سلامات ابوسيد

موضوع: سلامات ابوسيد الأحد 18 أبريل 2010, 9:20 am

الاخ / الطيب

سلامات والف لا بأس عليك .. وكفارة وسلامتك

سحروك يالطيب ..غير صورتك من الفيز بوك

قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك يالطيب
سلامات ابوسيد AuJ70254

سلامتك من الآه..
قبل ما تنزل صدرك أحسها بصدري والله
بيا ولا بيك ريت الألم والآه بيا ولا بيك
مالك يا ابو سيد ما تشوف شر طبعا انا بعتبرك مورى اخوى عشان كده ما برضى فيك
يديك العافيه ياربl

الف سلامه عليك ابو الطيب يعد الشر عليك من كل داء انصلن بيك التلفون ما بدخل معاي سلامات

الف لا باس عليك اخي الطيب وكفاره وطهور انشاء الله وربنا يجمع ليك بين الاجر والعافيه

نسأل الله لك الشفاء العاجل يارب يا أبو سيد وأن لايريك مكروه
والحمد لله على سلامته 00
الف سلامه الف سلامه الف سلامة وماتشوف شر باذن الله 00

شفت الخبر

ألمنى ماعرفت العليك

انشاءاللة كُر

الاه ماتعرف تجيك

ياعين دقُر

تبرا وبعيد من اى مُر

تسلم كتير

ويديك من الصحة البيسُر

يازول ظريف

انشاءاللة ليك طول العمر

تسلم تطيب ترجع قريب

يااللينا لولى واحلى دُر

شدة وتزول

يارب بعيد عن كل ضُر

الغالى الطيب اريتك يبقى طيب انت البالناس كله هين , الف لاباس عليك واجر وعافية, طمنا عليك.

اسال الله العلي القدير ان يخفف عنك اخونا الطيب
وان شاء الله اجر وعافية

أجر وعافية أنشاء الله ,,, تسلم يا الطيب نرجو ان تطمئنونا عليه

سال رجل كبير فى السن بنت كانت تقف مع والدها وقال لها ما اسمك يا ابنتى ؟
فقالت له : انا اسمى البشتهوه الناس , فغضب الرجل غضبا شديدا وقال لابوها :
كيف تستخف ابنتك بى ؟ فقال الاب لابنته اخبريه عن اسمك يا ابنتى فقالت لابيها :
انت سميتنى العافية يا ابى , فقال الرجل نعم يا ابنتى ( فعلا ااسمك البشتهوه الناس )
فالف لا باس عليك حبيبنا ابوسيد وان شاء الله اجر عظيم وعافية كثيرة ما زى البشتهوها .

الف كفارة وسلامة ليك اخي الطيب وانشاء الله ما تشوف شر
في دواء رهيب هنا في السودان حا ارسله لك
( سعرو الف وسمسائة جنيه لا غير

سحروك ولا ادوك عين سلامات حبيبنا الطيب الله يحفظك من عيون الناس ويحفظ اخوانه في المنتدي كمانالف سلامه اجر وعافيه

اخواني واخواتي الافاضل..
لكم جميعا آسمي آيات الشكر والعرفان لدعواتكم الصادقة بعاجل الشفاء لزوجي الغالي الطيب ( ابو سيد).

واود ان اطمئنكم جميعا علي صحته الآن حيث انه كان يعاني من الم بالظهر (غضروف في ثلاث فقرات 5،4،1) وهو الان يخضع للعلاج الطبيعي بمستشفي دله وقد تحسنت حالته كثيراً مما كان عليه..
واكرر شكري وتقديري لكم جميعاً ولوقفتكم الاخويه التي ان دلت علي شيئاً انما تدل علي معدنكم الاصيل وعلي انكم حقاً اسرة واحدة فلكم مني كل الشكر والتقدير...

om shahd كتب:: اخواني واخواتي الافاضل..
لكم جميعا آسمي آيات الشكر والعرفان لدعواتكم الصادقة بعاجل الشفاء لزوجي الغالي الطيب ( ابو سيد).

