اطفله مشرده

موضوع: اطفله مشرده الإثنين 21 يونيو 2010, 3:01 pm

ياطفلة جايه من جوف الملاجيء
وسط اكوام القمامة بتفتش
عن قطعة خبز عشان تعيش
محافظة علي الشرف والفضيلة
عايشه في وسط البيوت
الشاربة من خمر الرزيلة
حدثوكي في الاحاجي زمان وقالو ليكي
احلمي علي قدر الواقع
خلوكي تايها وجوه اعماقك في عواطفك
شايله الالام والمواجع
ضايقوكي في معيشتك واجبروكي
تبقي طفله مشردة
علموكي كيف تمدي ايديك وتطلبي من الناس الحنان
وانتي في سرك بتدعي وترجي من الله الامان
ياحلاتك وانتي طفله شارده من حزن المكان
شايله الامك وماشه في دروب الليل علي شاطي المحال
وبتنظمي من المواجع والحزن عقد من الامال
نمتي في صمت الارصفة وبقيتي صورة للزمان القاسي
مالقيتي قليب حنين يكفكف لي دموعك وليك يواسي
نمتي تحلمي بالحب والحنان وفقتي علي قدر الزمان
بكيتي واتاوهتي وبي دموع الشوق غسلتي اوساخ المكان
خيروكي بين جمالك وبين ظلمة للمجهول
تسرق منك التفكير في الاحتمال
بس دا قدرك يامسافرة في دروب عمر الاماتي
إنك تعيشي في خوف وتفقدي أحلي المعاني
بقيتي كل يوم نايمه وصاحيه تحلمي بالرجوع
بس ليه ماقالو ليكي إنو باكر اصبح في دفتر الاوهام خضوع

يا ودفقيري علينا أن نقف مع طفلة الملاجئ ونشعرها بالاحسان والبر وعدم التوحد لتصبح أنسان ذات
صدق ومشاركة في دروب الحياة ولك هذه الابيات نظمتها لرد فعلا لما جاء في اسطرك وهز قلبي وشعرت أننا أناس لانقف مع الغريب وكاننا نحمله الذنب الذي إقترفه فاعله .

ياطفلة جايه من جوف الملاجيء

بحنانا نغمرك ونحميك من ظلمة الدياجئ

ماأنتي العزيزة مولوده في زمن كلو مأسئ

أنتي ليك البرو الاحسان وليك تمتد كل الأيادي

بالعطاء والخير والتعليم من التمهيدي للابتدائي

وتكميل الجامعة مستعدين حتي نلبسك ثوب الوشاحي

كان علي ابويك أن يحضروا هذا التخريج وتسعدي بتصفيق الايادي

لكن ابليس كان أقوي منهما وللرزيلة أوقعهما بلا تتذكيرمنهما ولا إستغفاري

لاتدخلي بيوت الخمرة وتفعلي كما فعل ابويكي بأرشادا من الشيطاني

بل ادخلي حلقات الذكر وأستغفري لهما وسلي الله الخير الكثير بلاانقطاعي

وعليك بصحبة آل الصدق والعفاف ولبس ثوب الستر في هذا الزماني

ولكي مني كل مودتا بك اريد دخول الجنة والتقي بصحاب الطهر الأخياري