13 طريقة عشان تكون معاط

لمن تمشي تدفع الكهرباء قول مثلا أديتو 40 جتنيه حيسألك (بي 40 جنيه؟) قوليهو لأ بي 45 جنيه حيقوليك دي ناقصة ! 5 جنيه قوليهو خلاص بي 40

2. .لمن تمشي لي دكتور وانت عيان ويفحصك ويدك الروشتة قوليهو طيب يا دكتور ممكن أخوي يشرب معاي من الأدوية دي حيقوليك هو أخوك عندو نفس الأعراض ؟؟ قوليهو ما عارف انت الدكتور !!

3. خش ليك مطعم وقول لي الجرسون عندكم صحن كباب؟ حيقوليك أيوا قوليهو كويس حيقوليك أجيب ليك صحن كباب؟ قوليهو لا الحمدلله ماكل

4. أضرب ليك نمرة غلط وقوليهو محمد ابراهيم ؟ حيقوليك لا والله النمرة غلط قوليهو ولا فاطمة!!

5. خش ليك استديو وقليهو بتاخدو صور حيقوليك أيوا قوليهو ملونة ولا ما ملونة حيقوليك عندنا الاتنين ملونة وما ملونة قوليهو آآه ملونة براها ما عندكم لكين !!

6. خش ليك استديو وقليهو داير صورة شخصية حيقوليك صورة للجواز قوليهو لا لي أنا!!

7. تاني خش استديو قول ليهو داير لي صورة فورية بعد يصورك ويخلص وانت مارق قوليهو ممكن أشيل الصور معاي البيت!!

8. خلي بتاع حركه يخالفك لمن يقول ليك رخصتك قوليهو أسة بترضا كان زول سب ليك أبوك حيقوليك ياخوي أنا قتا ليك رخصتك قوليهو كويس دا ما نفس الشي !!

9. خش صيدلية وقوليهو داير 2 بامبرز و 3 ديتول و 3 علبة بندول و2 اموكسيلين وختهم لي في كيس هدايا عليك الله.

10. يوم عيد ميلادك صحبك لمن يجيب ليك هدية افتحا وقوليهو دي جبتها بي كم حيقول ليك 40 جنيه طلع 35 جنيه وقوليهو باقي ليك عندي 5 جنيه.

11. عاملين معاك لقاء في التلفزيون طبعا بختو ليك بروتوكوليا كباية عصير قدامك .. وانت بتتكلم أمسك الكباية كرطعا كلها وعاين ليك لي أي جنبة وانت مادي الكباية للجهة البتعاين فوقا وقول عليك الله أملا لي تاني وارجع واصل كلامك.

12. يوم عرسك بعد ما تمرق انت وعروستك من الصالة أمسك يدها وعاين ليها في عيونا وقوليها أها بكرة بقدر أشوفك !!

13. أنشر وستسمع أخبار حلوة خلال تلاتة أيام (:

كدة بتكون نجااااااااااااااااااااااااااااااااااااااااااااااااض وحرام عليك مع السخانة دي في ذول بقتلك لو عملتة كدة

المشكله هو بكون مات قبل ما يقتلني

لكن يا امجد لقيتك معاط كبير ياخي هههههههههههههههههه

نصيحتي ليك تسمع كلام أختنا أماني سعيد وتتلمي في بيتكم في
الحر دي حتي لو الكهرباء قاطعة عشان البحصل بشرتك بيهو أماني وبالزات معاي
ما تعملا لآنو إنت الحتتمعط هههههههههههههههههههههههههه .[center]