المبدع ابن اختى ( حاكم )

الاخ حاكم او كما يحلو لي المبدع ابن اختى حاكم هل تساعدنا بهذا النشاط فى عودة الروح مرة اخرة لموقع الشجرة والحماداب ؟

.‎Hakim Abdalgadir‎
من مذكرات الاستاذ محمد الله جابو
حلة الغفرا ... حلة الري .... ياسلام.
حلة الغفرا ... حلة الحضارة ... حلة الشرافة ... حلة الفن والعظمة.
حلة الغفرا .... الإجتماعية التكافلية التعاونية.
هي الإرادة ... هي السعادة ... هي الحياة.
هي الغفر الذين يحرسون هنا وهناك.
هي الجناينية الذين يهذبون الأشجار.
هي الفراشين ... هي الطباخين ... هي العمال المهرة.
هي حاج حاكم.
هي مصطفى الفكي.
هي عبد الواحد السماني.
هي خشم الموس.هي إبراهيم الخليل.
هي أبو سوار.
هي ود كنان.
هي أولاد الريح.
هي محمد إدريس صالح.
هي علي تاور.
هي عثمان أرباب.
هي حسين الكومي.
هي القنالي.
هي كل السكان محمد فضل وعبد البين ومحمد عبده وأحمد عبد الله والله جابو وموسى البشير.
هي النادي العربي وإبراهيم حسين.
هي إبراهيم بري وجاب الأمين.
هي شفخانة إبراهيم خيري وعلي العوض والصادق ومبارك وأحمد السر وأحمد التوم.
هي كمبال الأمين ومتيم وأحمد علي حسن ووداعة الله حسين.
هي حسين محمد بابكر ووداعة سعيد وودقبال والماحي جبريل وصالح عبد القادر.
هي يحي العبيد ويوسف حمدان.
هي عثمان الطيب وعثمان خلف الله وعلي العطا.
هي الخليفة فهمي. هي نادي العمال والشفخانة والمحطة.
هي الحملة والعنابر والسرايات.
هي قطار الري.
هي الرياضة ونادي الزهرة وشلة الأنس ونادي الأمل.
هي الصوفية وشباب الختمية.

الاخ العزيز / درش

تحياتى واشواقي اين انت ؟ شكرا على مرورك الذى يعتبر فى حد ذاته مشاركة جميلة منك فى الاسهام لدفع هذا الموقع الى الامام حتى يعود الى سيرته الاولى .... رجا يادرش ان لا تنقطع عنا فنحن فى امس الحاجة لمشاركاتك وابداعاتك

العزيز الغالي وهبة لك كل الود والتحايا واشكر لك كل هذا الترحيب الذي يزيدني فخرا اني انتمي لهذه الشجرة الوارفة والظلية عبركم - استميحكم عذرا لانقطاعي نسبة لظروف خاصة ولكني اعدكم بالمواصلة

عمالقه من الزمن الجميل خليف محم حسن البربري وهي ابو سوار وهي محمد حسن القنالي وهياحمد ابوشوك وهي عبد الحفيظ نصر وهي محمد البشير خليفه ابو احمد قرع واسماعيل وهي محمد عثمان حاكم وهي حسن حربي وهي فرح يوسف وسليمان السخي وهي سعيد بخيتت وهي احمد اسحاق وهي نوري ابو زهير وهي يحي العبيد وهي عطايه وهي عبد المطلب شيخ عزضه وهي عبد المطلب ابو عوض شايقيه وهي الضو صابر وهي العنابر وهي احمد حمدان وهي عبد السخي وهي الشيخ علي الشيخ فريوه وهيمحمد سيد وهي احمد عوض الكريم وهي عبد الرحمن الجعلي وهي محمد درار وهي موسي البشير وهيعثمان علي طه وهي عمر يسن وهي شعبان صالح وهي حسن صباحي وهيمحي الدين محمد ادريس وهيقطبي ابو ابراهيم بوتي وهيمحمد عي الطاهر وهي محمد علي الطاهر ابو شمس الدين قرده وهي سيد عجاج وهي محجوب كرتون وهي عبد الطيف فرنساوي وهي محمد علي الحلواني وهيعمر يسن وهيالنور يسن وهي شعبان صالح وهيابراهيم حمامه ابو وحيد وهي حسن محد نور وهي قسم الله فضل الموالي وهي ابو النور وهي محمد عابدون وهيحسن محمد نور وهي ابراهيم الاوصفوك وهيمحمد عبد النبي وهي عبدالله العوض كباته وهي عثمان محي الدين جد هاشم الخير وهيمصطفي علي بدوي ابو عبد الرازق وهي برعي محمد فضل الموالي وهي فواد مرغني وهي احمد ساتي وهيفضل عبد الوهابوياوهبه المره الجايه حا اكتب ليكم عن الورش بالاسماء للعملاقه فيها تحياتي لك

