واحدة ممغوووووووووسه من الرجال -رسالة بريد

...
من زماااااااااان وانا الرجال ديل رافعين لي الضغط... راس كبير على الفاضي: ! عليك الله رافعين نخرتم على شنو الناس الجضومم بيقوم فيها شعر ديل؟؟ الواحد فيهم لو غشيتي زي الشافع بيتغشى ليك...
الفصل الأول:
قبل الزواج: اسمعي يا عسل... ايه رايك نمشي المطعم الفلاني... قلتي غالي؟؟ ما في شي بيغلى عليك يا اعز الناس ... بعد الزواج : نجيب فول من الفوال البرة ليه؟؟ انا جايب ليك قدرة من سوق ليبيا بالشي الفلاني عشان نخسر قروشنا عند الفوال؟؟ مرة مسرفة!! لا .. و الظرافة قبل الزواج: انا بصراحة ما بحب الملاح والحاجات دي بحب البيتزا والمعجنات وهو كان شمه ريحة ام رقيقة حيلو يبرد ويجري عليها واهم شي يشتريه في عفش البيت الصاج...
واحلى شي لما يقول ليك قرووووووششششششي وانا حر فيها : ياخي يقرش حلقووووومك ( سوري على الدعوة دي بس من زماااان نفسي اقولها ).... المرة من الفجر تصحي الاولاد تحشي السندوتشات تعمل الشاي تنضف البيت تعمل الاكل وهو يجي الساعة 3 من الشغل ويعمل فيها بني الاهرامات براااااه : تعبان وزهجان و ما داير يعمل اي شي . .. مرتو بعد شغل النهار دا كلو تغسل عدة الغدا وتبدا تقري الاولاد وبعدين شاي المغرب بعدين العشاء يعني قروشششششو دي: شرااااااااااكة بينم امال هو متخيل انه اتخلق عشان يتخدم بلووووشي.... دقيقة اشرب موية باردة واجي ريقي نشف من الغيظ.
المهم : الفصل التاني:
طلباتم الغريبة : الواحد ياخد بت الناس من بيت اهلها و يكون داير يبكي من الفرح ما مصدق انه رضت بيه.. بعد شوية يبدا النقة: نكدية.. سمينة/ضعيفة ... ما بتهتم بنفسها ... بيتها مااااا نضيف شديد... طبعا مفروض النهار كلو زي تور الجر ...الاولاد لازم تقريهم يطلعوا من الاوائل والبيت يكون زي القصور ( وهو كان قالو ليه جيب ملاية جديدة يقرب يبكي!) و مفروض يكون شكلها يكون نانسي عجرم( او هيفا وهبي عشان المكسرين في هيفا ما يزعلو) وهو كان قالت ليه كوفير ساااااااي يسمعها بيان تفصيلي بالمنصرفات عاد هو تعايني ليه تلقي الصلعة لياقة القميص بي ورا والكرشة مدورة وكبيييييييييييييرة و ما عاجباه مرتو !
الفصل التالت: التعامل :
طبعا الرجال بيحاولو يقنعونا انه اسهل طريقة للتعامل معاهم الكلمة الحلوة والدلع ... عشان تدلعيهم طبعا ... الواحد يعدل نضارتو و يحك جلحاتو و يديك نظرة حنونة ويقول ليك: عارفة دايما بيقولو الرجل ( مش الراا! جل) زي ا لطفل كل شي ممكن معاه بالكلمة الحلوة واللطافة .. قال يعني هو لما كان طفل كان بيعاملوه بالكلمة الحلوة واللطافة ( شوفة عيني امه ساكاه طول النهار بالسفنجة) .. اسمعي يا اختي نصيحة مني للتعامل مع الرجال: دايرة منو شي: قولي اول شي بأدب ووضوح رضى رضى ...ما رضى: صري وشك لما يبقى زي الخيارة النشفانه و حمري ليه بعدين ارفعي انبوبة الغاز بيد واااااحد ونزليها( أنبوبة فاضية طبعا بس انتي ما حتقولي ليه )) وبعدين كوووووركي وقلبي ليه القديم والجديد ...و بعدين بكل لطافة ورقة وحنية كرري طلبك ! و ان شاء الله حيحصل.

رأيكم شنو يا أم وئام وأم أحمد وأم رامز وباقي الأمات والشابات في الكلام دة
إنشاء الله تكونوا إتفشيتوا
...

والله يا ابراهيم بالغتة عدييييييييييييييييييل كدا
Very Happy

والله اتفشيت جنس تفشى لكن ...والنصيحه الاخيره دى حنعمل بيها .... Very Happy

تسلم يا ابراهيم

ام وئام كتب:: والله يا ابراهيم بالغتة عدييييييييييييييييييل كدا

...
يا أم وئام بالغت هي وأنا مالي

أنا مبسووووووووووووووط من الرجال هههههههه
...

ام محمد معتز كتب:: والله اتفشيت جنس تفشى لكن ...والنصيحه الاخيره دى حنعمل بيها ....
تسلم يا ابراهيم

...
بركة الإتفشيتو يا أم محمد معتز
ولو عن النصيحة الأخيرة إنتو قولو الحاجة أول شئ بي أدب (((((((( ووضوح )))))))))))) نحن طوالي بنرضي

يديك العافية ويخلي ليك أولادك
...

