الاعضاء المشاركين

التحية واتجلة لكل الاعضاء الكرام فانا بالنسبة لكم جديد لنج عندى بض الملاحظات وارجو ان تتقبلوا ارائى للمنفعة العامة 1- انا لى الان اكتر من اسبوعين والى الان لم اتلقى اى تواصل من ادارة المنتدى ولا اعرف من المسئول عن التواصل مع الاعضاء الجدد من اجل ا لاستمرارية 2-وجدت الكثير من اعضاء مشاركين بالاسم واعرف منهم الكثير وانا اريد التواصل معهم لكن لااحد رحب بهم عندما بداوا ةتلقائيا اوقفوا المشاركة او حتى الدخول 0 احبتى هذه ملاحظات صغيرة ارجو الانتباه لها واشكر الزميلين سامى الكربة وسامى عثمان ودعواتى ان يكون بقية الاعضاء بنفس الحماس]

ألعضو المحترم الغالى فى الشجره 00اسامه السيد

ليك التحيه لموضوعك الهام وليك العتبى حتى ترضى

اشكرك بالانائبه عن كل المشرفين واتمنى التواصل وكل عضو ليه ظروفه الخاصه

التى تمنعه من التواصل بشكل منتظم 00 المهم هو التواجد والتعرف على ناس الشجره

وانا ايضآ تلقيت رساله خاصه منك ولم اتنبه لها وانتظر ردى ليك0 وموضوعك سيحرك ويفاعل المنتدى

مره اخرى ليك العتبى حتى ترضى00تقبل سلام خالد وصابر

الاخ اسامة السيد نتشرف معك بالمشاركة ونتمني ان تكون عضو فعال وانشاء الله سوف نراسلك عن غريب بس اليومين دي مشغولين بي مباريات برشلونة وانشاء الله اليوم منتصرين علي شلسي

الاخ والابن العزيز أسامة ده كلام أعوج شديد مننا معقولة ما رحبنا بيك

وانت الاشراق كله والله انا اول واحدة اعتذر بشدة لانى بتوج اى عضو يدخل جديد بقصيدة

وانا بقدم ليك بالغ اسفى وارجو قبوله والصفح عنا , فانت الكل فى الكل وانت .

انت العلوم نبع الفكر

نفرح نقالد طلتك

بالدلاليك والذكر

مرحب تعال افرد جناحك

خليو حديثك ينتشر

تلقانا بى لهفة ورضى

نرجاه نحنا وننتظر

جيت من جذور اهلاً عُزاز

من شجرة الصفق النضر

معليش تعال ما تفوت بعيد

وان شاء الله خاطرك بنجبر

بسم الله الرحمن الرحيم
الاخوة والاخوات المشرفون على موقع الشجرة الحماداب
السلام عليكم ورحمة الله بركاته وبعد السلام دعونى اشكر مجهوداتكم المبزولة
للتواصل بين جميع ثمار افرع الشجرة الطيبة واشيدة برسا لة إحدى الاخوات التى ردت على الاخ أسامة السيد من دون تكلف
وفى الختام تقبلوا فائق شكرى واشواقى وارجو ان تقبلوا عضويتى
اخوكم صديق الثعلب.........

الاخ العزيز / نصر الدين سعيد
طلتك فى البوست نورت الشاشة وسعدت كثيرا بانضمامك الى المنتدي الذى يجمع اولاد وبنات الشجرة فى بوتقة واحدة الهدف منه التواصل ومعرفة اخبار الاخوان والاهل داخل وخارج السودان بعد ان حرمتنا الغربة اللعينة من التواصل فجاء هذا البوست بردا وسلاما علينا نحن المغتربين لذلك نأمل منك التواصل والمشاركات وايضا ارجو منك التواصل عبر الاميل الموضح ادناه لك كل التحايا من العزيزة/ منى والابناء محمد وميعاد ومصعب ومصطفى وجميع الاخوان والاصدقاء فى دبي
[ندعوك للتسجيل في المنتدى أو التعريف بنفسك لمعاينة هذا الرابط]

