هل ابناء المغتربين غير مؤهلين لتحمل المسؤولية .....

الاخ العزيز الثعلب :سلامات.

ما نقلتة من تصوير تفصيلى عن شريحة المغتربين هو نقل صورة حقيقية99% لكن اوضح لك

بكل صراحة ان هذه الظاهرة السلبية فى تربية الاطفال بالذات ودلع النسوان بهذه الصورة مرده الى احد الاشياء الاتية : اولااً هنالك الكثير من اخوانا المغتربين يبهرهم جمال وروعة الفتاة والتى يحلم بان تكون له شريكة فى بلاد الغربة فيفتخر بانة حمل حموله وجاب ما خلى حاجة ليظفر باجمل الجميلاات لياخذها ويذهب وهو ملىء بالفخر امام الناس بانة اتى بمن لم ياتى به غيره من الناس دون ان يتريث ويسال غيره عن من تكون هذه الشريكة وليس كيف تكون . بمعنى ان الشاب سوى راها او اشير له بها والله بت فلان سمحة سماحة ولم يفطنو او يسالو السؤال المهم جداً[ هل هذه الجميلة قامت الاسرة بتدريبها على كل شىء ؟] حتى تصبح مؤهلة لادارة مملكتها ؟

اقول هذا لاننى فى بلاد الغربة وكثيراً ما شاهدت من هم قُذفوا الى عالم الاسرة الجديدة ومعلوماتهن صفر من ناحية ادارة وتربية وحتى سلوكيات نحو هذا المخلوق الذى اتى بها والذى يفترض ان تدرك تماماً ان هذه الشخصية[الزوج] له تعامل خاص يختلف من التعامل مع الاسرة فى منزلها فهو له الاحترام والطاعة فى حدود المعقول وعموماً تعامل ودود, وليس استقلال واتكالية بحجة الحب.

السبب الاخر :وهو عندما يقع الفاس فى الراس وليس هنالك خلاص----اى يتورط الزوج بهذه الزوجة التى ليس لها ادنى فكرة لتحمل المسئولية ولكنها تريد انتعيش حياة النغنغة والاغتراب ويحدث مالم يحمد عقباه وينمو الجبين داخل الاحشاء ----------وتبدا مسيرة الهموم ويخرج للوجود وويستطدم الجميع بواقع عدم الخبرة بالتربية والادارة وهنا لامفر ويستسلم الزوج بهذه الحياة على مضض .

اذاً اعزائ المشكلة تكمن فى الاختيار والذى يرجع ايضاً للام التى لم تهئ ابنتها وتعلمها منذ الصغر كيفية ادارة مملكتها الصغيرة وان للزوج حدود فى اداء واجباته ومن علامات صلاح الاسرة كيفية تربية الطفل منذ الاشهر الاولى.وارى الكثير من الرجال يتزمرون لان اطفالهم متعبين ---شئ اعجب له كيف هذا وانتم من بيدكم تهذيبه وتقويمة.ولكن اهم ما فى الامر يجب ان يكون الزوجين قبل البدء فى التفكير فى الطفل الاول ان يكونا على قدر كافى من الاطلاع والثقافة التربوية الكافية والاتفاق التام على وضع خطة مرسومة لتربية الضيف القادم ولا يكون هنالك خلاف فى ذلك .مثل ان يتعلم كلاهما ان هنالك نظام لكل شئ ولكل تحركات الطفل اليومية من اكل ولبس ونوم بالاضافة للتعامل المهذب حتى ينشأ الطفل فى بيئة سوية.

