من بعيد .... اعاين ليك

بفتش ليك بفتش عن نفسى فى عينيك
اعاين ليك عيونى تشوف جمال خديك
ادور اقرب منك
قليبى يدق ورمشى يرف
وعينى تخاف تعاين ليك
سهرت كتير افكر فيك
واقايس لو العمر يفديك
القى قليبي يتخسر
واحلام تطير وامالى تتبخر
وافتش ليك واسال شجير البان
واقيف فى قيف واراقب كل زول ولاهان
وافتش فيك واسال الوديان
لكن الاقيك وين وانا الحيران
افتش ليك وانا شايلك جوه القلب دفيان
سهرت الليل خايف انوم
تضيع صورتك واقوم مهموم
خايف انوم تضيع صورتك واقوم مهموم

...
سيف الأستاذ
كيف تنوم وإنت المهموم
أخيرلك تساهر تعد للنجوم
خوفي عليك تقوم محموم
كفايه عليك حر السموم
إنشاء الله وقت تفيق وتقوم
تلاقي حبيبك حولك يحوم
...