أنا و عيونك الحلوين

أناو عيونك الحلوين مابينَّا كلام
حوار صامت بنظرة عين و دنيا عايشة ف الأحلام
و واحة و ضفتين راحة و قصة عشق بصراحة
باجيلها هروب من الأيام
*****
و نظرة ساعات بتبقى سؤال
و نظرة تجدد الآمال
و نظرة كتير بتبقى سلام
و أنا شعبك و أنا الجمهور و أنا المسجون بدون ولا سور
و إنت رموشك الحكام
و لسة عيونك الحلوين ماليها كلام
*****
ولمَّا بابص فى عيونك بالاقى الهم راح منى
و ييجى النن فى الننى
أتوه من فرط أشواقى مابين شطين من الأحلام
و رمشك مرسى يحضنِّى
وراه روضة من الألوان بتعزف أجمل الألحان
*****
و أنا ف بحرك يادوب قارب
لا لاقى ليل و لا مغارب و لافى نجوم ولا كواكب
و لا شمسك ف يوم بتغيب و لا الأيام بتتعاقب
و أنا هايمان ف بحر الشوق يا ريت كل اللى حب يدوق
جمال الحب و شعوره و يبدر ع الوجود نوره
و أرجع تانى لعيونك
ألاقى عنيا فيك دايبين

...
أخونا طارق
تحية رمضانية صباحية
كلامك جميل وسمح بالحيل

وياريت لو ترجع تاني لعيون الشجرة
وتلاقي عيونك فيها دايبين

1983-1988م
خمسة سنين ودرب الريد معاك أخضر
...