قصيدة / يا مولاي / للشاعر عكير الدامر

[b] هو الشاعر القومي العملاق /علي ابراهيم محمد ادريس اوكير والتي تحولت الي عكير وهو ينتمي الي قبيلة الهدندوة في شرق السودان وهوخريج كلية غردون التذكارية واشتغل بالسلك الوظيفي .
كان ملازما للسيد /عبد الرحمن المهدي وكان يمدحه كثيرا ولنا رجعه في وقت لاحق.
القصيدة تقول ::

يا مولاي آه من غلبي
من النار وحرقه قلبي
حظي الديمة من ريدة الانيس جافلبي
طالت السفرة واتحفت مناسم تلبي
هبَ الريم وعاودك الحنين يا قلبي
###########
مالك نفسي مظعونة وتملي تنيني
مالك عيني للغميض ابيتي تليني
عطشــان ديمة كفح الموية ما بيرويني
كاتلاني الطريفية البريدا قريني
############
الناس عيدت مرقت علي اصحابا
وانا فريت علي الجاهلة السمح ترحابا
فاطرا يحكي براق البدودي سحابا
لفت قلبي زي لفة طرحتا اللافحابا
############
يتمني الدهب لو لونه يشبه لونك
اشتهت الدرر لو هي تبقي سنونك
مجنون ليلي حالتو اجن من مجنونك
مادام ليلي كانت في المحاسن دونك
#############
ختت ايده فوق ايدي انجذبت خدرتا
حبيت امشي من كتر الطرب ما قدرت
بقت الحنه بين ايدي وايديها ان درت
لولا الحنه بيني وبينا كنت ودرتا
##############
شعرك منتظم زي السلاسل فتلو
وعينيك ترقص الحجر ان بقت شــافتلو
الطاؤوســة قاصدة مشيكي ما عرفتلو
واعصــاب الرآك اتكهربت تلفتلو
#############
اخدر ليهـو ضل فوقو المحاسن انشرن
افلج فاطرو زي برق السواري الكرن
يتقسم مقاطع في المشي ويتحرن
زي فرخ القطا الاماتو ركن وفرن
#######################
عن من احبو انا غير خاطري فارقتو
هايج بي غرام عن حالتي خلي سرقتو
لولا ادمعي من ناري كنت حرقت
ولولا ناري من كترت دمعي كنت غرقت[b]

شعرك منتظم زي السلاسل فتلو
وعينيك ترقص الحجر ان بقت شــافتلو
الطاؤوســة قاصدة مشيكي ما عرفتلو
واعصــاب الرآك اتكهربت تلفتلو
روعه روعه هذه الكلماااااااااااااات مشكوووووووووووووور