تحياتنا ليك الاخ العزيز فخري وانت تنثر الدرر في المنتدي

هي امنا رحمه الله عليها امينه نمر وهي امنا خديجه نقد سانده وهي امنا زهره بنت الصعيدي وهي امنا عائشه ضحيه ةهي امنا عائشه عطايهوهي امنا نفيسه بدوي وهي امنانفيسه علي الخضروهي امنا ست البنات عثمان ارباب وهي امنا خديجه اور ناصر وهي امنا حليمه اور ناصر وهي امنا الرضيه وهي امنا محروسه وهي امنا رحمه الله عليه وطيب الله ثراها امنه عبده وهي امنا رحمه الله

هي امنا رحمه الله عليها الصبر نعمه ربنا يسكنها الفردوس الاعلي ولد علي يدها اكبر عدد من ابناء الشجره وهي اول دايه او قابله والله اعلم في الشجره فلنترحم علي روحها الطاهر
وادعو الله العلي القدير ان يسكنها الفردوس الاعلي وهي امنا النعمه عثمان الطيب وهي امنا علي ما اتذكر والله اعلم امنا قسمه الله جابوا ياشباب انا بتذكر امنا قسمه رحمه الله عليها
لكن ما متاكد هل هي ام استاذنا ولا لا

ههي امتا رحمه الله عليها امنه بنت ود السيد او امنه خضر الريح وهي فاطمه مصطفي او كوكر وهي السره ابراهيم الخليلي وهي امنا فاطمه عبده رحمه الله عليها وفاطمه حسين الغابه وهيالسيده الوسيله والعنابر وهي امنا رحمه الله عليه قريبه كباته والده عبده وسيد ومحمد وجلال وبدالدين وهي الحاجه مهله والده بابكر جميمس وابو الدهب وهي الحاجه بتول عثمان محي الدين جده هاشم الخير وهي سعاد مرسي والده فتاح مرسي الشجره حي النادي هي الحبوبه العازه الضو ونتها حبيب والده عاطف عبد الرحمن القنيو وهي الحاجه جادو نقد وهي امنا زينب مهله جدك احمد كبتن وهي امينه رستم وهي سعاد فيروز نتابع

تسلم ياريس علي التصحيح والتوثيق الاصل مابيقي صوره تسلم ياريس

تسلم يا ريس والماعندو كبير يعمل ليهو كبير مرحبا بلعودة الحميدة للمنتدي واللة الواحد مبسوط ياريس لمن افتح المنتدي ويجدكم تبدعون باجمل المواضيع الراقية والمفيدة الي الامام

شكرا فخرى

شكرا ود الحاج

شكرا درزي

على هذا المرور الرائع بصراحة كانت هناك اسماء تلاشت من ذاكراتى ولكن بعودة هذا الموضوع انتعشت الذاكرة من جديد اذن فالنتابع جميعا هذا الاسماء واكيد هناك المزيد سوف استعين قريبا بالموسوعة
الخال الاستاذ فاروق الريح ليمدنا بالمزيد من الاسماء القديمة الرائعة

سلمتو للشجرة واشكر كل من شارك في هذه البوسة البتوضح حبنا للشجرة ولي اهلنا الكبار واخص بالشكر الريس
و حاكم وعمنا الله جابو متعهو الله بالصحة والعافية
ا

