| كيف يكون الدخول اليك؟؟؟؟ | |
|
+8اشرف تيرف ابووجيدة شجراوى الثعلب dorzy nimat mohamed salih عثمان بشير محمد لبة 12 مشترك |
كاتب الموضوع | رسالة |
---|
محمد لبة شجرابي
الجنس : الاسم كامل : محمد عثمان خشم الموس
| موضوع: كيف يكون الدخول اليك؟؟؟؟ الثلاثاء 16 مارس 2010, 7:05 am | |
| ا الاخوان والاخوات فى المنتدى السلام والتحايا انا من زمن بحوم واحلق حوالين المنتدى ومرة اقول ادخل ومرة أقول لا ومرة اقول ادخل ومرة لا ومرات اقول ومرات لا المهم حاولت وحاولت ووجدت فى الاول صعوبة وبعدين الحمدلله دخلت للبسأل الصعوبة فى شنو واشان شنو ؟ يكون مابعرف الشجرة اكتر شى كان معذبنى كيف الدخول ومن وين الدخول ابداكى من وين؟ وادخلك بى وين ؟مرات اقول من حى المركز امام واتذكر الناس العزاز وارجع اتردد وآبى الدخول اقول أدخلك من حى الرى والغابة والله أدخلك من حماداب الشهامة ومكان الناس الديمة ليك اديهن رافعة ترحابا لا لا لا ادخلك من وين مرات اقول من مكان العشق الفريد والميدان التليد زمن كنا زمنا كلو ريد وانا من جنوبى الهوى فى الشجرة الاخيرة يمكن اقدر ادخلك الاخوان معليش يخط قلمى مالاأستطيع فهمة توارد الخواطر واسترجاع الزكريات تختلط بواقع الغربة كل هذة التشابكات ادت الى ظهور هذا المسخ المشوة من الكتابة اعزرونى فدائما ولادة الحروف المشوهة نتاج افكار مرجوجة ( وانا من رجت حروفة هياما فى الشجرة ...ناس الشجرة .... اهل الشجرة ..... شارع الشجرة ....سوق الشجرة....بحر الشجرة... وشجر الشجرة) عفوا اخوانى انة الدخول بلاتمييز وبلا وعى واعرف انالدخول اليك ياشجرة مابعدة طلوع عفوا اخوانى كثير من المواضيع شدتنى للدخول وللكتابة وهو ماسياتى لاحقا بعد الرجوع من متاهة الدخول الى ان اعود اكرر واكرر واكرر مالا يحتاج ان اذكرة فانتم تحسونة والالما كنتم شجراب وانا كمان سنعود يوما واقفين وسنجد من تركناهم كذلك واقفين فنحن اناس لايريحنا غير الموت ممددين وقد نكون واقفين | |
|
| |
عثمان بشير شجرابي مميز
الجنس : الاسم كامل : عثمان بشير عثمان بابكر
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 8:03 am | |
| الاخ محمداهلا بيك في دارك ووسط اهلك الشجراب ومنور المنتدي والحمدلله انك حسمت التردد عشان الناس تستفيد من بعض | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 12:18 pm | |
| اخى العزيز محمد لك التحية ولك اقول:-
التردد كلو ريدة
للشجيرات النضيرة
لهوا الشجرة البيلفح
للبحر كان والدميرة
هزة فى جواك ذكرى
ذكرى كان جواك اسيرة
نحن عارفين سر حنانك
من اسى الغربة الكتيرة
يلا ارحل لديارنا
واوعى ماتملاك حيرة
ياما زيك كم كتبنا
ذكرى بالكلمات مريرة
نحضن الشجرة ودروبا
وللوليد قابضلو طيرة
وللتراتير لما تجرى
ولما نسمع صوت مطيرة
ولا للسوق والرواكيب
سمحة فى رقراق حصيرة
ولا للقدرة البتغلى
وللوليد شايل كويرة
والكتير ياخوى ازانا
من صباحنا ولى العصيرة
امسح الدمع البيالم
عارفة زى مطراً غزيرة
اخى محمد لقد هزتنى كللماتك وجاتنى هذة الكلمات مسترسلة هذه اللحظة علها تكون دافعاً قوياً لك للانتماء الى عالمنا عالم الترويح والمحبة وشفاء العليل
لك منى كل التحيات والود ومرحباً بك فى دارك وابين اهلك فهلا تفضلت بتشريفنا . | |
|
| |
dorzy admin
الجنس : الاسم كامل : معتز عبد الماحد محمد العوض
الاوسمة :
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 1:14 pm | |
| الاخ محمد نورت المنتدي وانتا تزج بكلمات جميله مليون سلام اخي العزيز محمد | |
|
| |
الثعلب شجرابي مميز
الجنس : الاسم كامل : اشرف ابراهيم عثمان
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 2:36 pm | |
| الرائع لبة افرحنا جدا دخولك الي المنتدي واثلج صدورنا اكثر بانك حركت الاستاذة نعمات وتواجدها فى البوست الخاص بك دليل على روعة ماكتبت ... ومن غيرك يكتب عن الشجرة...نرجو منك ان تكتب المزيد... بوست رائع روعة صاحبه | |
