للمرأة فقط ---كونى جميلة

خلطة تكسب الوجة جمالاً وبريقاً
***********************
عصير نصف جذرة ثم نضيف اليه نصف ملعقة عسل نحل اخلطى جيداً وادهنى الوجه وبعد 15 دقيقة اغسلى وجهك بماء فاتر

لتقوية البشرة
**********: 2 ملعقة خميرة بيرة

ملعقة دقيق + 2 ملعقة لب + ملعقة ماء داافئ

يعجن مع بعض ويترك طول الليل ويفرد على الوجه من اسفل الى اعلى بفرشة صغيرة واتركية لمدة ربع ساعة ثم اغسليه بماء دافئ ثم مررى على وجهك قطنة مبللة بماء الورد وستلاحظين الفرق-----

وفى المرات القادمة سوف ازودك عزيزتى بخلطات للشعر جميلة ومفيدة فقط اتمنى ان اعرف منكن نتيجة ما ذكرته اعلاه

لكن منى التحية وبالتوفيق.

ياااااااااااااااااااااااااااااااااااحواء يا اختى : القصة شنو حاولنا نجيببك عن طريق اهم شئ فى حياتك

ولازلتى متقوقعة ماهى المشكلة بالضبط ؟؟؟؟؟أوكىىىىىىىىىىىىىىىىىىىى

وده اعلان هام لكل الاخوات هنالك حافز رهيب جداً ولن اتراجع عنه سوف اقوم بارسال هدية قيمة جداً لكل من شاركت بمواضيع قيمة وتفاعل معها الجميع حيث انه سوف يتم الترشيح من الجميع واهم عنصر هنا الامانة يا جماعة وانا على وعدى من هنا حتى نهاية هذا الشهر بمعدل موضوعين على الاقل اسبوعياًومن يقع عليها الاختيار سوف اقوم بالاتصال بها تليفونياًلمعرفة الاشياء التى تحبها وده وعد وانا حلفاوية كلمتى واحدة ...........يلا ورونا همتكم وانا فى الانتظار من يوم غد ان شاء اللة. وسلالالالالالالالالالالالالامى

مشرف شجرة حواء الجنس :

والله يا استاذة نعمات الواحد نفسه يشارك من دون حوافز , لكن المشغوليات حالت دون ذلك , لكن رغم ظروف العمل الصعبة بنحاول نشارك ولو بالبسيط
هاكم الوصفة الجديدة دي :
خلطات للجسم:-
لتبييض الجسم :-جلسرين- ليمون- شوية فـكس بسيط -ماء ورد.
الطريقة:- يخلط مع بعض ويدهن به الجسم ثم بعد فترة يغسل بالماء الدافىء طبعا مع الاستمرار تبين النتيجة

الاخت ام حسين واللة منورة , اخبارك يعنى معقول المشغوليات عندكم للدرجة دى ولا انا عواطلية ههههههههههه المهم تكونوا بخير وانتى واللة داخلة المنافسة . وشكراً كثير على الوصفة وكدى امشى اطبق طوالى .

لك كل التحايا ولاسرتك وربنا يديك العافيةز وسلالالالالالالالالالالالالالالالام

االسلام عليكم الاخوات نعمات وام حسين
لاني جديده في المنتدي كنت بحاول اقرا الفاتني عشان افهم الحاصل
عندي ليكم سوال وين الاخوات والبنات ؟
في مشاغل كتيره ااااي
قله قليله ما عندها درايه بالكمبيوتر
ما عارفه كيف عايشين
لكن الاهم في ناس بتعرف كمبيوتر وعندها وقت وما سمعت بالمنتدي
انا مثال
بالصدفه بس سمعت بالمنتدي

اتمني نتكاتف لتعم الفايده
ولاني مشتاقه لي ناس كتار كنت اتمني يكونوا بالمنتدي وما لقيتم
عندي احساس اني حبوبه للموجودين
وكلهم صغار
المهم بعد الرغي ده كله (بنوفر الكلام كله طول السنه لحد الاجازه تجي والله يقدرم في البيت يفتحو خشمن)

