انثي بعيون شاب مُحب

الحياة الخفية لعالم الانثي من منظور شاب سرح بعيدا وتخيل ان إمامه أنثي
تتحاور معه دون تعقيدات وبقلب مفتوح بعيدا عن أي زيف:
انا وانت في حوار ساخن يعكس أفكار كلا منا لشريحة الشباب والفتيات

شاب : السلام عليكم
فتاة : وعليكم السلام

شاب : ممكن اخد من وقتك شوية ؟
فتاة: خير ان شالله في شنو ؟

شاب : ممكن نقعد في مكان ادردش معاك شوية ؟
فتاة : معليش , لكن باي صفة مخولة ليك عاوز تقعد معاي وتدردش ؟

شاب : ما في صفة مُخولة لي ابدا في حقك , ولكن عاوز اعرف لو في مجال تكون لي صفة ؟
فتاة : ما فهمت ؟

شاب: يعني انا شفتك وزي ما تقولي كده اعجبت ببعض الصفات العامة فيك , وعاوز اعزز الصفات دي
بحاجات تانية مهمة ؟

فتاة : حاجات زي شنو ؟

شاب عشان كده قلت ليك بكل ادب واحترام , ممكن اقعد معاك في مكان وندردش ؟

فتاة : طيب ممكن تكون في طرق تانية للمعرفة دي ؟
شاب : دليني وانا جاهز !
فتاة : ممكن تطلب مني التعرف على اهلي مثلا ؟

شاب : طيب ما انا عاوز اصل للحته دي معاك واعرف المعلومات الكاملة
فتاة طيب ممكن اسالك سؤال وما تزعل يعني ؟

شاب : اتفضلي !
فتاة : اثناء ما انت عاقد معاي وبندردش شافنا أي واحد بيعرفني الموقف بيكون شنو؟

ونواصل ....