واود ان اطمئنكم جميعا علي صحته الآن حيث انه كان يعاني من الم بالظهر (غضروف في ثلاث فقرات 5،4،1) وهو الان يخضع للعلاج الطبيعي بمستشفي دله وقد تحسنت حالته كثيراً مما كان عليه..
واكرر شكري وتقديري لكم جميعاً ولوقفتكم الاخويه التي ان دلت علي شيئاً انما تدل علي معدنكم الاصيل وعلي انكم حقاً اسرة واحدة فلكم مني كل الشكر والتقدير...

ارجو حذف صورة البت الحلوة دى عشان العين ياام شهد
سلامات ابوسيد 23591_104117019627265_100000869017606_44791_2774011_n

حسن احمد عثمان كتب:

om shahd كتب:

ارجو حذف صورة البت الحلوة دى عشان العين ياام شهد
سلامات ابوسيد 23591_104117019627265_100000869017606_44791_2774011_n

يا حسن بس قولوا ماشاء الله

زائر

حمدللة على السلامة ابو السيد
وماشاء اللة على البنية الحلة دى
وماشاء اللة عليك ياحسن
اللهم اجعل السودان امنا وارزقة من الخيرات

الف سلامه ليك ياابو سيد وكفاره باذن الله
والجماعه كلهم كرامه ليك
ربنا يخلي ليك العسل دي يا ام شهد
ما عارفه مقسمين العيال عليكم ولا شنو (ابو سيد) 0 وام شهد
ما شاء الله عينا بارده ربنا يذيدكم

البت شهد

واللة حلوة وروعة جد

انشاءاللة زايدة كمان حلا

وتزيدى فى الاخوان عدد

تحميك من عين الحسود

يس وقل هو اللة احد

ويجملك ثوب الزفاف

ويملا الفرح كل البلد

ام شهد , ربنا يحفظها وتفرحوا بيها وربنا يكتب سلامة ابوها يارب .تحياتى ليه وامنياتى بعاجل الشفاء.

الأخوة والأخوات الأعزاء

الأخ العزيز الغالي أحمد كبتن
الأخ الكريم حسن أحمد عثمان
الأخت الغالية ناريمان أم أذاد
أخي الحبيب درزي
الأخ الفاضل عثمان بشير
الخال العزيز صلاح خلف
الأستاذة والمربية والأخت الحنونة نعمات محمد صالح
الأخ الكريم بشاره عبده
الأخ والريس العزيز جداً عبد الوهاب
الأخ الحبيب مجدي أبو عبده
الأخ العزيز الغالي دوماً عادل طه
الأخ الفاضل فخري أحمد عبد الله
الأخ الكريم بابكر الفكي
الأخت العزيزة الغالية غادة سعيد

لو أنني أوتيت كل بلاغة ****** وأفنيت بحر النطق في النظم والنثر
لما كنت بعد القول إلا مقصرا ***** ومعترفا بالعجز عن واجب الشكر
لكم جميعاً خالص شكري على مروركم الكريم .. وعلى روعة حروفكم التي كانت البلسم الشافي..
الذي زال عن كاهلي كل الآلم

والحمد لله فأنا الآن في أحسن حال من ما كنت عليه

لكم جميعاً كل الود والتقدير

ناريمان ام اذاد كتب:: سلامتك من الآه..
قبل ما تنزل صدرك أحسها بصدري والله
بيا ولا بيك ريت الألم والآه بيا ولا بيك
مالك يا ابو سيد ما تشوف شر طبعا انا بعتبرك مورى اخوى عشان كده ما برضى فيك
يديك العافيه ياربl

الأخت الغالية ناريمان أم أذاد
لك عميق شكري وتقديري على عباراتك الجميلة .. وتأكدي بأنك في مكانة أختي الصغيرة
ولي عظيم الشرف أن أكون في مكان الأخ العزيز (موري)
وأتمنى أن أكون دوماً عند حسن ظنك

لك كل الود

nimat mohamed salih كتب:: شفت الخبر

ألمنى ماعرفت العليك

انشاءاللة كُر

الاه ماتعرف تجيك

ياعين دقُر

تبرا وبعيد من اى مُر

تسلم كتير

ويديك من الصحة البيسُر

يازول ظريف

انشاءاللة ليك طول العمر

تسلم تطيب ترجع قريب

يااللينا لولى واحلى دُر

شدة وتزول

يارب بعيد عن كل ضُر

الغالى الطيب اريتك يبقى طيب انت البالناس كله هين , الف لاباس عليك واجر وعافية, طمنا عليك.

