
أتمني وعده يكون حقيقة وعهده ما خدعة سراب...
أتمني في لهفة محب شال الصبر لما الصبر في قلبه داب...
ارحل قطار ويعود قطار...
وأصبح الليل الغريب طلت نهار ويجيني منك إنا بس خطاب...
اكتب لي حتي الناس تقيف لما يفوته أقول اسلم للجميع...
خايف يبين خاطري الكسيح ارجع براي اشقي الدموع...
قلب سقاك موسم حنان موسم فرح موسم ربيع...
ياريت تشوف انا كلما تنعس شموع بوقد شموع وأفضل أتوه عبر البلاد...
يا رب متين وقت الرجوع...
اكتب لي خلي النار تموت والهم يفوت ...
انا غير حروفك افقد الدنيا وأضيع...

حبيب الروح
الشاعر - السر دوليب
غناء عثمان حسين

لو قلتو حبيبي سلاني
ودع حبه ونساني
ما بصدقكم
ده حبيبي الروح بالروح
أنا عارف حبه إلي
داري بعطفه علي
نساني غرامي البيا
قاسمني الليالي الهنية
ضم الفؤاد ذكراها
أزكى الخيال معناها
ولو قلتو حبيبي سلاني
ما بصدقكم
غرامنا أسمى غرام
ما بطوله أي حسود
زايد مع الأيام
وتصونه أغلى عهود
حبيبي العهود راعيها
مهما الزمن طال بيها
لو قلتو لي نا سيها
مابصدقكم
خلاص اتجمعوا القلبين
خلاص اتوحدوا الأملين
وأصبحنا رغم البين
روح واحدة في جسدين
مهما تقولوا ظلمني
مهما تقولوا هجرني
لو باع لحبي خدعني
ما بصدقكم
ده حبيبي الروح بالروح

واقف براك
مدنى يوسف النخلى
غناء مصطفى سيد احمد
*********
واقف براك والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
*******************
مطر الحزن عاود هطل
جدد عذاب الأرصفـة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا وحرقة وجفا
*******************
بعد المشاوير البقت ..
ممدودة فى نبض التعب
بتعود وتلقى رِجاك زول
حفظ الوداد زمناً صعب
والباقى من ليل الهوى
وعطر الصبابة الما أنسكب
والباقى من كل الغنا
وسيل الكتابة الما نضب

كلمة
الشاعر محمد يوسف موسى
الحان وغناء صلاح بن الباديه
*****************************

اعيش في ظلمة وانت صباحي
انت طبيبي اموت بجراحي
بشعري رفعتك اسمى مكانه
يا الجازيتني بكسر جناحي
***
عرفت الحب وفاء واخلاص
حنان ووداد ورود وسلام
عشت معاك ليالي جميلة
ليالي حنينة كالانسام
كنت معايا ولسه معايا
في احلامي وفي الاوهام
وتخاصمني عشان بس كلمة
ياما نظمت فيم كلام
لو في الكلمة انا غلطان
ياما انت قسيت وغلطت
ياما قلت وياما قلت
لو ارضيت بكلمة فؤادي
علشان خاطرك استحملت
علشان بهواك بشوفا رقيقة
كلمات جارحة بيها نطقت
كلمتي المست غرورك
وفرقتنا يا حبيبي
مش خلاص كفرت عنها
بسهري وبنحيبي
دي الليالي المره عشتها
وحدي بناري ولهيبي
وبرضو مارضيان تسامح
يا صباحي وياطبيبي
اعيش في ظلمة وانت صباحي

ايناس عدوي كتب:: كلمة
الشاعر محمد يوسف موسى
الحان وغناء صلاح بن الباديه
*****************************
كلمتي المست غرورك
وفرقتنا يا حبيبي
مش خلاص كفرت عنها
بسهري وبنحيبي

تقبلي مروري علي صفحتك العطرة

إقتراح
الشاعر عاطف خيرى
عناء مصطفى سيد احمد
*********************
نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة

.........

يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

........

إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى .. الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة .. ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !

ليل الفرح
الطيب عبدالله

عود لينا يا ليل الفرح
داوي القليب الانجرح
قول ليهو يفرح مرة يوم..
طول عمرو ناسيهو الفرح

عود لينا يا ليل الفرح

عود لينا ما تبكي العيون..
الشاربة من بحر الخجل
عود لينا ما تعذب قلوب..
مليانة بتفيض بي الامل
عود لينا قبال الخريف يرحل..
يسيب ايامنا للصيف للمحل
إمكن تفيض اشواقنا يوم
وريدي لي طيفك يصل

عود لينا يا ليل الفرح

لكن يا ليل كيفن تعود..
تتحدي ليل..
اسود ومن احل العطور..
رويان يسيل
كيفن تعود والليل بيتوسد ضفاير
تلقي زي طفلاً صغير شايلنو شيل
يتغني بي حلو الاماني الطيبة ..
راجيك من قبيل

عود لينا يا ليل الفرح

[flash]

[/flash]

