رمضان قرب والايام سراع

الايام بقت زي النفاثة بس عاوزة ليها رادار

رمضان اقترب كثير وهذا بعض النصح الحواري لي و للجميع ( من خيالي ) ..

اثناء صلاتى احد الفروض , لَبست على صلاتى , فما عرفت كم صليت
هل صلايت اربعة ام ثلاثة , وهنا تذكرت حديث الرسول صلى الله عليه وسلم لابى هريرة رضى الله عنه " وفيما معناه ( ان هذا شيطان يُقال له "خنزب" يأتيك فى صلاتك ويتلاعب بك وينسيك كم صليت , فان شعرت بهذا فأتفل عن يسارك ثلاث واستعذ بالله ) ففعلت , واكملت صلاتى , وحين سلمت نظرت اليه جالساً فى اعلى احد الاركان , فقلت له اقترب , فنظر الى مُندهشاً وقال : لا استطيع فقد تحصنت منى بالله سبحانة , وسرت على نهج الرسول عليه الصلاة والسلام , فتعجبت وقلت له : انت تصلى على رسولنا , فرد على ليس رسولكم وحدكم بل هو ارُسل الى الجميع , فقلت له حسناً ما دام كده ليه ما تؤمن به , فرد على مُنكسراً وقال : المصيبة انو ابو الشباب داك جدنا الكبير عمل العملة وورطنا معاه, المهم مالك عاوز شنو؟ , قلت له اريد ان اسالك عن شيئ فقال لى : ماذا ان شالله يكون سؤال شر , فقلت له شر يركبك قول امين , فقال لى : ما اقدر , فقلت له فى حاجة مُحيرانى يا ود النار فقال لى : دقيقة , ود النار دى شنو , فقلت له : انتو ما مخلوقين من مارج من نار , فرد على : ما شالله دارس دين كويس , فقلت له المهم يا ود النار انت عارف شهر رمضان طبعاً , فرد على مُتململاً أأأأأى عارفو هو ده شهر بيتنسي, فقلت له : معليش عارفك ممكون منه , الله يصبرك ساكت على الجايك غايتو , المهم يا ملعون , فزمجر غاضباً وقال : اهااا بدينا نغلط , فقلت له انت ملعون غصباً عنك , فدنقر راسو وسكت , قلت له : اول ما تبدء بشاير هذا الشهر الفضيل تظهر , تتسابق الفضائيات العربية والمسلمة فى الاعلان عن كوته من المسلسلات والبرامج التى تُلهى عن عبادة هذا الشهر العظيم , فرد على انا دخلى شنو فى الموضوع ده , فقلت له: كيييف انت والمعلم الكبير بتاعكم السبب الرائيسى فى الحاصل ده , فقال لى , اسمع يا العامل راسك زى اصبر لى كده , نحن ومن اول يوم فى رمضان بنخُش الكيس وما بنطلع الا فى اخر يوم , يعنى ما كل حاجة وسخة تعملوها ترموها فينا , انت ما سمعت بشياطين الانس , قلت له : ايوه سمعت , فقال لى : وتيب , فقلت له : اسمع يا ود النار ما تعمل لى الود تفتيحة , انت عارف انو اى حاجة بتلهى المسلم بتفرحكم صح ولا ما صح , اومأ لى براسه بنعم , فقلت له انا عاوزك تورينى ليه المسلسلات بتكتر فى رمضان بالذات ؟؟!! حك ود النار "خنزب" قرنو بطرف ضُفرو وقال لى : اسمع يا المُجهجهنى انا شيطان صغيرونى بتاع صلاة يعني اجهجهك في صلاتك انسيك ركعة سورة يعنى اجيك فى صلاتك وانسيك والهيك وكده يعنى , لكن الحاجات الكبيرة دى لازم اسأل فيها المعلم الكبير ..
ولحد ما ودالنار يرجع من عند المعلم الكبير عليه اللعنه

ننتظر ....

تناول جيد للتناصح بورك فيك ونسال الله ان يبلغنا رمضان وان يعيننا فيه علي الصيام والقيام وذكرالله والصدقات والقربات وان يقينا شر شياطين الانس في الفضائيات وغيرها

...
اللهم بلغنا رمضان
اللهم أعنا علي أداء صيانه وقيامه علي الوجه الضي يرضيك عنا
اللهم وأصرف عنا شياطين الأنس والجن

شكراً للأستاذ سيف للقصة الجميلة المبسطة
وننتظر رد المعلم الكبير
تحياتي
...