[justify] هى امنا زينب زوجه عمنا جابر امين.. هى امنا حليمه زوجه عمنا عبدالحفيظ ..هى امنا نفيسه زوجه عمنا بدوى ..هى امنا خادم الله زوجه عمنا عرديب ..هى امنا فاطمه والده طه فضل.. امنا حواء جباره والده محمد جباره ..هى امنا سيده زوجه عمنا الوسيله ..هى امنا الشينه وفاطمه ومدينه زوجات والدنا على تاور.. هى امنا حكم والده عوض الشايقيه ..هى امنا مهديه على البشير ..هى امنا سعاد والده زهير نورى.. هى امنا فاطمه الرباطابيه والده اسماعيل احمد الحاج.. هى امنا نعمات زوجه عمنا سليمان السخى.. هى امنا عشه النوش.. هى امنا اخلاص زوجه عمنا محمد عبده ..هى امنا امنه زوجه عمنا القنالى هى امنا فاطمه مصطفى ..هى امنا فوزيه الريح ..هى امنا دار النعيم زوجه عمنا الماحى.. هى امنا زبيده والده ابريرو ..هى امنا علويه درار والده خالد التك ..هى امنا علوم والده حسن قلوب ..هى امنا امنه زوجه عمنا عربى صالح ..هى امنه نفيسه بدوى والده بازمبه ..هى امنا رقبه زوجه عمنا عبدالعزيز ..هى امنا رقيه زوجه عمنا يحي العبيد ..هى امنا امنه كنى.. هى امنا زهراء الحلاوانى.. هى امنا الجنه والده خالد ..هى امنا شامه والده مبارك ود الجنوب.. هى امنا فاطمه حسن على نصر.. هى امنا بخيته زوجه جدنا دقاش.. هى امنا فاطمه ابو شوك ..هى امنا حليمه زوجه عمنا احمد اسحق ..هى امنا فوزيه زوجه عمنا خضر على ..هى امنا فاطمه والد ابراهيم ..هى امنا ست البنات عثمان ارباب.. هى امنا النعمه خليل زوجه عمنا عوض الله ..هى امنا النعمه عثمان الطيب ..هى امنا الست والده جمال وليم ..هى امنا مريم التوم ..هى امنا عشه ابوسوار ..هى امنا مريم ابوسوار ..هى امنا علويه عابد زوجه عمنا عبده مدنى ..هى امنا مهله ..هى امنا فاطمه ابراهيم والده عمنا حسن حامد.. هى امنا نوره كمبال ..هى امنا امنه سعيد صالح.. هى امنا خادم الله الفنقلو ..هى امنا زهراء والده امنا فاطمه مصطفى كوكر.. هى امنا زينب احمد والده مدثر ومزمل على حسن ..هى امنا اسياعبدالواحد ..هى امنازكيه عبدالواحد ..هى امنا حرم على نصر ..هى امنا ام جمعه يوسف متين ..هى امنا اسيا عبد اللطيف والده على ..هى امنا ام الحسن زوجه عمنا محمد الحسين ..هى امنا حاجه كلتوم.. هى امنا امنه سعيد صالح.. هى امنا نفيسه مكاوى زوجه عمنا حسن ..هى امنا حليمه زوجه عمن ود كنان.. هى امنا طيبه زوجه عمنا ود الريد.. هى امنا امنه بت مقبول محمد الحسن ..هى امنا حليمه زوجه عمنا حسن خشم الموس .. الشكر للحاجه فوزيه الريح على مدنا باسماء امهاتنا ولسه جارى البحث عن الباقى ..../justify]

الاخ العزيز عبد الوهاب

الاخ العزيز فخرى

الاخوان الاعزاء وكل من خط حرفاً فى هذا البوست القيم.

اولاً اقول ماشاءاللة تبارك اللة وعينى بااااااااااااردة لكن الغذاء بتاع الناس خارج السودان ظهرت نتائجة فى هذة الذاكرة الحديدية وكذا راحة البال

واللة لو كنتوا فى السودان ناس البيت كان اتذكرتوهم كتر خيركم ههههههههههههههههههههههه

ثانياً :- انا شايفاكم نازلين كتابة وحصر بالعيار التقيل لمن اتحيرت واندهشت , اها اسالكم سؤال عاوزة اى زول كتب هنا يرد علية بنفس القدر .

السؤال هو انتو الشجرة دى اصلها الرى وحلة الغفراء وحى المركز وحى البير ووووو......... الخ

لية يعنى دااااااااااااااائماً انتو كل المواضيع مركزنها على المناطق دى انا يخيل لى الشجرة دى رامية الضل بعيد شديد يعنى الحماداب العريقة الشامخة بشموخ اهلها

الطيبين وكذلك الحماداب جنوب وشمال , غريبة انة السيرة دى كلها مايكون فيها ولو جزء بسيط من الجماعة ديل ؟ وانا من هنا بناشد العمالقة والمؤرخين ناس

الحماداب

وماعاوزة اذكر اى اسم معين بس ياريت هم كمان يظهروا وينشروا جرايدهم لانة انا متاكدة فى نساء عظيمات جداً ابلوا بلاً حسناً فى هذة الحياة سواء تاريخياً او

اجتماعياً ساكت وكذلك من الرجال العظام الذين لهم باع وهم حقاً نجوم يشار لهم بالبنان .

عموماً اشكر لكم هذا الجهد واللفتة البارعة لكن عشان نكون منصفين نحاول نشير لاهلنا فى كل الشجرة ولكم كل الشكر والتقدير.

