خبر متجدد نقلا عن الراكوبه

خبر متجدد
06-25-2012 11:03 AM
خاص خرج صباح اليوم مواطنو أم ضواً بان شرق الخرطوم بحري في مظاهرة حاشدة طافت سوق المدينة هاتفين بسقوط النظام وضد الغلاء ... وتصدت لهم سيارات الشرطة وعملت علي تفريق المظاهرة .. وعلمت الراكوبة بأن المتظاهرين عازمين علي العودة مرة أخري للتظاهر حتي سقوط النظام ...

من أقوال شاعد عيان :

نحنا مرقنا 7شباب بس .. وقفنا في نص السوق عادي .. جبنا لستك حرقناهو في نص الظلط .. بدينا نهتف(لا لا للغلاء) (يا بوليس أقلع طاقيتك رطل السكر بقا ماهيتك) .. وفجأة لقينا حكاية بتاعت 50_80 مواطن واقفين بهتفوا معانا .. وبعد شوية كبرت المظاهرة ... والناس تهتف (يا أمضبان ثوري ثوري ضد الحكم الدكتاتوري) .. المهم جو 4عربات شرطه . مجرد ما نزلوا بالعصي و البومبان الناس بدأت تتفرتق .. فضلنا نحنا السبعة ، المهم ما المنطق نقاوم ، انا كنت كادر حماية ، أمنت الطريق لغاية ما الشباب إتخارجوا ، وحاليا السوق فيهو قرابة ال8 عربات شرطه ، وحايمين بفتشوا عننا ،


** في متابعة للراكوبة قال شهود عيان أن إثنين من شباب تم إعتقالهم في قسم شرطة أم ضواً بان ، ومن ثم جاءت عربة تابعة لعصابة أمن البشير وتوجهت بهم لجهة غير معلومة والمعتقلان هم :

صديق إبراهيم عبود
محمد السيد يس

** ارتفاع سيارات الشرطة لعشرة سيارات ...