ذكرى عطرة محفورة فى الوجدان **** ما الذ المنقة يوم الكتاحة

السماء شايلة تقيل ودي بوادر هبوب وكتاحة قوية خلاص حتنزل فى اي لحظة تحرك الكلاب الحمر برفقة صديق صنيفة ومالك زونيا وهم على ماشارف الحلة منتظرهم صديق ولي وجمال شروطة وعبد العزيز كية وعوض الكرداك وشايقية وعبده فقجو وصلوا شجرة عوض الله التقي جيل البطولات بجيل التضحيات تحت الشجرة حلبي وصلاح كجولة وبلف وسلوك وحمو وقوسو وامبحيويو وحوته وويكة وفرح يوسف (ما عندو لقب) وهم ماشين على الحلة التحت حلتنا وكانهم على موعد مع على القلع ومحمد احمد العجل وجزولي والكنجو وعلى علوبة وأدم حرية ومحجوب جابر والجقر وتايوتا ونكروما وجمال وياسكل.
الهبوب خلاص بدت والكتاحة عمت قرر بعضهم الذهاب للجناين لانه المنقة بدت تقع بقيادة زوي الخبرة وهنالك مستشارين على اعلي مستوى ناس ولي وحلبي وكجولة وشروطة بمعرفة المنقة السمحة وين والنجيضة وين والبتقع اكتر وين والغفير الصعب والزبير نايم وين وعم البشير جد ولي وين !!!!!!!!!
ذهب الصبية للجناين واتوا محملين بالمنقة ونحن طبعا الصغار الصفاقة منتظرين ما يناولوننا من الغنيمة وهي طبعا كانت لا تخلو من انها مجرد للهو والطرفة والمشدات الظريفة التى كانت غالبا ما كانت تحدث بين كجولة وشروطة او سيف الحمر واللعب المرح والدليل على ذلك تؤكل وتخلص فى ساعتها وما تبقي اتفالقو بيه اللهم الا الخضراء النية فتذهب داخل اكياس الدقيق فى البيوت وكم عانوا الامهات لم يجو اشيلوا الدقيق للعواسة.
ما احلاها ايام
ودمتم ود الري

مبروك اخونا منعم علي الاشراف لجيل العمالقه ودايرين نشوف كتاباتك . وارجوك ان تبلغ تحياتي للاخ بدالدين ومحمد والي ابناءكم وللاخت جيهان واسرتها.