الحنين والعودة

nimat mohamed salih كتب:: الاخوة والاخوات الكرام احترامى وتقديرى للجميع كثيراً ما كان يمنعنى من تنزيل هذه القصيدة والتى كتبتها عقب عودتى من السودان عام 2005 بعد غياب عنها دام 8 سنوات .

اتت القصيدة من احساس صادقو ترجمة حقيقية يشوبها الالم الشديد اذاً ليس لى يد فيما ترجمته الاحاسيس واعلم جيداً هنالك من الأُسر المحافظة والمحترمة لذا ما اكتبة هو بعيد كل البعد عنها ولكن كما قلت انا هنا عكست وبكل صدق ما صُدمتُ به .حيث اننى كنت اتحرق شوقاً لبلدى التى تركتها مليئة بالقيم والاخلاق المثلى , من حبى لها نزلت من الطائرة وانا اصافح بالاحضان كل من يمر بى اعرفة او لا اعرفة ودموعى تجرى مجرى السيل . فارجو ان يعذرنى الجميع, واللة اعلم صدق ما كتبته.

البلد الجابت يُمًة------------والجابت يابا حبابا

الشوق لى ارضها ساقنى---خلانى اقيف فى بابا

بعد السنوات ما طالت ----والغربة كسانى سحابا

بالساعة دقيقة وثانية----بحسب للرجعة حسابا

الحلم القاسى تحقق----دعواتى المولى اجابا

قبال ما افارق الدنيا------والاخرة ينوبنى منابا

يوم اُ حظى بتقبيل ارضو----والناس الفيهو غلابا

ياربى الناس فى محبة؟----ما فيهم زول اتغابى؟

والفُقرا الكانو بقسمو -------للنبقة ويدو عقابا

والبركة الكان بترفرف-----فى الحلة وفى اصحابا

مانحنا البلد الطيبة------والطاهر ديمة ترابا

وانا جيت للبلد الغالية--- ودموعى جرت منسابا

حسيت بالشوق سايقنى---للاخت اللابسة حجابا

للطالبة الحشمة الراسية---يوم تطلع شايلة كتابا

والطايرة اخيراً هبطت----بسلام بجميع ركابا

شايلاهم فرحة عميقة----قفزت فى شوق من بابا

بعد الاحضان ما شالت----وما كلًت من احبابا

يوم قلت ازور الشارع----مريت بى شارع الغابة

ووصلت لشارع النيل----الصدمة قوية مُصابا

ماشفتو الليلة الشفتو----خلانى ااعيش فى كآبا

انا شفت الفوضى العمًت----فى ارضنا ضاربة اطنابا

البت الكانت حشمة---مما تبت يا دابا

بى عفة تقاوم ترفض---للعيب ما بترضى وتابى

فى كل حديقة بتسرح----قالت بتعيش فى شبابا

تلقاها وحيدة معاهو----ما داء الغرب اصابا

تجلس ببساطة بجنبو---ما عملت اصلو حسابا

للاسرة الجارية تربى----والاخرة الفيها عذابا

ناسية الاخلاق وقيمنا-----ما نست الوالد الجابا

واللبس اللاصق فاضح----فى السوق عارضنو خيابا

يا حسرة عليك يابلدى---انعدمت فيك مهابا

يا حليل القرشو الجمرة--- وماطفو نار التُقابا

لملمت رحالى رجعت----كان عشمى اقيم فى رحابا

اتمنى ان تعود المياه لمجاريها وارى السودان يلبس ثوب القيم النبيلة .لاننا بالاخلاق نهزم العالم.......................وسلاااااااااااااااام

يااااااااا سلاااااااااااام والله قمة في الإحساس وقمة في الرووووووووووووعة ... أستاذتناااا الرااااااااائعه (نعمات محمد صالح) شكراً لكل حرف سطرته أناملك المبدعه ... لتمتعينااااا بتلك المعزوووووووفه الجميله ... ودي ومحبتي يا مبدعه

» الى امى فى ذكري عيدها (الحنين الى الدفء)