الاستاذه العزيزه نعمات.. اولا.. انا مفروض اديك تحيه خاصه جدا بس ابراهيم العمده ماساب لينا اى حاجه نقولا عشان كده اكتفيت بصمت ونا احد تلاميذك فى الشجرة 2بنين وربنا يديك العافيه وتعلمى باقى الاجيال فى الشجرة والحماداب ....ثانيا..الشجرة دى ضلها رامى بعيد شديد ونحنا ماناسين امهاتنا فى حى البير وحى ضلس والحماداب عشان كده الليله انا عندى ليك هدية صغيرونه من تلميذ صغير فى مدرستك يا استاذة... هى امهاتنا فى الحماداب شمال حى الانصار وحى الجبارنه وحى الارباب هى امهاتنا فى الحماداب وسط حى النوبه وحى سمسم هى امهاتنا فى الحماداب جنوب حى المحس وحى الدناقله وحى الشوايقه ............هى امنا فاطمه بت الزين والده نميرى الجزار هى امنا ميمونه بت بله والده منعم هى امنا الروضه بت بله والده محمد تكاسى هى امنا كلتوم بت خوجلى والده ربيع وعلى احمد هى امنا اعتماد والده محمد وهيثم واسامه هى امنا نعيمه بت مصطفى والده عمر هى امنا عشه بت مصطفى والده حسنين هى امنا الروضه بت مصطفى والده رشاد هى امنا زبيده الصديق والده بدرالدين والصديق بابكر هى امنا سليمه محمد والده حمدى وسيف وعصام وعلاءالدين زكريا هى امنا نفيسه ميرغنى هى امنا حسنه ميرغنى والده امين وامير الطاهر هى امنا ماريا بت بخيت شقيقه سليمان بخيت هى امنا هدى وسميره سعيد عبود هى امنا محاسن الضو والده احمد هى امنا طيبه بت عوض الكريم زوجه ابونا ود الريد هى امنا مريم بت مصطفى والده مجدى وعادل هى امنا ماريا بت عثمان والده حافظ وعاطف منصور هى امنا دوله بت عمر والده عمر اب قشه هى امنا حياه بت ابراهيم والده مروان و وليد محمد احمد هى امنا فاطمه بت عباس والده عباس الطاهر هى امنا امنه بت ابراهيم والده جبريل هى امنا سكينه بت همزه والده عمر ومعاويه وامين والمرحوم محمد الامين (العربى) هى امنا زهراء بت حسن والده اسامه و وليد هى امنا سيده بت حمد ابراهيم والده اسامه وعزالدين هى امنا بهيه زوجه عمنا الدرديرى هى امنا نجده مصطفى والده اميى ..هى امنا بتول دفع الله زوجه المرحوم برعى مأذن مسجد الحماداب هى امنا ام الحسن بت الفضل والده سيف والفاتح كامل هى امنا فاطمه محمد احمد (بت هجتنا) والده عباس ومحسن الباقر هى امنا سلمى محمد والده ايهاب والمرحوم فيصل عبدالقيوم هى امنا ست الجاه مصطفى والده الشهيد معتز ومجاهد ابراهيم هى امنا ست الجاه عثمان والده حاتم خليل هى امنا التومه والده فتحى خضر الجزارهى امنا مسره محمد احمد والده السر ومصطفى حسن هى امنا بخيته محمد خليل والده اسامه وسامى صالح هى امنا خلود ام بليله والده جعفر واسامه عبدالله

لكم مني كل الاحترام وازكرلكم بعض امهاتنا في الحماداب الوالدة زينب عدوي /الوالدة نجاة بري والدة ياسر عدوي/ليلي حامد والدة نادر ومحمد والدرزي الوالدة مسيكة زوجت رفعت عدوي /الولدة الاستاذة احسان عبيد/الوالد امنة زوجة العم طلحة/الوالدة هداية زوجت العم احمد طلحة

شكرا ليك اخى الدرزى على الاضافه الجميله ومزيد من الامهات

السلام عليكم اخواني اهديكم تحياتي واحترامي واتزكر معكم امنا صيامة والدت صديق وعدلان وامنا ام بلينا والدت جدو تلك السيدة البشوشة وامنا نفيسة حسن محمد وامنا نور والدت فخري وامنا شريفة والدت خالد محمد الحسن وشريفة ام علي عبدالله والمرحومة امنا صفية زوجة المرحوم الريح وامنا امنة سلامة وامنا فاطمة حسن رحمة الله عليها والدت امنة سلامة وامي الغالية صفية محمد سعيد ام محمد سعيد وامنا المرحومة سعيدة ام عاطف السمين وامنا بخيتة ام معاوية السمين رحمة الله عليها وامنا موضة زوحة العم صديق وامنا فاطمة زوجة محمد الحسن وام ابراهم سلك وامنا اسيا ام مروان وسلوي وامنا نعيمة ام جمال مصطفي سالم وامنا المرحومة سعاد هارون ام دكتور مصطفي والمرحومة زمراوية ام فوزية وفتحية