ﺳﺒﺐ ﻏﻴﺎﺏ ﺍﻻﺑﺘﺴﺎﻣﻪ ﻓﻲ ﺍﻟﺴﻮﺩﺍﻥ

…
ﺳﺒﺐ ﻏﻴﺎﺏ ﺍﻻﺑﺘﺴﺎﻣﻪ ﻓﻲ ﺍﻟﺴﻮﺩﺍﻥ
.
.
.
.
.
.
ﺍﺫﺁ ﺍﺑﺘﺴﻤﺖ ﻟﺸﺨﺺ ﻏﺮﻳﺐ ﻗﺂﻝ:
ﺍﻧﺖ ﺑﺘﻌﺮﻓﻨﻲ ﻳﺂﺯﻭﻝ
ﺍﺫﺍ ﺍﺑﺘﺴﻤﺖ ﻟﻔﺘﺎﺓ ﻗﺎﻟﺖ:
ﻗﻠﺖ ﺍﺩﺏ
ﺍﺫﺍ ﺍﺑﺘﺴﻤﺖ ﻻﺧﻮﻙ ﻗﺎﻝ:
ﺑﺴﻢ ﻟﻠﻪ ﻓﻲ
ﺷﻨﻮ
ﺍﺫﺍ ﺍﺑﺘﺴﻤﺖ ﻻﺑﻮﻙ ﻗﺎﻝ:
ﻋﻤﻠﺖ ﺷﻨﻮ
ﺍﻋﺘﺮﻑ
ﺍﺫﺍ ﺍﺑﺘﺴﻤﺖ ﻻﻣﻚ ﻗﺎﻟﺖ:
ﺩﺍﻳﺮ ﻗﺮﻭﺵ
ﺍﺫﺍ ﺍﺑﺘﺴﻤﺖ ﻓﻲ ﺍﻟﺤﺼﻪ ﺍﻭ ﺍﻟﻤﺤﺎﺿﺮﻩ
ﻳﻘﻮﻟﻴﻚ ﺍﻃﻠﻊ ﺑﺮﺍﺍﺍﺍﺍ
ﻭﻓﻲ ﺍﻟﻨﻬﺎﻳﺔ
ﻳﻘﻮﻟﻮ ﺍﻟﺸﻌﺐ ﺍﻟﺴﻮﺩﺍﻧﻲ
ﻃﺒﻴﻌﻲ ﻣﻜﺸﺮ
ﻋﺎﻭﺯﻧﻨﺎ
ﻣﺎﻧﻜﺸﺮ ﻛﻴﻒ
...

وسبب غياب الاعضاء من المنتدى شنو ياعمده الشجرة والحماداب ؟؟ Embarassed

حسن احمد عثمان كتب:: وسبب غياب الاعضاء من المنتدى شنو ياعمده الشجرة والحماداب ؟؟

...
جارنا العزيز حسن
سبب غياب الأعضاء ما واحد بل عدة أسباب
الأول الظروف والشغل والضغوط المعيشية وما شابه ودة مقبول ومنطقي وهو الغالب
لكن برضو ما بيمنع من التواجد ولو مرة في الإسبوع تواجد بفاعلية ومشاركة عاليه

التاني عدم توفر النت أو الجهاز عطلان أو الفلس وبرضو ما بيمنع من المرور ولو من جهاز زميل

التالت الإنشغال بالفيسبوك أو منتدي آخر ودة برضو ما بيمنع إنو الزول يدي الشجرة حقها
وما يحرم الطلة البهية وريها بقليل من مداد الحروف المنهمر في وادي آخر

الرابع ودة هو المشكلة إختلاف شخص مع آخر أو ما شابه وبذلك يحرم البقية
من تواجده والإستفادة منه بسبب شخص واحد ولو أخلصنا النيه فكل ما نكتبه
هنا يبقي حتي بعد موتنا فإن كان طيبا مستفاد منه كان لنا صدقة جارية حتي نلقي الله
فالإختلاف في الرأي لا يفسد للود قضيه وعشان عين لابد من إكرام ألف عين

الخامس دة الزول الحردان ودة صعب شديد إنو يرجع إلا حردتو دي براها تفك

نخلي السادس والستاطر لي زول تاني يورينا ليهم
سلام
...