الشاعر :عثمان خالد

الحان: الفاتح كسلاوى

غناء : عبد العزيز المبارك
******************************************************************* بتقولي لا لقليب عليك بيقطّر حنان ويذوب ولهه
بتقولي لا لقليب رهيف ما اظنو لا لا لا بيحملها
بتقولي لا يا بهجة يا غالية يا ست القلوب يامذهلة
وحياة شبابك ذبت في عينيك حنان ومغازلة
سافرت في رحلة مشاعر ملهمة ومتأملة
شفت الورود من وجنتيك غيرانة جات متوسلة
حتى القمر غار من صفاك وأصبح يردد في الصلاة
وجاكي المساء يؤدي الفروض داعب شفايفك وغازلها
شال نور جميل من وجنتيك ومسّح خدوده وبللها
وأصبح يلملم في النجوم ينظم عقودها ويغزلها
طرز لجيدك بالحرير أحلى العقود وبتقولي لا
وانا بيك بدغدغ في القلوب ياحلوة أحرف وأشتلها
بملاها رقة ودندنات وعناق حنان ومبادلة
وانا بيكي لو قلبك يحن عالم يجن من الوله
واهديك حنان ما أظنه كان في الدنيا أو كانت صلة
وأزرع هواك بين النجوم روضة حنان وأدللها
وأهديك لحون ياغالية لا انسابت ولاعود غازلها
وأخلّى كل الكون يكون فنان يقول يا مذهلة
بتقولي لا يالهفة المشتاق ويا طعم الحلا
بتقولي لا

كلمات والحان واداه هاشم ميرغني
انت مامشتاقه لياولاماعارفه العليا
لوخلاص خليت ريدي يكفيني خاتمك في ايديا
مازمان قبال اسيبك كان فراقي صعب عليك
شلت جرحي وفت منك همي بس كان كيف اجيك
جيت بشوق الدنياكلو داير احس بشوقي فيك
بس لقيت اللهفه راحت حتي عينيك ماعينيك
مازمان قبال افارقك قلت لي اوعك تطول
قلبي دائمافي رجاك المحال غيرك يبدل
عشت بعدك كل ذكري همس بطيفك واقيل
الليله قلبك لو نساني غير عيونك وين اقبل
شلت فرحي وجيت اسالمك قايلك انت تحس بيا
وانت ماانت الزمان لامن قليبك بالفرح يحضن اليا
وانت ماانت الزمان انااصلي مامصدق عينيا
داير افوت ياغاليه منك ابكي واحضن في الاسيه

الاخت ايناس كيف اخبارك ومشكوره علي المواضيع المتميزه
دائما.
الاخوه المشوكشين الرجاء الاضافه اوالحذف اذاوجد

كلمات :الحلنقى
اداء محمود عبدالعزيز

كل ماسآلت عليك صدونى حراسك

ردو الجواب قاسى مع انى من ناسك

ردو الجواب قالو كم غيرك احتالو

غير صدهم لاشئ مننا نالو

ياقاسى ياقاسى هل يرضى ماقالو

كان انتا ماهاميك ولا حرك احساسك

ياغالى ياغالى يالديمه فى بالى

وجفاك حارمنى من لهجك الحانى

انافى هواك ياجميل تتحطم آمالى

انا برضى بستناك والصبر يحلالى

كل ماشذاك يسرى فى قلبك السحرى

ييقظ لهيب الشوق والهوى العذرى

اهواك ودارى هواك لوينقضى عمرى

اناعمرى بادئ على عطفك واحساسك

أاشعار نزار قبانى
كلمات والحان الفنان كاظم الساهر

جلس في المقهى منتظر اً أن تأتي سيدتي الحلوة

أبتاع الصحف اليومية , أفعل أشياء طفولية
....أجلس في المقهى
هل ترتضى أن تتزوجني ؟
هل ترضى سيدتي الحلوة ؟
....
أجلس في المقهى منتظراً ..
...
في باب الحظ أفتش عن برج الحب
ساعدني يا برج الحب
طمنني يا برج الحب
هل تأتي سيدتي الحلوة ؟
....
أبتاع الصحف اليومية , أفعل أشياء طفولية
أجلس في المقهى منتظراً أن تأتي سيدتي الحلوة
أجلس في المقهى ..

لكى التحيه ايناس اخبارك والله مشتاقين

ام محمد معتز كتب:: لكى التحيه ايناس اخبارك والله مشتاقين

والله بالاكتر فى انتظاركم انت ودرزى يا نوارة

حضور رائــع اختنا ايـــناس ومــزيدا مــن الابــداع ..

انت المهم**** كلمات الشاعر عبد العال السيد *********غناء كمال ترباس
انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد نبض الفؤاد ب
ستان نضير وصفا وعبير
وجمال رهيب ودلال عجيب
ريّح شقايا وجمّني
جاييك شعاع نجمه وشراع نسيني يا عمري الضياع ا
نا لسه تايه دلّني
قول ليا قول يا احلى زول
خلي الحزن يرحل يزول
لو كنت جد بتعزّني ا
نا ليك وبيك مداح عيونك
ومشتهيك مهما تجور
بنزف واجيك لا بقسى لا بزعل عليك لانك انت تهمني