مجرد رأي

موضوع: مجرد رأي الإثنين 18 أبريل 2011, 4:27 am

...
شباب السلام عليكم
في البداية أتمني إنو الناس ما تفهمني غلط

رأيي ليه المنتدي إسمو مدينة الشجرة والحماداب
ولية ما إتسمي مدينة الشجرة والمدرعات
أو مدينة الشجرة والزخيرة
أو مدينة الشجرة والمستودعات
أو مدينة الري المصري والشجرة والحماداب
مع العلم إنو الري هو النواة الحقيقية لمدينة الشجرة

ولو لاحظتو من الكلام الفوق دة كلو كلمة الشجرة هي الرابط الوحيد المشترك
البربط الأماكن دي كلها بما فيها الحماداب زاتها فالحماداب جزء لا يتجزأ من الشجرة
فكلمة الشجرة والحماداب توحي بأنهم شيئين مختلفين وهما في الأصل واحد

الشجرة هي الشجرة وهي الحماداب وهي الري وهي المدرعات وهي الزخيرة
وهي المفرقعات وهي المستودعات وهي التصنيع الحربي وهي يثرب وهي دالاس
( حي المركز ) وهي حي البير وحي النادي وحي البحر ( الحملة ) والعنابر وحي جنوب
وحي الجامع وحي التكامل ( العشوائي ) وحلة الزندية شجرة تظلل الجميع

ما تقولو لي عرفت الأحياء دي كلها من وين طبعاً من الوالد وشغلو في المجلس واللجنة الشعبية

إقتراحي يكون إسم المنتدي مدينة الشجرة
وناس الحماداب حبايبنا ما يزعلو مني وما يفهموني غلط
وزي ما قلت دة مُجرد رأي
تحياتي ووُدي للجميع
...

موضوع: رد: مجرد رأي السبت 28 مايو 2011, 4:08 am

حقيقة بعض الأهل يا أخي إبراهيم مامستوعبين حكاية إنو الشجرة الأم الكبيرة وهي التي تضم
الري واللاماب بشقيه والحماداب والعزوزاب و....و.....و......و...أيضاً تضم الشجرة
الصغيرة (الحي) وهي غرب الظلط ......يعني زي حكاية الكويت البلد والكويت المدينة
(العاصمة)......وفي بعضهم عارفيييين التركيبة دي لكن مكابرين
فإنت لما تقول نسمي الشجرة .....هم حايعتقدو إنك بتقصد الشجرة (الصغيرة)
وليست الشجرة الأم.....ومظنيت أهلك يرضو وبالأخص الحماداب
نفس الموضوع دا....عند أهلنا غرب البحر .....الفتيحاب......منتداهم إسمو:
أبوسعد والفتيحاب أهل الركاب_إختلفو في الإسم ....مع إنو الفتيحاب جزء من أبوسعد
وما وصلو لي حل......وخلو الإسم زي ماهو
وأنا بتفق مع أخونا أشرف......إنو الموضوع دا يمكن يتشعب ويكبر بدون نتيجة
وأبعد عن الشر....لكن ماتغني ليهو.....
وإذا كان على الكتابة والإسم طويل.....بقترح عليك تختصر.....مثلاً
أكتب ناس_ش ح_
ودا مجرد رأي وإقتراح ......ومشاركة

موضوع: رد: مجرد رأي السبت 28 مايو 2011, 7:55 am

الاخ ابراهيم
الاسم ما بيزيد ولا بينقص
وتماشيا مع قول الاخت ام احمد احسن نفتش عن الاشياء البتجمع
ولا داعي لاي نقاش فقهي يرجع الناس للمربع الاول
وانشاءالله الله ما حد يفهمك غلط من ناس الكويت وتونس والجزائر

بس حلوة الشحرورة
عفوا ش ح
هههههههههههه

موضوع: رد: مجرد رأي السبت 28 مايو 2011, 10:34 am

...
أم أحمد وكريم
أولاً أنا بشكركم شكر ما بعدو شكر عشان عبرتوني والباقي ما مهم
والموضوع موضوع رأي ولو ما داير أسمع الآراء لما كتبتوا

وعن الإسم يا كريم مالك ماشي للكويت الخرطوم دي زاااتا
من الشجرة بتقول أنا ماشي الخرطوم قصدك السوق العربي جوة ومن الدمازين هنا
أكان ماشي جبل أوليا ولا الحاج يوسف بتقول أنا ماشي الخرطوم

كمان الشجرة الزول من الشجرة بقول أنا ماشي الحماداب ماشي الري ماشي المدرعات
لكن الزول من الخرطوم ما بقول يا أخوانا أنا ماشي الحماداب مواصلاتا بي وين ولو
الزول جاي من امدرمان ولاقاهو زول سالو ساكن وين بقول في الشجرة
طيب سلمنا بالإسم الشجرة والحماداب ناس المدرعات والمستودعات والزخيرة والري
وووووووووووو حتي العزوزاب زي ما قلت تابعة للشجرة الناس دي كلها وين من الإسم دة