|
| |
شجراوى شجرابي مشارك
الجنس : الاسم كامل : حاتم عبدالقادر
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 3:28 pm | |
| | |
|
| |
ابووجيدة جيل العمالقة
الجنس : الاسم كامل : ابو وجيدة
| موضوع: رد: كيف يكون الدخول اليك؟؟؟؟ الثلاثاء 16 مارس 2010, 5:08 pm | |
| لبه ذاتو وين يا حبيبنا ولله زمن ادخل دخول المطرة للناس والبيوت ومروق مروق الحنة من ضفر العروس وخليك قاعد عندي كلام كتير ة والسلام للاسرة الصغيرة الوقت متاخر وبكره دوام و و و و سوف نلتقي وبالله طل وطل انت واحد من ناس الزمن الجميل : : | |
|
| |
محمد لبة شجرابي
الجنس : الاسم كامل : محمد عثمان خشم الموس
| موضوع: رد: كيف يكون الدخول اليك؟؟؟؟ الأربعاء 17 مارس 2010, 7:08 am | |
| الأخت والاستاذة نعمات الاخوان ابووجيدة .. الثعلب ...حاتم... معتز ....عثمان بشير ايها الرآئعون عفوا يامن حاولتم أن يقوم مجتمع الشجرة على انسانية الانسان ..... انتم تثيرون فينى أعنف الاشواق ...وانا ادخل اياديكم الممدودة وقلوبكم المفتوحة مثل ابواب بيوت الشجرة المفتوحة دوما غادرناها بليل اسود وعزاءنا فية أنة اخفى دموعنا على من نحب ودارى سؤتنا لحظة الفراق غادرناها بليل مجبرين وتركنا ابواب بيوتنا مفتوحة وهاانتم تاكدون انها مازالت مفتوحة قد تجدنى الان بجسدى امامك يامن تجلس امامى ولكن حتما لن تجد فينى بال او قلب بداخلى فهو يتجول يوميا فى شوارعها ( حلة الغفراء... او فى العنابر وفى حوارى الشجرة جنوب قد تجدة ) لدى طفلتان صغيرتان ودائما مايتملكنى احساس الذنب تجاههما لماذا حرمتهما من هذة المعالم الرائعة كيف لى ان ابعد العصافير عن اشجارها ..... | |
|
| |
اشرف تيرف شجرابي مشارك
الجنس : الاسم كامل : اشرف عثمان على حاكم
| موضوع: رد: كيف يكون الدخول اليك؟؟؟؟ الأربعاء 17 مارس 2010, 7:11 am | |
| لبه كم نحتاجك هذه الايام بيننا ولكنك ستظل بالدواخل ريثما تصفو السماء | |
|
| |
سامى البارودى شجرابي
الجنس : الاسم كامل : سامى على عثمان
| موضوع: رد: كيف يكون الدخول اليك؟؟؟؟ السبت 24 أبريل 2010, 7:10 am | |
| الاخ العزيزمحمد لبة لك منى كل الحب والتقدير والاحترام مشتاقين والفترة طالت ومرحبا بك فى الشجرة المعطاة بين اهلك واحبابك نسال الله ان يحفظ الامورتين ان يجعلهم الله من الصالحات الغانتات | |
|
| |
محمد عباس شجرابي زهبي
الجنس : الاسم كامل : محمد عباس محمد علي
| موضوع: الاخ محمد وحرفك المرتج السبت 24 أبريل 2010, 8:20 am | |
| تلجلج فكرك ارتج حرفك تهات بوصلتك بين شمال وجنوب هواك بين ملوك الحماداب وشجرات الغابة بين هذا وذاك تمردت علي ترددك واشهرت سلاح قلمك وتدفق نبضك افكارك شلالات حرف مموسق وجميل انا لا اعرفك ولكن اعرف احساسك احس معاناتك وانت تكابد مشاعر اللوعة والحنين لم اهاجر لم اتغرب عن داري ولا عن اهلي لم احس بشظي ولهيب البعاد قد تكون ايام وليالي ثم اعود الي اهلي واحبتي ولكن احس بما يعانية من كان البعاد مكتوب عليه هذا المنتدي لاناس جمع بينهم حب الوطن هم في جمال الوان قوس قزح وانت حبات المطر التي تزين هذا القوس الموشي اكتب اكتب اكتب ففي الكتابة راحة تنفس من خلال الحرف فذالك يذيل احتقان المشاعر في الانتظار لك تحياتي | |
|
| |
اشرف ترجمان شجرابي زهبي
الجنس : الاسم كامل : اشرف ترجمان (كباية)
الاوسمة :
| موضوع: رد: كيف يكون الدخول اليك؟؟؟؟ الأحد 25 أبريل 2010, 5:32 pm | |
| سلام ومرحب بيك حباب اللبه بين اهلك وناسك ومشتاقين كتير ياراجل ابوريم ورتاج (كباية) | |
|
| |
مجدى ابوعبدة مشرف مشاهير الشجرة والحماداب
الجنس : الاسم كامل : مجدى عوض محمد احمد
الاوسمة :
| موضوع: رد: كيف يكون الدخول اليك؟؟؟؟ الثلاثاء 27 أبريل 2010, 2:03 am | |
| اهلا حباب ود البلد مرحب بيك اخونا لبة , انت مكسب للمنتدى ,التواصل بيننا جميعا ان شاء الله . | |
|
| |
| كيف يكون الدخول اليك؟؟؟؟ | |
|