أحلى البنات

كلام جميل من زول جميل تحياتي الاخ عبد الوهاب ولك التحية

اخونا عبد الوهاب منوووووووور واللة دة احلى ظهور فى احلى البنات

وبعدين بالمناسبة دى لوماكانت اغنية وانا عارفاها من زمان كنت اقول دة كلامى ههههههههههه

حسيت انة فية الطريقة بتاعتى فى الكتابة واتمنى اصل لمرتبة الشاعر الكبير عثمان خالد .

الاخ العزيز الرئس وهبه كيف الحال والاحوال وين يارئس والله منور تحياتي للاسره.

الاخ الصديق / كيمو

تحياتى لك والاسرة الكريمة اخبارك كيف طولنا ما سمعنا صوتك يظهر برودة الجو عندكم مكمكمه الافواه بامانه مشتاقين ليك ومشتاقين عبر هذا الموقع الجميل الذى جمعنا بعد فترة طويلة ان نتواصل , لمعرفة اخبار الاهل واخبارك اول باول , وكمان عشان الغربة اللعينة ده ما بتحتمل عايزين نرجع للوراء الى هناك وما ادراك ما هناك حلة الري نعيش عبر الاسير تلك الايام الجميلة ميدان الحجار والمعركة الكروية اليومية من العصر حتى صلاة المغرب وبعدها نادي الزهرة وباسطة صدقي وفول الاكشاك واشياء واشياء جميلة فى تلك الفترة يجب فى كل سانحه نجدها ان نجتر تلك الذكريات الجميلة والاهم التواصل . بالمناسبة اكثر الناس تواصلا من ذلك الجيل الاخ العزيز الصديق / عوض ارباب دائما يتصل بكل الناس لمعرفة اخبارهم التحية له ولكى تتواصل معه هذا رقم تلفون عوض ارباب 00966568510498 يا كيمو ما بقى لينا شئ غير التواصل . لك تحياتى واشواقي والى لقاء

الاخ عبد الوهاب شكراً كتييييييييييييير على الكلام الجميل والرائع فى حقى

ورنا يديك العافية يارب وجد منور ومضئ لكل الصفحات .

لكن عاوزة اقول ليك فى كلامك للاخ كيمو وبفضول منى قريت كلامك لية وفى جملة اخيرة ماعارفة اثرت فينى بصورة كبيرة جداً

( ياكيمو مابقى لينا شئ غيرالتواصل) ماعارفة اصابتنى عبرة وتالمت شديد جانى احساس بانة الناس فقدت الامل فى لقاء الاحبة , الغربة ادتهم شعور او ادتنى

فى اللحظة دى شعور بان الناس اتوزعت فى سجون الغربة الارغامية ومافى شئ متبقى الا امل التواصل عبر هذة القنوات

بعد ان كانوا ينعمون بالكتير الكتير وهم تلتحفون نسايم النيل والذكريات الحبيبة.

اسال الة ان تحدث المعجزات الالهية وبكل الخير يلتقى الجميع وفى نفس الامكنة لاجترار كل ماهو جميل فى ظل سودان موحد جديد خالى من الضغوط

مفعم بالرفاهية والسعادة ونسعد مرة اخرى تحت اجنحة الاهل والمحنة الدافئة والتى احالتها سموم الغربة الى حجيم لايطاق .

دعواتكم معى اللهم حقق هذة الامنية يارب العالمين ان ذلك على اللة يسير. لك كل التحايا والاحترام.

الرائع دوما الريس عبد الوهاب اعلم ان الرد جاء متأخرا لكن لك كل الود والإحترام وهدية من ايديك مقبولة يارائع وبالجد من هسة بديت اسرح في بحر الشجرة الله يرجعنا ليهو كلنا سالمين غانمين وتحياتي ليك يارائع

من اجمل البساتين تاتي الزهور الجميله والرائحه العطره وبستانك دائما جميل ياوهبه كل يوم نكتشف مواهبك اسم علي مسمي لك ولكل ابناء جيلك الجميل كمال واسماعيل عثمان وفيصل السماني وحوته والمخضرم عوض ارباب وعوض بدوي و علاء وخالد حقيقي زمنكم جميل وربنا يديكم الصحه والعافيه ويديم المحبه والاخوه بينكم .ورغم انك انت الوحيد للاعب في الكفاح والباقين في الزهرهههههههههههههههههه تسلم وهبه .

الاخت العزيزة / نعمات تحياتى ,, والاسرة الكريمة

تعقيبا على رسالتك (. كلامك للاخ كيمو وبفضول منى قريت كلامك ) فضول جميل يا ريت يستمر , معناه متابعتك لكل ما يكتب فى المنتدى ويا ريت كل الاخوان يكون لهم مثل هذا الفضول لاننا اسرة واحدة , ما اكتبه للاخ سامي يعبر عنه الاخ فخرى ويدلى الاخ اسماعيل بفكرة وتدخل نعمات بابيات من الشعر , وهاكذا يكون الموضوع استوعب اكثر من شخص وعمت الفائدة الجميع استمرى فى هذا الفضول

( ياكيمو مابقى لينا شئ غيرالتواصل) ماعارفة اصابتنى عبرة وتالمت شديد جانى احساس بانة الناس فقدت الامل فى لقاء الاحبة , الغربة ادتهم شعور او ادتنى
هنا مربط الفرس ( الغربة ) وما ادراك ما الغربة وما فعلته بنا كنا نأمل ان تكون الغربة لفترة زمنية محددة ننجز فيها بعض الاشياء ونرجع تانى لارض الخير والطيبة والمحبة ويجتمع الشمل مرة اخرى , لكن هيات هيات هيات طالت السنين وتفرق الشمل واصبح لن اقول المستحيل ولكن من الصعب التلاقى لست متشائما ولكن هذه هى الحقيقة هناك اصدقاء مرت سنين طويلة لم التقى بهم خاصة المتواجدين فى دول المهجر اصبحنا مثل الاتجاه المعاكس تمشي اجازة السودان يقول ليك فلان كان فى اجازة ورجع حتى المرابطون فى ارض السودان اصبح اللقاء معهم سويعات لظروف العيش الكريم .

فى اللحظة دى شعور بان الناس اتوزعت فى سجون الغربة الارغامية ومافى شئ متبقى الا امل التواصل عبر هذة القنوات
بأمانة تفسيري للغربة هو ( سجن كبير ) كان اختياريا واصبح اجباريا . عشان كده يا استاذة نعمات نمسك قوي فى التواصل لانه الخيار الوحيد الذى امامنا , ومن هنا لابدة من كلمة شكر وتقدير وعرفان للذين بذلوا الجهد فى هذا الموقع الاسفيرى ليجعلونا نتواصل مع بعضنا

اسال الة ان تحدث المعجزات الالهية وبكل الخير يلتقى الجميع وفى نفس الامكنة لاجترار كل ماهو جميل فى ظل سودان موحد جديد خالى من الضغوط
امين يارب العالمين