ده كلام صاح لكن دحين انت ماك مغترب انا خاااااااايفة وليداتك يبقو من فصيلة [ يا خالتو]

واللة نحنا ذاتنا اولاادنا بيقولوها لاى واحدة من الاخوات لكن لاهم هبل ولا محنكشين هم زييي

ييييييييكم كدى


يالثعلب رامز ولدى واقف جنبى رغم انه عمره25 سنة لكن للاسف العربى الكان عنده نساه ولما قريت ليه كلامك اغتاظ جداً وقال لى اااااااااااااااااااااااااخ لو كنت بعرف اكتب عربى كنت رديت عليه كويس يعنى شيل شيلتك محل ما يلاقيك اللة يستر عليك والمصيبة هو قدرك مرتين يعنى يشيلك فى صفحتو هههههههههههههه

اخى الثعلب
1 موضوع الوحم موضوع براه ما عارف هل صحيح ام دلع وبرضو فى النهاية الراجل له كلمة فى واحد فى ليبيا مرته اتوحمت على بطيخ كما قلت وسأل قالو ما فى الا على بعد كام ساعة بالسيارة وسافر وجاب كمية مبالغ فيها فى الضهرية
اختنا فى الله شالت شقة يطيخ وقالت خلاص ما دايرة قال ليها كام ساعة ماشى وكم ساعة جاى واجيب الكمية دى وخلاص كده
تانى يوم جاب ليها تذكرة السفر الى السودان قال ليها اتوحمى عند امك وتعالى بعدين
:::::::::::::::::::::::::::::::::::::::::
2 اما دلع الاولاد
ناتج عن مستوى تعليم الاب والام وفهمهم للحياة وكيفية تربية الاولاد
وكيفية تربيتهم هم كيف نشأء الاب والام
:::::::::::::::::::::::::
3 موضوع الحفايظ ما شايف فيها عيب لسبب بسيط فى الغربة الشقق ارضية موكيت
لو تركت الطفل بدون حفاض تحتاج الى تغير الوكيت كل اسبوع
والله دخلت شقة صديق لى من رائحة البول اكرمك الله ما قدرنا نشرب العصير
ولغاية يومنا هذا ما دخلت تانى
اذن ما فلهما لكن ضرورة ملحة
::::::::
فى النهاية الاب والام لابد من فهم ما هو الحنان وما هو الدلع

nimat mohamed salih كتب:

ده كلام صاح لكن دحين انت ماك مغترب انا خاااااااايفة وليداتك يبقو من فصيلة [ يا خالتو]

واللة نحنا ذاتنا اولاادنا بيقولوها لاى واحدة من الاخوات لكن لاهم هبل ولا محنكشين هم زييي

ييييييييكم كدى


يالثعلب رامز ولدى واقف جنبى رغم انه عمره25 سنة لكن للاسف العربى الكان عنده نساه ولما قريت ليه كلامك اغتاظ جداً وقال لى اااااااااااااااااااااااااخ لو كنت بعرف اكتب عربى كنت رديت عليه كويس يعنى شيل شيلتك محل ما يلاقيك اللة يستر عليك والمصيبة هو قدرك مرتين يعنى يشيلك فى صفحتو هههههههههههههه

واللة يالثعلب انا رامز ده ما خايفة عليه كتير بالعكس زار السودان مرتين والمطمئن انه شخصيةاجتماعية جداً ومشى السودان مرتين واندمج مع ناسو الزمان .

والعامل المساعد لذلك روح المرح والنكتة مع الحجم اليعجبك يعنى باختصار ده ممكن يخارجو من قصة العربى دى .

لكن انا همى الكبير فى المعز 22سنة ووضاح 18 سنة ديل ان شاء اللة من ما دخلو كندا فى97 مامشوا السودان والمعز زول هادئ جداً وهو غالباً سوف يبعث للسودان بعد شهرين تبع شركة طيران كندية يعمل بها كمهندس طيران , ياخوى المشكلة دة ما شيطان زى داك وخايفاه يروح تحت الرجلين وكذلك الصغير عشان كدى بدور امشى وراهم . اها نبقى فى جنس ده؟

يعنى اولادى ديل بس ياهم تامر زاتو .