وبرضو يا أخوانا دة كلووووو مجرد رأي وعن نفسي كتير إتمنيت أكون من سكان الحماداب
حتي قبل ما أسكن فيها يعني القصد هنا أصلو ما تصغير من شأن الحماداب

ومعليش للكلام الكتير وأنا عرفت بالجد الناس ما خشت هنا لية وإنشاء الله عوجة ما بتجي للمنتدي دة
والناس لمن تتفق علي حاجة من العيب الوةل يتمسك بي رأيو لكن عيب أكتر الزول يدس رأيو

فلتحيا مدينة الشجرة والحماداب
شكراً للجميع وأنا إنسحبت

وكان دة مجرد رأي
...

موضوع: رد: مجرد رأي السبت 28 مايو 2011, 12:48 pm

تحياتي اولا جاء اسم الشجرة والحماداب ليلم اهل الشجرة والحماداب يعني جميع منطقة الشجرة يعي واحد قاعد ياابراهيم في الشجرة وماشي الحماداب جنوب او المدرعات حيقول ماشي الحماداب صاح اتنين الناس الخارج الشجرة مابيعرفو غير الشجرة يعني الواحد ماشي الحماداب بيقول ماشي الشجرة انا اقترح يفضل الاسم كما هو والشجرة والحماداب اصلها ثابت وفروعهاا في السماء في كلام غير كدا تحياتي واحترامي للجميع

موضوع: رد: مجرد رأي السبت 28 مايو 2011, 8:32 pm

الكلام دة كلة جميل والجميع عصافير مغردة فى هذة الشجرة الوريفة شمالاً جنوباً شرقاً وغرباً

نستمد من شقشقتهم الامل والسلوى ,,,نستريح جميعاً تحت دوحتهم الغناء ,,, لذلك اتى الى ذهنى الان اسم(دوحة الشجراب) او (واحة الشجراب).

وبرضو اقتراح عابر ولكم الخيار . ولكم كل الود.

موضوع: رد: مجرد رأي الأحد 29 مايو 2011, 12:48 am

استاذة نعمات
والله الدوحة طالعة ليك في راسك
ههههههههههههه

موضوع: رد: مجرد رأي الأحد 29 مايو 2011, 9:54 am

ودالعمده سلامات اولا انا بعتب عليك عشان قلت الباقين ما مهم وبعدين انا رايي انو الناس الفي الاداره وهم نفسهم الجابو فكرة المنتدي وتعبو شديد لغاية ما وصلونا المرحله الجميله دي هم القررو الاسم يكون كده واكيد بعد تفكير وشد وجذب وجلسات ولذلك يجب ان نقف فيما وقفو عليه لانهم اهل دراية وتجارب ولك ودي واحترامي

موضوع: رد: مجرد رأي الأحد 29 مايو 2011, 2:53 pm

لكم التحية وعاطر الاشواق من اخونا العمدة وحتى اخونا عثمان بشير مع اني عاتب عليه
والكلام كلو جميل وحلو

الدرزي طالما انت لافي في المنتدى انا لي سنة بنبح ليك في منتدى المقترجات والشكاوي في باب اللوم ما تعبرنا يا خي معليش يا ابراهيم طلعنا بره الموضوع ليك التحية حبيبنا

موضوع: رد: مجرد رأي الجمعة 10 يونيو 2011, 3:48 am

عثمان بشير كتب:: ودالعمده سلامات اولا انا بعتب عليك عشان قلت الباقين ما مهم وبعدين انا رايي انو الناس الفي الاداره وهم نفسهم الجابو فكرة المنتدي وتعبو شديد لغاية ما وصلونا المرحله الجميله دي هم القررو الاسم يكون كده واكيد بعد تفكير وشد وجذب وجلسات ولذلك يجب ان نقف فيما وقفو عليه لانهم اهل دراية وتجارب ولك ودي واحترامي

...
يا عثمان
أنا قلت الباقي ما مهم وقاصد أشكرهم علي إبداء الرأي والباقي ما مهم
وتفرق كتير لو قلت الباقين ما مهم الباقين دي جبتها إنت

وبعدين الناس الفي الإدارة هم أنفسهم الخاتين فرع للمقترحات والشكاوي
عشان عارفين إنو كلامهم ما منزل من السماء وعشان رأينا بهمهم كمان

وأنا مخصوص إخترت العنوان مجرد رأي يعني ما كسر رقبة ولا قرار جمهوري

وبشكرك كتير للمشاركة وإبداء الرأي ورأيك ليهو عندي تقدير
...