هههههههههههه
والله يا أخ إبراهيم عافية منك ومن الكتبت الكلام دا
أحييييينا .....إتفشيت... شوية لكن
باقى التفشي بجي بعد ما أطبق الكلام دا بي حذافيرو
وأشوفو قدام عيني.........

وكان فى مصيبة حصلت عليك انت ياود العمدة

ام احمد كتب:: هههههههههههه
والله يا أخ إبراهيم عافية منك ومن الكتبت الكلام دا
أحييييينا .....إتفشيت... شوية لكن
باقى التفشي بجي بعد ما أطبق الكلام دا بي حذافيرو
وأشوفو قدام عيني.........

وكان فى مصيبة حصلت عليك انت ياود العمدة

...
هوي يا أم أحمد أنا ذنبي شنو أنا قلت مبسووووووووووط
شوفي الزولة الرسلت الرسالة دي وشيليها الذنب
هههههههههه
...

يا ام احمد انتي معانا ولا مع الخيان

واللة ياابراهيم انا عمرى مااتنهدت وفرححححححححححت زى الليلة

ههههههههههههههههههههههههههههههههههههههههههههههههههههههه
ياخى انا باضحك لى ساعة وعافية منها الكتبت واللة اتفشينا واتفشت هى وكلام فى الصميم واللة عجبنى بالحييييييييييييييييييييل لانة من صميم الواقع وباقول ليها جزء من قصيدتى الطوييييييييلة صدقاً لكلامها:-

ياحليلو الزمان الكان شهامتو تقيلة

يدفع عننا كل قاسية يحلف يشيلها

جياب للسمح مابيقول قروشها كتيرة

*************
وينو الليلة هو يطلب يقول ادوهو

كسلان فى الجسم يتمنى لو شالوهو

طارد الرحمة من بيت العيال الجوهو

نقناق فى الحديث لو بس سؤال سالوهو

ماداير كلام حتى الاكل حردوهو

وللقصيدة بقية هههههههههههههههههه

التحية لك اخى ابراهيم ويانسوان ادوة صندوق مناديل يقش الدموع دى هههههههههههه

ام وئام كتب:: يا ام احمد انتي معانا ولا مع الخيان

ولو ياأم وئام دى دايرة ليها كلام ....أنا معاكم وفي النُص كمان
أبرا من الخيانة .......ما شبهنا
ههههههههههههه

nimat mohamed salih كتب:: واللة ياابراهيم انا عمرى مااتنهدت وفرححححححححححت زى الليلة

ههههههههههههههههههههههههههههههههههههههههههههههههههههههه
ياخى انا باضحك لى ساعة وعافية منها الكتبت واللة اتفشينا واتفشت هى وكلام فى الصميم واللة عجبنى بالحييييييييييييييييييييل لانة من صميم الواقع وباقول ليها جزء من قصيدتى الطوييييييييلة صدقاً لكلامها:-

ياحليلو الزمان الكان شهامتو تقيلة

يدفع عننا كل قاسية يحلف يشيلها

جياب للسمح مابيقول قروشها كتيرة

*************
وينو الليلة هو يطلب يقول ادوهو

كسلان فى الجسم يتمنى لو شالوهو

طارد الرحمة من بيت العيال الجوهو

نقناق فى الحديث لو بس سؤال سالوهو

ماداير كلام حتى الاكل حردوهو

وللقصيدة بقية هههههههههههههههههه

التحية لك اخى ابراهيم ويانسوان ادوة صندوق مناديل يقش الدموع دى هههههههههههه

مناديل شنو ياأستاذة .......دا بشكير ما ح يكفيهو
ههههههههههههههههههه

nimat mohamed salih كتب:: واللة ياابراهيم انا عمرى مااتنهدت وفرححححححححححت زى الليلة

ههههههههههههههههههههههههههههههههههههههههههههههههههههههه
ياخى انا باضحك لى ساعة وعافية منها الكتبت واللة اتفشينا واتفشت هى وكلام فى الصميم واللة عجبنى بالحييييييييييييييييييييل لانة من صميم الواقع وباقول ليها جزء من قصيدتى الطوييييييييلة صدقاً لكلامها:-

ياحليلو الزمان الكان شهامتو تقيلة

يدفع عننا كل قاسية يحلف يشيلها

جياب للسمح مابيقول قروشها كتيرة

*************
وينو الليلة هو يطلب يقول ادوهو

كسلان فى الجسم يتمنى لو شالوهو

طارد الرحمة من بيت العيال الجوهو

نقناق فى الحديث لو بس سؤال سالوهو

ماداير كلام حتى الاكل حردوهو

وللقصيدة بقية هههههههههههههههههه

التحية لك اخى ابراهيم ويانسوان ادوة صندوق مناديل يقش الدموع دى هههههههههههه

...
والله يا أستاذة أنا زاااتي فرحت بي فرحتك دي
والقصد ما التفشية القصد نفرحكم شوية ونبعث الإبتسامة والضحكة
لي وشوشكم بدون سابق إنذار وبدون إستئذان وتستاهلو أكتر من كدة

زشكراً للقصيدة الجميلة الأضافت جمال للمغسة قصدي للبوست وياريت لو تميتيها لينا

لكن بس الأكل دة أكان عندنا ملاريا ولا وجع حلق ما بنحردوا تحردنا ليهو مررررررا هههه

والمناديل والبشاكير والملافح دي بس نعلها لي أنا

غايتو جنس محن عليكن خلاص قبلتن علي أنا المسكين دة
...