البنت دي ما بتستاهل كف؟!!

قصة رمزية قصيرة

عادت الأم من عملها وهي منهكة .. دخلت غرفة ابنتها فلم تجدها
كادت تجن .. أين البنت ؟؟
لكنها وجدت رسالة على السرير فقرأتها بيدين مرتجفتين..

كان مضمون الرسالة كالتالي :-

أمي الحبيبة

بندم وأسف شديد.. أخبرك أنني هربت مع صديقي الجديد

وجدت معه الحب الحقيقي وهو لطيف جدا بالرغم من الأقراط التي يضعها في أذنيه وأنفه وأشكال الوشم الكثيرة على جسمه

ليس هذا فقط ماما

فأنا أيضا حامل!!!

وهو يقول لي أننا سنكون سعيدين جدا في الحياة..

ويريد أنجاب الكثير من الأولاد معي..

وهذا أحد أحلامي..

لقد أخبرني أن الحشيش لا يؤذي..

وسنزرعه من أجل أصدقائنا الذين سيهدوننا (الكوكايين)..

اطمئني يا أمي نحن ندعو أن يجد العلماء دواء للإيدز من أجل حبيبي فهو يستحق..

ماما لا تقلقي..

أنا عمري 15 سنة الآن وأنا أعلم كيف أعتني بنفسي..

في يوم ما سأزورك لتتعرفي على أحفادك..

ابنتك

ملاحظة

vvv

vv

v

ماما أنا أمزح!!!

الكلام ده كلو ماحصل

> >

أنا الآن عند الجيران

فقط أردت أن أريك أنه يوجد في الحياة أمور أسوأ من : نتائج الاختبارات!!!

نتايج الاختبارات طلعت
وأنا سقطت في 5 مواد

وتقرير المدرسة موجود على طاولتي!!!

ابداً ماتستاهل الا كل تقدير!
رغم انها 15 سنة لكنها حكيمة جداً
دائماَ الناس تزعل وتنزعج لاشياء بسيطة وتنسي انو هناك ماهو اسوء بكثير!
افرض انها عادت سنة دراسية؟ يعني شنو؟
ولا ياخي ربنا اداها عقل قدر درجاتها الجابتها؟ لايكلف الله نفساً الا وسعها..
اتخيللي الام حتحضن بتها وتقولليها ما مشكلة حبيبتي المرة الجاية شدي حيلكي شوية

الاخ بكري مشكور علي المرور
دي لو بتي كنت ح اموت بي جلطة ما ح الحق اديها كف
affraid

الله يسترنا

...
المشكلة يا بكري الأم هل عندها صبر
لمن تقرأ الرسالة للآخر ولا حتقع من أول سطر
بالجنبة كدة
كونها عمرها 15 سنة وبتعرف الحاجات دي معناها ما قاعدة في الواطة
وأمها برضو مفروض تجيها الجلطة
...

اخونا ابراهيم مشكور علي مرورك غايتو ربنا ما يورينا ذي دة ويستر علي بناتنا وبنات المسلمين

البنت دى ما عندها ادنى مستوى من الاصول وحقو امها تخليها قاعدة فى البيت وتحبسها لانها بالجد قالت كلام اكبر من عمرها وكل الامور ممكن الواحد يوصلها بطرق كثيرة غير الطريقة العقيمة البايخة الشينة وعلى العموم ممكن نقول جاهلة رغم انو الجهل ما ممكن يوصل للكلمات القالتها ام15 سنة دى ربنا يهديها ويصبر امها ويعينها ويعيننا جميعا على تربية ابناءنا وبناتنا على احسن من يكون وبطريقة تكون مثالية .

مجدى ابوعبدة كتب:: البنت دى ما عندها ادنى مستوى من الاصول وحقو امها تخليها قاعدة فى البيت وتحبسها لانها بالجد قالت كلام اكبر من عمرها..... .

الساحر ابوعبدة
ياخي الحاجات القالت البت دي بقوا اطفال الروضة بيعرفوها!
الفضائيات والنت ديل باقيلك مقصريين؟ العجب المسلسلات التركية!!!
كل اب صار اهم شئ عندو انو ابناؤه يقتنوا احدث لابتوب و احدث موبايل بدون رقابة...
الواحد ممكن يتكلم مع ابناؤه من بدري في الحاجات دي ويوعييهم
بخطورتها..احسن مما يجيبوها من برة

كلامك ما غلط حبيبنا بكرى واطفال الروضة مفروض يعرفوا ماما وبابا حبونى وانا حبيتهم بعيونى حصانى كبير وبجرى شديد وانا من فوقو كأنى امير اخش الجامعة وابقى وزير واريح ماما وبابا فى السرير .

ام وئام كتب:: اخونا ابراهيم مشكور علي مرورك غايتو ربنا ما يورينا ذي دة ويستر علي بناتنا وبنات المسلمين

…
اللهم آمين يا أم وئام

وبشوفك طولتي الغيبة

إنشاء الله عافية بس
...