اكتشفت اننى فى عالم تانى ؟

رقد الصغير مصطفى عبد الوهاب بجانبي فى وقت متاخر من الليل يغالب النوم دون فائدة بعد ان جاءت الاجازة الصيفية الدراسية . شعرت بانه فى حالة قلل وسوف يسهر بي حتى الصباح بادرته بان احكى له قصة لكى يخلد للنوم وافقنى وبداءت اسرد له قصة من خيالى .. الفار الصغير الذى انقذ الاسد من الشبكة الى اخر القصة لكى اخرج بنتيجة ان الشخص لا يستهين بمن هو اصغر منه او اقل منه حجما .. المهم قلت الولد يستفيد بعد ان عصرت تفكيرى واخراج القصة باروع ما يكون ... قلت له رائك شنو ؟؟ صمت ولم يجبنى ... ثم قال .. انا بحكي ليك قصة قلت ليه هات ما عندك ثم بداء يسرد ,,, كان هناك جماعة يريدون ان يغزوا الفضاء لتدميره وكان هناك ولد شجاع ... عندها بداءت اسرح فيما يقول الى ان انهي القصة التى لم اركز عليها بل كان كل تركيزى فى اننى فى عالم تانى وكيف لى ان اساير هذا العالم الذى ادخلنى فيه مصطفى ... وماذا لو قال لي فى الليلة القادمة ان احكى له قصة .. ماذا افعل هل منكم من يستطيع ان يخرجنى من هذا المازق وكيف .

...
عبد الوهاب الحبوب
بي صراحة خوفتني عديل كدي
ومحمد ومصطفي نهائي ما بتجرأ وأحكي ليهم قصة

أقول ليك حاجة في زمنا العجيب دة الشفع هم البحكو
لي أبهاتم وأمهاتم ياخ أنا محمد ولدي بتبتب في صدري
ويقول لي النوم النوم النوم تعال وينومني في أكتر منك كده
تحياتي
...

شكرا الرائع دوما ابراهيم العمده وربنا يخلليك اولادك مشاء الله انا برضو عندى محمد ومصطفى ومصعب وبنت وحيدة تسمي ميعاد ... محمد اكبرهم حاليا بدرس فى ماليزا هندسة مدنية ومصعب وميعاد ينتلقون السنة الجاية الى الصف الاول الثانوي اما مصطفى اخر العنقود فى الصف الثانى ... الحداثة والعولمة غيرت مفاهيم الاطفال والواحد فيهم بقى يتكلم ويتصرف اكبر من عمره انا بتخيلى رغم الطفولة البرئية التى عشنها الا انها كانت اجمل من طفولة هذه الايام وربنا يستر

والله ياريس عندي فكره ماعارف اذا بتنجح ولا لا شوف عمنا جوجل فيه العجب والصيام في رجب
واتخيل لي مصطفي تاني حا يجيك كل يوم ولازم تحي ليه لانه زمان كانت الحكاوي من الطبيعه ومخيفه ذي قصه امنا الغوله اخوات لولوي السبعه والباعاتي شوف الاسمي سمع ساي تخاف وتنوم
ياريس ربنا يخلي ليك واولادك ويحفظهم ليك ويبارك ليك فيهم ويخليكم انتوا ليهم ويحفظكم

اهلا اخواني الريس وابراهيم وفخري
الكلام ده كان مثار نقاش بيني وبين زميلاتي نحن اتربينا بي طريقة واولادنا بطريقة مختلفة اي حاجة عندهم وما مبسوطين وما راضين متطلعين وئام بتقول لي حاجات انا ما بعرفة غايتو لنا الله وربنا يقوينا ويقدرنا لكم ودي واحترامي

شكرا الاخ / فخرى
شكرا الاخت / ام وئام

طبعا يا فخرى حرمت تانى احكى ليه اي حاجة واذا دعت الحاجة للنوم اغني ليه اغنية المشكلة كمان الغنية ما تعجبو وندخل تانى فى حيص بيص . لكن حاتبع نصية اخونا ابراهيم العمدة واخلى يحكى هو وانا انوم ؟؟؟

العزيزة / ام وئام
زمان كانت الحياة بسيطة وما معقدة واسلوب الحياة وتيرة واحدة والطفل كان قنوع بما يمتلك من اداوات يمشى بها حاله ... لكن الان اختلف كل شئ والمشكلة التى تواجهنا نحن سرعة وتيرة هذه الحياة الان . مع مشاكلها المتداخلة فلا تستطيع ان تلبى احتياجاتها ولا يمكن الامساك بها

عبد الوهاب احمد كتب:: رقد الصغير مصطفى عبد الوهاب بجانبي فى وقت متاخر من الليل يغالب النوم دون فائدة بعد ان جاءت الاجازة الصيفية الدراسية . شعرت بانه فى حالة قلل وسوف يسهر بي حتى الصباح بادرته بان احكى له قصة لكى يخلد للنوم وافقنى وبداءت اسرد له قصة من خيالى .. الفار الصغير الذى انقذ الاسد من الشبكة الى اخر القصة لكى اخرج بنتيجة ان الشخص لا يستهين بمن هو اصغر منه او اقل منه حجما .. المهم قلت الولد يستفيد بعد ان عصرت تفكيرى واخراج القصة باروع ما يكون ... قلت له رائك شنو ؟؟ صمت ولم يجبنى ... ثم قال .. انا بحكي ليك قصة قلت ليه هات ما عندك ثم بداء يسرد ,,, كان هناك جماعة يريدون ان يغزوا الفضاء لتدميره وكان هناك ولد شجاع ... عندها بداءت اسرح فيما يقول الى ان انهي القصة التى لم اركز عليها بل كان كل تركيزى فى اننى فى عالم تانى وكيف لى ان اساير هذا العالم الذى ادخلنى فيه مصطفى ... وماذا لو قال لي فى الليلة القادمة ان احكى له قصة .. ماذا افعل هل منكم من يستطيع ان يخرجنى من هذا المازق وكيف .

فى البدء دعنى احييك اخى الحبيب الريس وكل اعضاء منتدانا العامر بتحية مليئة بالأحترام والتقدير
ومما لا شك فيه العولمة وما ادراك ما العولمة جعلت العالم كما يقولون قرية صغيرة وابننا مصطفى واقرانه كثيرون وحتى يا ريس ابنتى الصغيرة سدين وفى كثير من الاحيان تاتينى باشياء تجعلنى اعمل فلاش باك وارجع عشرات السنين واقول لنفسى سبحان الله شوف زمنهم وشوف زمننا وعلى العموم كل هذه الاشياء تصب فى سعة خيال ابناءنا وبناتنا ..ربنا يحفظهم ويفرحنا بيهم ...شكرا حبيبنا الحبيب الريس .

» الوجيه فخري
» عاجل : قرعة الكونفدرالية ... الهلال يواجه بطل زيمبابوي والمريخ يصطدم ببطل النيجر !!!
» عالم موحش يحاصرنى
» السماني أحمد عالم - هب النسيم
» السماني أحمد عالم - حننت إلي قبر النبي صلي الله عليه وسلم