موضوع: رد: مجرد رأي الجمعة 10 يونيو 2011, 4:02 am

dorzy كتب:: تحياتي اولا جاء اسم الشجرة والحماداب ليلم اهل الشجرة والحماداب يعني جميع منطقة الشجرة يعي واحد قاعد ياابراهيم في الشجرة وماشي الحماداب جنوب او المدرعات حيقول ماشي الحماداب صاح اتنين الناس الخارج الشجرة مابيعرفو غير الشجرة يعني الواحد ماشي الحماداب بيقول ماشي الشجرة انا اقترح يفضل الاسم كما هو والشجرة والحماداب اصلها ثابت وفروعهاا في السماء في كلام غير كدا تحياتي واحترامي للجميع

...
الدرزي
كلامك سمح ولم الشمل واجب وأكيد هو أصلا ملموم والحمد لله

باللفة
في برنامج في الشروق إسمو رحيق الأمكنة
آخر حلقة كانت عن الشجرة وللأسف ما حضرتها عشان تلفزيوني بايظ

لكن تقريبا ذكروا إنو أصل الشجرة الري المصري
ديل ناس الشروق القالو ما أنا
تسلم يا حبوب
...

موضوع: رد: مجرد رأي الجمعة 10 يونيو 2011, 4:07 am

nimat mohamed salih كتب:: الكلام دة كلة جميل والجميع عصافير مغردة فى هذة الشجرة الوريفة شمالاً جنوباً شرقاً وغرباً

نستمد من شقشقتهم الامل والسلوى ,,,نستريح جميعاً تحت دوحتهم الغناء ,,, لذلك اتى الى ذهنى الان اسم(دوحة الشجراب) او (واحة الشجراب).

وبرضو اقتراح عابر ولكم الخيار . ولكم كل الود.

...
أستاذة نعمات
برضو رأي وبنحترمو شديد
شكراً جزيلاً
...

موضوع: رد: مجرد رأي الجمعة 10 يونيو 2011, 4:09 am

اشرف ترجمان كتب:: لكم التحية وعاطر الاشواق من اخونا العمدة وحتى اخونا عثمان بشير مع اني عاتب عليه
والكلام كلو جميل وحلو

الدرزي طالما انت لافي في المنتدى انا لي سنة بنبح ليك في منتدى المقترجات والشكاوي في باب اللوم ما تعبرنا يا خي معليش يا ابراهيم طلعنا بره الموضوع ليك التحية حبيبنا

...
ولا يهمك يا حبوب

وأنا كدة مبسوط والمحل محلك وبرضو ما طلعت بعيد
...

موضوع: رد: مجرد رأي الثلاثاء 05 يوليو 2011, 4:12 pm

ابراهيم العمده كتب:

عثمان بشير كتب:: ودالعمده سلامات اولا انا بعتب عليك عشان قلت الباقين ما مهم وبعدين انا رايي انو الناس الفي الاداره وهم نفسهم الجابو فكرة المنتدي وتعبو شديد لغاية ما وصلونا المرحله الجميله دي هم القررو الاسم يكون كده واكيد بعد تفكير وشد وجذب وجلسات ولذلك يجب ان نقف فيما وقفو عليه لانهم اهل دراية وتجارب ولك ودي واحترامي

...
يا عثمان
أنا قلت الباقي ما مهم وقاصد أشكرهم علي إبداء الرأي والباقي ما مهم
وتفرق كتير لو قلت الباقين ما مهم الباقين دي جبتها إنت

وبعدين الناس الفي الإدارة هم أنفسهم الخاتين فرع للمقترحات والشكاوي
عشان عارفين إنو كلامهم ما منزل من السماء وعشان رأينا بهمهم كمان

وأنا مخصوص إخترت العنوان مجرد رأي يعني ما كسر رقبة ولا قرار جمهوري

وبشكرك كتير للمشاركة وإبداء الرأي ورأيك ليهو عندي تقدير
...

ود العمده تحياتي معليش الرد جاي متاخر عشان انا طولت ما خشيت المنتدي انا يا صديق قلت كده عشان كلامك مرتبط ببعضو انت قلت للردو عليك انا بشكركم يا فلان وفلان لانكم عبرتوني والباقي ما مهم عشان كده انا فهمت الفهم ده وعلي فكره يا ود العمده انا صريح اكتر مما انت تتصور وانا برضو ما قلت ليك ناس الاداره كلامهم منزل من السماء دي جبتها انت وكون في فرع للمقترحات والشكاوي ده ما يعني انو من حقي اتكلم في اي مساله لانو في ثوابت في اي منتدي في الدنيا ما من حق العضو يتكلم فيها زي ما في ثوابت انو من حق العضو الرد علي اي موضوع بما يراه ودي ما من حق الاداره تمنعو منها ورايك علي العين والراس وانا بحترمو جدا وبرضو برد ليك بنفس طريقتك انا كسر رقبه وقرار جمهوري دي ما قلتها دي جبتها انت وعلي فكره قبل كده حسب معرفتي الضيقه حصل خلاف كبير في سبب صغير زي ده اطرح موضوع وبعدين حصلت حاجات ما في داعي لاعادتها وهذا ما جعلني ارد خوفا من تكرار التجربه ولك كل الود والاحترام وليس لي عوده