لكن اقول ليك حاجة غايتو كان كنت جعلى كان شربت الشطة انا غايتو رامز ده فى الجعليين مخالف والله باااااااااااالغت يا تامر ههههههههههه

الاخ الثعلب
موضوعك كما قلت سلفا متشعب
والعامل الاكبر فيه الاباء وطريقة تربية الابناء ولكن احيانا الظروف تكون اقوى من البشر
مثال تجد مغترب عنده اربعة اطفال وامهم دايرين تذاكر بكم للسودان اذا العمل لا
يعطيه تذاكر تكون مشكله كبيرة ولاحظ عاداتنا الحلوه مره ؟ لازم تشيل للاسرة
والجيران والاحباب يعنى مبلغ ما ساهل احيانا يكون عائق لسفر الاسرة مش رفض منهم
اما دلع الاطفال لابد منه بحساب الحنان لازم للطفل كى ينشأ سويا ما معقد
اما الاب الذى يشوف ابنه حنكوش المفروض يحاسبو الاب لان كلكم راعى وكل راعى مسؤل عن رعيته
اعمل حسابك من رامز شفت عديل
الحمد لله ما عرفنا الحنكشه فى حياتنا
الى حلقة اخرى

اخى الثعلب
الحناكيش ليسوا اولاد المغتربين فقط بل السودان فيه الحناكيش
كان معنا زميل من اولاد بحرى اخواته كلهن بنات وعندما تجلس معه او يتحدث اليك زى اخواته مرة سألناه يا فلان حتعرس متين ؟؟ تعرف قال شنو فى عيد اللحم يقصد
عيد الاضحى والصوت وما ادراك ما الصوت؟
=============
وفى جامعة القاهرة فرع الخرطوم واقف مع مجموعة من الزميلات وكلهم بنات عز الواحدة تكون فى المحاضرة تسمع صوت البورى تعرف طوالى مامى جات وتمشى عليها
المهم واحدة منهم قالت لى ياسامى بنت خالتى عندها رغبة تدرس فلسفة زيك
بكرة جاية اشرح لها فلسفة دى شنو او كلمها عن الفلسفة تانى يوم يا الثعلب اخوى جات فلانة دى من ناس العمارات زمن العمارات لكن معاها واحد عرفتنى عليه قالت حمادة ( ابوه كان وزير ايام نميرى) مديت يدى والله الذى لا اله غيره ما قدرت امسك نفسى اخذتها من يدها بعيد وقلت لها قبل الفلسفة امشى ليك مع راجل ده شنو ؟؟؟؟ طبعا فهمت
وتصدق انها تركت حمادة واصبحت صديقة وزميله عزيزة ومن الشله
الحناكيش فى كل مكان
========
واحدة من اهلنا بس المروقين شوية مش زينا المهم ماشية البلدمع مجموعة طبعا
اللورى يعجبك وهى قاعدة بعد الباب طوالى وحنكشة منها خات يدها على الشباك
والكمسارى والمساعد بيطلعوا فى العفش فوق اللورى وكل شوية واحد عافصها فى يدها الخاتها فى الشباك دون قصد ودى تبكى المهم عرفوا القصة وقالوا ليها دخلى يدك هسة لغاية اللورى ما يرفعوا العفش سكتت وقالت ادونى موية مسكينه ريقها نشف راح الكمسارى يجيب الموية وهى بتعاين ليه جاب الموية ابت تشرب الجماعة زعلوا منها ليه ما تشرب قالت جاب الموية من غنماية مقلوبة(القربة)
الى العدد القادم

يالثعلب ..........اللة يهنئ سعيد بسعيدة...........هو ما انا عاااااااااااااااااااااارفة سامى ده من فصيلتك زاااااااااااااااتا ..............راجل اختى وبعرفو كويييييييييييييييييييس............مصيبة كبييييييييييييييييييييييرة.بس اللة يدينا خيركم.

كيفك وكيف بحر الخبر ما زى بحر الشجرة
والله ثم والله بحر الشجرة زمان الناس (اسألوا عباس احمد عبدة) لا تقولى فى بحر فى الدنيا مثله هسة ما عارفوا
حتى فى شم النسيم اسالوا ناس الديم والصحافة والامتداد والسجانة عنه خليك من جنوب الشجرة ناس الكلاكلات وغيرهم
لو جاي كندا حبابك مليون ياغالى ولو ما جيت اجيك انا
ما قال بجى ما لو ما جاه
القاك فى الرمل الدقاقة ومع الونسة اخونا وهبة حيقوم من النوم يكحكك ويقول اللهم اجعله خير
التحية لاحبابى فى المنتدى