الأخت العزيزة الغالية نعمات ..

شفت الحروف ..
مكتوبة من إنسان عطوف
عبر السطور دايماً يطوف
يرسل كلام لي كل زول .. يشفي بيهو نزيف كل الجروح
بيهو نفخر.. نشوف الدنيا ..أحلى وأجمل.. في كل الظروف.

"حاولت جاهداً أن أجمع قليلاً من الحروف .. لكني عجزت عن ترتيبها"

شكراً لكلماتك الرائعة بروعتك

لك كل الود

عادل طه محمد طه كتب:: الف كفارة وسلامة ليك اخي الطيب وانشاء الله ما تشوف شر
في دواء رهيب هنا في السودان حا ارسله لك
( سعرو الف وسمسائة جنيه لا غير

الأخ العزيز عادل طه

لك كل الشكر.. وقصة الدواء أبو آلف وسمساية دا أبدعت فيها
وخليتني أموت بالضحك..
بس يمكن الأسعار تكون أتغيرت في الوقت الحالي

لك كل الود

غاده كتب:: الف سلامه ليك ياابو سيد وكفاره باذن الله
والجماعه كلهم كرامه ليك
ربنا يخلي ليك العسل دي يا ام شهد
ما عارفه مقسمين العيال عليكم ولا شنو (ابو سيد) 0 وام شهد
ما شاء الله عينا بارده ربنا يذيدكم

الأخت العزيزة غادة سعيد

كفر الله سيئاتك

أما بالنسبة لسؤالك عن تقسيم العيال
فأود إفادتك بأنه لدينا مولودة واحدة فقط والحمد لله وهي (شهد) سنة ونصف
فاسم أبوسيد أطلقته علي والدتي متعها الله بالصحة والعافية بعد وفاة والدي رحمة الله عليه
وأتمنى من الله العلي القدير أن يرزقني الله ولداً حتى أحقق لوالدتي هذا الحلم ليصبح حقيقة
ويحمل ابني هذا الاسم (سيد)

لك كل الود

[quote="om shahd"][quote="om shahd"][quote="nimat mohamed salih"]البت شهد

واللة حلوة وروعة جد

انشاءاللة زايدة كمان حلا

وتزيدى فى الاخوان عدد

تحميك من عين الحسود

يس وقل هو اللة احد

ويجملك ثوب الزفاف

ويملا الفرح كل البلد

ام شهد , ربنا يحفظها وتفرحوا بيها وربنا يكتب سلامة ابوها يارب .تحياتى ليه وامنياتى بعاجل الشفاء.

الاستادة المتميزة في الحضور والسيده الراقية في الاداء والمبدعة في الالقاء ...
دايما كلماتك حلوة زيك والله. (من غير مجاملة ياستاذة.).
وعموما شكرا علي مرورك الكريم وعلي دعائك العظيم للامورة شهد وانشاء الله كل ام تفرح باولاده وربنا يحفظهم واخليهم لينا شاية ورايه ..
وبتمني حبل الود بينا يطول ياغالية..

[quote="غاده"]الف سلامه ليك ياابو سيد وكفاره باذن الله
والجماعه كلهم كرامه ليك
ربنا يخلي ليك العسل دي يا ام شهد
ما عارفه مقسمين العيال عليكم ولا شنو (ابو سيد) 0 وام شهد
ما شاء الله عينا بارده ربنا يذيدكم[/quot

تسلمي ياغادة
كلك ذوق حبيبتي .
وربنا يدوم التواصل بينا ...