ديل ديل اهلى محل قبلت القاهم معاى معاى ذى ضلى
اذاماجيت من ذى ديل وا اسفايا وا مأساتى وا زلى
الشكر لكل فروع الشجرة الكرام وحقيقة اتحفتونى بكرمكم وردودكم التى صادفت صدى كبيرا بقلبى للجميع الشكر ودعواتى للجميع بالتوفيق وشكر خاص للاستاذة المبجلة /نعمات على كلماتها الرقيقة نثرا وشعرا والاخ حسن لك حبى واحترامى والتجلة والتقدير للاخ نصر الدين والعزيز عبد الوهاب دعواتى ان يلتم شملنا بكم قريبا

اريت لو نبقى نحن الضُلْ

نظلل من هجير غربة

واريت لو نبقى شجر الفُل

تحبو نسيمنا لو هبة

نضمد انَة المجروح

نشيل من صدرو ضيق كُربة

نوزع للفرح كلمات

نقول كل زول يشيل حبة

عشان الطيبة جوانا

وعشان الشجرة فوق تربا

التحية لك اخونا اسامة والكلمات مهداة لك,مع خالص الود.

[ندعوك للتسجيل في المنتدى أو التعريف بنفسك لمعاينة هذه الصورة]

العضو الكريم أسامة سيد...!

اولا الف مرحب بيك ..وحبابك عشرة فى منتدي الشجرة والحماداب.
نشكرك جزيل الشكر لقرارك بالانضمام الى المنتدى،،
ونحن فى انتظار مشاركاتك،

ثانيا الف مبروك قبول تسجيلك من قبل الادارة..وهذه شهادة على مدى
ثقة الادارة فى شخصك الكريم.
نتمنى لك اقامة ممتعة جميلة بين اخوانك واخواتك....تستفيد فيها
ونستفيد منك ان شاء الله

[ندعوك للتسجيل في المنتدى أو التعريف بنفسك لمعاينة هذا الرابط]

انابشكرادارة المنتدى شكر جزيل على ثقتها بنا واتمنى اكون عند حسن ظنكم بنا والله يدمها بيننا وتحية خاصة للاخ/ ابو العزائم وربنا يعمم الفائدة لجميع ابناء الشجرة من الداخل والخارج

اسامة السيد كتب:: انابشكرادارة المنتدى شكر جزيل على ثقتها بنا واتمنى اكون عند حسن ظنكم بنا والله يدمها بيننا وتحية خاصة للاخ/ ابو العزائم وربنا يعمم الفائدة لجميع ابناء الشجرة من الداخل والخارج

اسامة انت صاحب الدار ونحن الضيوف يابوصلعة ذى صلعة خالد عثمان

الأخ اسامة السيد
مرحبا بك
تعرف ناس موقع الشجرة هم كلهم بتاع ناسات عشان كده ماتزعل كل ناس مع بعض يراسلو بعض عشان كده انته ماتزعل ولو كتبت موضوع جديد مافي زول برد عليهو اسمع كلامي ده كويس

ليه .....ليه.....ليه كده ياطارق ؟؟؟ليه شايل جواك ده كله ؟

معقولة بس نزعلك قدر ده ؟ والله ماعاش ولاكان البزعلك ودى كلمات ليك عشان يطيب خاطرك وترضى عننا.

والله طالبين السماح

يا اغلى زول من ارضنا

والفكرة ما اظن اصلو صاح

كيف ننسى زول جاب الهنا

نفديه بالغالى النفيس

ننسج حروفو ندندنا

كم بيك بنفرح من بعيد

فى غربة الهم والضنا

اكتب حروفك لينا زاد

تشفى الجروح المزمنة

ماجيتنا من شجرة حنان

ضويت جميع الامكنه

قول نحن ليك اقرب قريب

وانساه زعلك مننا

وادينا من روعة كلام

سامعين كلامك كلنا

ويسعدنا انك زول عظيم

طليت وجيت يوم بى هنا

الاخ العزيز طارق هذه كلمات بسيطة نظمت لك ومقامك اعلى من ذلك ,لك منى ومن كل الاعضاء احلى الامانى والحب والود, لهو قمة السعادة والفخر ان تكون بين اهلك واخوانك ونعتذر بشدة اذا بدر منا شئ وحتماً دون قصد ومن اليوم نحن فى انتظارك يا اخ العرب.