حذاري يا ولد من ديل؟

حبوبة ما عاوزاني اعرس من البنات ديل !!

حبوبة الله يرحمها كانت بدلعني وتقول لي يا ولد يا " طيرتو عيونكم عازين تعرفوا
اللقلب القديم عشان تشغلو بيهو هاهاها قديمة ..

اها حبوبة وصتني وقالت لي يا ولد يا " ؟؟؟؟ " اوك تعرس من البنوت ديل :

الاولي الطويلة
والتانية التخينة
والتالتة القصيرة
والرابعة المتعلمة
الخامسة الحلوه
السادسة الفاهمة

سالتها كيف يعني , قالت لي ( اولا في التبادي الطويلة يعني المن مكانا بعيد في
يوم تزعل وتقوليك وديني بيت اهلي وانت تتبهدل وراها , اما التخينة , الدفيانة المرطبة
كل يوم تقوليك انا عملت ليك وانا صرفت عليك وتذلك , والقصيرة الما عندها اهل تقعد
تبكي ليك في الصغيرة والكبيرة عشان ما عندي زولا يقيف معاي وتكرهك , المتعلمة تشبكك
ده صح وده غلط , ولو سمحت افصل لي بيتي عن باقي الاسرة بتاعتك دي و الحلوه تقول ليك
هوي ها جنس شناتك دي قبل ما تعاين لي لازم تغسل وشك وتتضوء و تحمد ربك , والفاهمة
تقدك عليك الله خيلنا اصلو الحقوق الشرعية ما بتختلف مع الحقوق المدنية ومن حق المراة انها
تنافس الرجل في كل المحافل و و و والبناطلين )

سألتها :
طيب يا حبوبة لكن اعرس كيفن ومنو ؟

قالت لي :
عرس بت خالك دي

قالت ليها :
يعني يا حبوبة بت خالي دي ما فيها اي من المواصفات القلتيها دي ؟

ابدا ما فيها وهي زينة البنوت , العاقلة الرزينة ستنهن كلهن وا

ن شالله خالك حالف
يوديها بلاد بره يعالجه !

والله لكن حبوبه بالغت معاهو

...
سيف الأساذ
وكمان فيها بلاد برة وعلاج وكدة
والله حبوبة الله يجازي محنا

بالجنبة
أنا حبوبة الله يديها العافية
كانت ولا زالت بتقولي أبو عجاج
عادي فيها شنو لو وريتنا حبوبتك بتقوليك شنو؟

تحياتي
...