يُــــــــــــــمه !!!

االاخ ابراهيم ربنا يديهم ليك العافية ويشفيهم يارب وتسعد بقربهم وحناهم , اللهم يجعل بركة هذا الشهر الكريم تفرد اجنحتها

عليهم رحمة ومغفرة وصحة وعافية , يكفيك اخى هذا الشعور النبيل الذى يتفجر منك فقط ارفع الاكف متضرعاً الى المولى هذة الايام بالدعاء لهم بالصحة والعافية والرحمة

كما ربيانك صغيراً , هم كنوزنا التى نتباهى بها , هم الشريان الذى يربطنا بجنان الفردوس , هم الامل والحب كلة

لك التحية واسال اللة ان تنال رضاهم وان يشفى يمة , يمة الحنان والدفء الذى لاحدود لة .

الأخ إبراهيم تسلم علي الشعر الجميل كما أنه إستوقفني كثيرا لما فيه من كلمات جميلة جدا وغاية في الروعة نسأل الله ان يشفيكم جميعا ويشفي مرضي جميع المسلمين وتقبل مروري ولك التحية ونحن بإنتظار المزيد

mustafa abbas كتب:

الأخ إبراهيم تسلم علي الشعر الجميل كما أنه إستوقفني كثيرا لما فيه من كلمات جميلة جدا وغاية في الروعة نسأل الله ان يشفيكم جميعا ويشفي مرضي جميع المسلمين وتقبل مروري ولك التحية ونحن بإنتظار المزيد

\

مجدى ابوعبدة كتب:

]
اسأل الله ان يجبر كسر الوالدة الحاجة وأن يجبر كسرك أيضا أخونا أبراهيم وبارك الله فيك ومحاولاتك
الشعرية جيدة وجميلة وماشى من حسن الى احسن ..التوفيق بنتمناه ليك .

\

الأخ مجدي وأسأل الله أن يجبر كسر المؤمنين أجمعين ويجمع شملهم
ويوحد كلمتهم وصفوفهم وربنا يديك لينا الصحة والعافية

وكلماتك الجميلة عن كلماتي المتواضعة تاجٌ أفتخر به
ويدفعني لأمضي قُدُماً وما توفيقي إلا بالله
شكراً جميلاً ليك يا ملك

فراقك يمه كتير أضناني ونار الشوق عديل كاوياني
إتذكرتك هناك في الغربة دموعي جرت والبعاد بكاني
****
شوقك يمه في عروقي وحبك يجري في شرياني
ريدك ديمه تاج رأسي وعطفك زاد عليَّ حناني
****
ساقتني الدنيا من جنبك مصيري أعود وأرجع تاني
ظروف جبارة حرمتني أكون قُربك أعيد أزماني
****
لكني بتذكرك يوماتي وإنتي معاي في أشجاني
ما إنتي الخير وإنتي البركة وإنتي هدية ربنا الرحمنِ
****
عارف إتزوجت وبعدت زيادة لكنك يمه في وجداني
بُعدي قدر مُسطر دون إرادة بعدت بي زاتي وروحي بين أخواني
****
حنينك يمه زمن عاودني وحنانك يمه الليله جاني
سهرت الليل أنظم ليك أشعاري يا أجمل زول ولأنك يمه حاباني
****
هجعت الليل وأتوسل لي رب الرحمة والغفرانِ
يشيل عنك هموم الدنيا ويشفيك ويعافيك من تاني
****
تنومي الليل تقومي تلاقي إيدك سليمة قوية ما مكسورة من تاني
ويحميك ويخليك ديمة سعيدة وبي سعادتك أنا بتروح أحزاني
****
وللحبوبة ُأمنا آمنة برضو نقول يارب يا كريم خالق الإنسانِ
أشفيها يا شافي وعافيها كمان خلينا الدكاترة ودايرين العلاج رباني
****
ويا أبوي العزيز ليك مني ألف تحية ويرعاك رب الكون بتلاوة القرآنِ
مهما كتبت ومهما قلت فيك ألحاني ما بقدر أوصف قدرك يا أبوي الحاني
****
وما بقدر أوصف قدرك يا أبوي عثمانِ



بالجد رائعة يا ابراهيم
رائعة بروعة حنانك ليهم
ربنا يخليهم ليك و يخليك ليهم
تحياتى للاب الغالى عثمان و لجميع الأخوان