السلام في الغربة بقي في خطر

بعض سلبيات اخوانا في الغربة

حاجة مُلفته للنظر
تقلق شعور كل البشر
اصلو السلام يا ناس خلاص بقى فى خطر
الزول يشوف الزول ...
يضرب طناش.

وانا اتحداك واقول ....!!
سلام يا زول
ومن جواى سلام مقدول
لا فيه استقطاع ولا ادينى لبُكره !!
ولا عاوز اقول ليك جيب ؟!
او دى للسُتره !!

سلام والله ....... لــ ..... الله
سلام مجاني فى مجاني
سلام سوداني ... لسوداني
ارفع ضراعك خلى الناس تشوف ... تسمع
طراقيع الكفوف ... ومُلامسة الكتوف
ودعوة لشاي العصُر
وونسة بجرُم التمُر

وأخليك يا زول تعرف
إن سلامي ليك مجاني
سلام سوداني لسوداني
وتأمن ... انو الغربة ما نالت من الاغبش

ووقت تشوف الزول تقيف ليه ... زاااام
وتديهو التحية تمااام
وتعكس البيت الفوق
وتخلى السلام
حاجة مُلفته .... للنظر.

...
سيف الأستاذ
أتمني من كل قلبي أن ما ذكرته غير صحيح
فنحن لم نتعاطي الغربه ولا نود تعاطيها
ولكن ربما هي مقدورة لنا لا محالة
فإن كان الحال كما أوحيت لنا
فعلي الغربة السلام
وعليك السلام
تحياتي
...

اذا كان الوضع كذلك في الغربه وانا اظنه كذلك فالله المستعان واسال الله ان يعين الاخوه المغتربين لاسيما القدامي منهم فهذا الامر يؤلمهم ايما ايلام لانهم عاشو في الغربه ايام الزمن الجميل ايام كان يضرب بالسودانيين المثل في تعاملهم مع بعضهم ووقوفهم بجانب بعض ولكن لعل الاستاذ يشير اشاره تحذيريه للمغتربين بان الوضع سائر في هذا الاتجاه فيجب الانتباه هذا ما استشفيته من الكلام تقبل مروري ولك الود

ابراهومة
عثمان

انه اكثر من ذلك بكثير ولكن لكل قاعدة شواذ
الا اولاد الشجرة والحماداب تقريبا في امان والحمدلله ...