جربت خلطتك يا ا-نعمات وكانت رائعه
عندي شوية تعديل في خلطه ام حسي flower

ن ان شاء الله تنفعكم

بالزات بعد الشتا او مركبه الدخان

ابشري صابونة غار وكبي عليها موية ورد قدر 2كاس

خليها لقايت بكره
اضيفي فنجان زيت زيتون وفنجان زيت لوز مر وفنجان زيت خروع
ووفنجان جلسرين وزي ملعقتين فكس وعلبه كريم جلسويد

اخلطيهم كلهم ويحفظو في علبه
ندهن كافه الجسم مده ساعه وتزال بالليفه ناعمه

معليش الحاجات كتار لكن بتقعد مده طويله اتمني تعجبكم

واتمني بشده الاقيكم

بشكر الاخت نعمات لانو اختارت حاجة مهمة جدا لي حواء وهي الجمال وانا بحب الحاجات البلدية
وعندي ليكم خلطة حلوة للشعر ومجررررررربة والله تعمليها كل اسبوع او 15 يوم
تجيبي كاست زبادي صغيرة ومعاها بيضة وملعقتين زيت زيتون وتخلطي شديد وتدهني بيهو شعرك كلو وتربطي بي كيس لمدة ساعتين وبعداك تغسلي شعرك بالشامو للمتزوجات الوحدة بس تخلي راجلة يطلع وبعداك تعمل الخلطة دي عشان ما يطفش منها
اسال الله ان تستفيدو
وعندي حاجة لنظافة الوجة الدهني
نعصري طماطمة حمرة الطماطم اليومين دي رخيييييييييييص ومعاها ملعقة زيت زيتون وتمسحي بيها وجهك وبعد نصف ساعة اغسلي وجهك بالماء الفاتر وح تلاحظي الفرق
اسال الله تستفيدو وتوروني

زائر

لكم الشكر على الموضوع الجيد واللة المدام بتشكركم شكر شديد ولكم منهى التحية
لانو كل الوصفات دى متوفرة عندنى فى سورية بمبالق قليلة جدا
وارخص من الكريمات الكميئايةالشوهت وش البنات اليومين ديل لكم الشكر
مدام بابكر الفكى

الاخوات الحبيبات غادة وامانى والغالية ام حسين لكم احلى التحايا

سجلت غياب طويل لظروف خاصة كانت مارة بى لكن جيت ولقيت كل الجمال والروعة حافاكم , وانسطت جداً بوجودكم

لانه لى زمن طويل كنت بنادى عليكم لكن الحمد للة نورتو وشرفتو كتير واتمنى اننا نعمل باجتهاد عشان تعم الفائدة.

خلطاتكم رائعة وباقى لى حاجربها لانى بهتم جداً بمثل هذه الاشياء ,بس لكن عندى خلطة خاصة جداً وسحرية للجسم ياربى اوريكم ليها ولا اسوى الخيانات هههههه

لا لا خيانات مامعانا نحن عاوزين كل بنات حواء السودانيات يصبحن سمحات وناعمات وجميلات ....خلاص للمرة الجاية وشايلة معاى كل الجمال والفال . ودعتكن اللة .

تخريمة :- يامدام بابكر خليك معانا على الخط طوالى بس نحن نصنع ليك الخلطات وانتى اجدعينا بالكريمات .... عاد كمان انا فى كندا مع الناس

الغبش ديل عندى كريمات زيكم ههههههههههه .

الاخت نعمات
يعني في الاخر سويتي الخيانات
مع انك وعدتينا بجديد الخلطات
الاحنا محتاجنها الان اكتر مما فات
ام وائام عروس ومحتاجين لوقفت كل الاخوات

flower

» كونى اربع نسوة فى جسد واحد
» سبعون وصف للمرأة
» كلمات جميلة
» كلمات جميلة
» اطلالة جميلة يا عزو