موضوع: رد: مجرد رأي الثلاثاء 05 يوليو 2011, 4:14 pm

اشرف ترجمان كتب:: لكم التحية وعاطر الاشواق من اخونا العمدة وحتى اخونا عثمان بشير مع اني عاتب عليه
والكلام كلو جميل وحلو

الدرزي طالما انت لافي في المنتدى انا لي سنة بنبح ليك في منتدى المقترجات والشكاوي في باب اللوم ما تعبرنا يا خي معليش يا ابراهيم طلعنا بره الموضوع ليك التحية حبيبنا

اشرف سلامات يا زول يا رائع عاتب علي في شنو ممكن اعرف

موضوع: رد: مجرد رأي الأربعاء 06 يوليو 2011, 5:25 am

عثمان بشير كتب:: ود العمده تحياتي معليش الرد جاي متاخر عشان انا طولت ما خشيت المنتدي انا يا صديق قلت كده عشان كلامك مرتبط ببعضو انت قلت للردو عليك انا بشكركم يا فلان وفلان لانكم عبرتوني والباقي ما مهم عشان كده انا فهمت الفهم ده وعلي فكره يا ود العمده انا صريح اكتر مما انت تتصور وانا برضو ما قلت ليك ناس الاداره كلامهم منزل من السماء دي جبتها انت وكون في فرع للمقترحات والشكاوي ده ما يعني انو من حقي اتكلم في اي مساله لانو في ثوابت في اي منتدي في الدنيا ما من حق العضو يتكلم فيها زي ما في ثوابت انو من حق العضو الرد علي اي موضوع بما يراه ودي ما من حق الاداره تمنعو منها ورايك علي العين والراس وانا بحترمو جدا وبرضو برد ليك بنفس طريقتك انا كسر رقبه وقرار جمهوري دي ما قلتها دي جبتها انت وعلي فكره قبل كده حسب معرفتي الضيقه حصل خلاف كبير في سبب صغير زي ده اطرح موضوع وبعدين حصلت حاجات ما في داعي لاعادتها وهذا ما جعلني ارد خوفا من تكرار التجربه ولك كل الود والاحترام وليس لي عوده

...
وعليكم السلام والرحمة شيخ عثمان
وحمدأ لله علي السلامة بعد الغيبة الطويلة
وتاني أكرر وأعيد أنا شكرت أم أحمد وكريم عشان عبروني ودي في حد زاتا ما أعتقد فيها حاجة
ومن لايشكر الناس لايشكر الله وتاني حاجة قلت ليهم هم الباقي ما مهم يعني باقي كلامكم شنو
ورأيكم كان شنو مع رأيي ولا ضدو ما مهم المهم إنكم عبرتوني وشكرتهم جيت إنت حولتها
للباقين ما مهم جيت وضحتها ليك جيت تاني تقول لي فلان وفلان , وأنا صريح أكتر من صراحتك
وأنا القلت ليك ناس الإدارة كلامهم ما منزل وما قلت إنت قلت كدة وقلت ليك هم خاتين الشكاوي والمقترحات
عشان أي (زول) عضو أو إداري عندو أي رأي يقولو في هذا المكان وما أعتقد إنهم ناس الإدارة محددين للناس
تبدئ رأيها في شنو وتحتفظ بي رأيها وين وتكتمو عندها , ووريتك إنو الموضوع عنوانو مجرد رأي وما كسر رقبة
وبرضو أنا القلت كسر رقبة ما إنت وما قلت إنت القلتها
يا عثمان لو سمحت ركز وإنت بتقرأ كلامي دة وأقرأ الكلام من أولو لي آخرو
ولو الموضوع بسبب مشكاكل أو حصلت مشاكل أنا ما سمعت بيها
أو ما حضرتها معناها إنو المكان والجو غير صالح لإبداء الرأي وتقبل الرأي الآخر بالتالي
أحسن الواحد ينسحب ويشوف مكان أكثر منطقية وواقعية وقبول لرأي الآخر بكل رحابة صدر
لكن لعلمي التام ودرايتي بما أكتب فلا أظن مثل هذا الموضوع قد يؤدي لما ذكر من مشاكل
ولعلمي ودرايتي التامة بأهلي في (الحماداب) والشجرة لذلك كتبت وتقبلت كل رأي بكل سرور
تحياتي وبشكرك كمان علي رأيك وحضورك والباقي مهم
...

[/size]