المغتربون والدوران في الحلقة المفرغة

تسلم الاخ بشارة علي الموضوع الهادف وكل الذي ذكرته صحيح وفعلا يحتاج لوقفة قوية للجهاز للنظر فيه ومحاولة ايجاد حلول سريعة ولكن رغم ذلك نجد ان المغترب له نصيب الاسد فيما يحصل يخرج من غير هدف وبعدها يستعين بالجهاز وتتواصل معاناته الا ان يجد حلا للمشكلة ومن رأيي الشخصي أن السودان أولي بهم طالما ان فرص العمل غير متوفرة في الخارج أقول هذا الكلام من خلال تجربتي الحديثة ولكني عايشت البعض ممن زكرت
لااود الاطالة واود ان اشكرك علي طرح هذا الموضوع الحساس فلك التحية

تسلم مصطفى على المرور ويديك الف عافية

…
أخونا بشارة سلام
أولاً الحمد لله إني ما إغتربت وما فكرت في الغربة نهائي والله لاخلاني أفكر فيها
وثانياً بالجد أكيد الإغتربوا ليهم ظروفهم وظروفهم الخاصة جداً
الخلتهم يفكروا في الإغتراب وينفذوا الفكرة واقعاً
عشان قرار إنو الزول يغترب قرار صعب وصعب شديد

والمغتربين ثلاثة أنواع :
الأول من يغترب لتحقيق بعض الأهداف في حياتة
وهو الذي يخطط لأهدافة ويسعي جاداً لتحقيقها ويضع جدولاً زمنياً
كحد أقصي لفترة إغترابة متناسباً مع أهدافة
(الزواج-البيت-العربية-مشروع يعيش بيهو باقي العمر)
ما ذكرتة داخل القوس هي أهداف بعض أو معظم المغتربين

والثاني من يغترب للهروب من الضغط الشديد في البلد دون تخطيط جيد
أو نسبةً لزعله من ناس البيت أو مشكلة أسرية أو جرب هنا وقال يجرب
الغربة يمكن تكون أحسن وممكن يرجع مصدوم من أول شهر وممكن
يقول بلداً ما بلدك حوم فيها عريان والمثل دة أنا نهائي ما بدورو

والثالث سمع كتير نوع الأغاني البتقول يا مغترب يا تاجر غرب
يعني حب الإغتراب حباً في الإغتراب عشان لمن يجي نازل البلد
الحلة كلها تكسر فلان جا من فنزويلا وفلتكان جا من هونولولو
ورحكاكم نسلم عليهو وهو يازول الحركات دي يتكيف منها للطيش
وتلقاهو يازول الجلابية المخططة والريحة والشبشب الأبيض يمرق الدكان
ويجيب بارد ويرجع بعد خمسة دقايق يغير يلبس برمودة وتي شيرت
وكاب مقلوب ويجي تاني الدكان يسأل من سجاير مارلبورو ويمشي
البيت يجيك بعد شوية لابس بنطلون وشاكي القميص بدون حزام
يسأل عن تونة وزيتون وزبيب والعجب عوجة اللسان وهو منتشي للنهايه

عفواً لو أطلنا عليكم لكن دي وجهة نظر من زول إغترب جوة البلد بس (ولايات ساااي)
...

سبب الضرائب المفروضة عليهم التي تراكمت بمرور الزمن، فلم يستطيعوا تسديدها ولا العودة الى بلادهم، ويعيشون ظروفاً قاسية جداً، فالكل في الاسرة يعمل حتى يستطيعوا الايفاء بمتطلبات الحياة الاساسية، ومع ذلك لم يتمكنوا من ذلك.

اشتكي احد المغتربين من الرسوم والضرائب الباهظة:
فرد عليه الموظف: اسكت! انت مغترب وعندك جهاز كمان!!

بكري جنجة كتب:: سبب الضرائب المفروضة عليهم التي تراكمت بمرور الزمن، فلم يستطيعوا تسديدها ولا العودة الى بلادهم، ويعيشون ظروفاً قاسية جداً، فالكل في الاسرة يعمل حتى يستطيعوا الايفاء بمتطلبات الحياة الاساسية، ومع ذلك لم يتمكنوا من ذلك.

اشتكي احد المغتربين من الرسوم والضرائب الباهظة:
فرد عليه الموظف: اسكت! انت مغترب وعندك جهاز كمان!!

والله يا جنجه ما عارفين نرد نقول شنو لكن انا رايي السودان بالطريقه دي صعب جدا او مستحيل علي المغتربين يقعدو فيهو وده رايي الشخصي لانو افضل ليك مليون مره تعاني وانت بره بلدك من ما تعاني وتتهان وانت في بلدك