سلامات فردتى واخى الحبيب الف بعد الشر عليك
با رب عجل بكامل الشفاء لاخى وفردتى ابو سيد وعافيه من كل الم
اخوانى معلش بطلع بره الموضوع شوية
انا داير زول يفسر لى الحاصل ده
قبل شهرين وبسبب الوفاة غبت عن المنتدى وذات صباح فتحت المنتدى ووجدت اخى الطيب كاتب كلام جميل وانا عايش بين السطور واشاهد صورته اذ يرن الجوال ويكون هو المتصل اصبحت صوت وصوره
امس برضو بعد غياب اسبوع رجعت وذهلت عندما عرفت بمرض اخى الطيب وقلت اخرج اشترى كارت واسمع صوته واطمئن عليه لان علاقتنا ليست المنتدى بل اعمق الكتابة لا تكفى لابد اسمع صوته واعرف الحاصل وخرجت اشترى الكارت اذ به يتصل هو
هل من مفسر لذالك

امنياتى لك بكامل الشفاء وربنا يحمى شهد ويسعدكم

زائر

القلوب عند بعضهى ياسامى

الأخ العزيز عادل طه

لك كل الشكر.. وقصة الدواء أبو آلف وسمساية دا أبدعت فيها
وخليتني أموت بالضحك..
بس يمكن الأسعار تكون أتغيرت في الوقت الحالي

لك كل الود

والله يا ابو الطيب انا الاسعار ما متأكد منها لكن انت رسل عشرة الف وسمسائة اذا السعر اقل بنرجع ليك الباقي واذا نقص بنتمو ليك يا فردة
مع تحياتي للمدام والعسولة ام شهد

الاخ العزيز سامي قالوقديما اذاتصافت القلوب تشابكت الافكار ويبدو انك والاخ الطيب قلوبكم متصافيه مع بعضكم الي ابعد الدرجات لان الموقف تكرر اسال الله ان لايحرمكم من بعض وان يبعد عنكم شر الاشرار وكيد الفجار وشر طوارق الليل والنهار الا طارق يطرق بخير

سلامتك والالم بيزول والكفاره ليك يازول

والف لاباس عليك ياحبيبنا سحروك المابشبهوك

اخي العزيز الطيب (الهميم)
كفارة والف لا بأس عليك اجر وعافية انشاء الله

الاخوان الافاضل بابكر وعثمان بشير
لكم الشكر على المرور والتعليق الجميل
العلاقة يمكن الكثير من الاخوان لايعرفوها عمق العلاقة ليست فى النسب من جانب اخى حسن ولا الجيران حيث الحيطة بى الحيطة انما هى احساس داخلى من الله سبحانه وتعالى وحب الطيب لاخلاقه الحميده ومن حب الاسرة يمتد لحبه
شكرا لكم واسأل المولى ان يدوم علينا الحب الاخوى الصافى ولكم التحية ودعواتى له بعاجل الشفاء

الأخ العزيز اسامة غاندي

الأخ الغالي حاكم

لكم عميق شكري وتقديري على المرور ..
وأسأل الله أن يديم علينا جميعاً نعمة الصحة والعافية

سامى احمد عثمان كتب:: سلامات فردتى واخى الحبيب الف بعد الشر عليك
با رب عجل بكامل الشفاء لاخى وفردتى ابو سيد وعافيه من كل الم
اخوانى معلش بطلع بره الموضوع شوية
انا داير زول يفسر لى الحاصل ده
قبل شهرين وبسبب الوفاة غبت عن المنتدى وذات صباح فتحت المنتدى ووجدت اخى الطيب كاتب كلام جميل وانا عايش بين السطور واشاهد صورته اذ يرن الجوال ويكون هو المتصل اصبحت صوت وصوره
امس برضو بعد غياب اسبوع رجعت وذهلت عندما عرفت بمرض اخى الطيب وقلت اخرج اشترى كارت واسمع صوته واطمئن عليه لان علاقتنا ليست المنتدى بل اعمق الكتابة لا تكفى لابد اسمع صوته واعرف الحاصل وخرجت اشترى الكارت اذ به يتصل هو
هل من مفسر لذالك

امنياتى لك بكامل الشفاء وربنا يحمى شهد ويسعدكم

الأخ الحبيب سامي أحمد عثمان

لك مني دوماً كل حب وتقدير وأشكرك على كلماتك .. وأحمد الله الذي ألف بين قلوبنا فأصبحنا بنعمته أخوانا ..وذي ما قالوا القلوب شواهد.. فيعلم الله أنني أكن لك مكانة خاصة في قلبي وكثيراً ما أستشيرك في أموري الشخصية وذلك لاحترامي الشديد لشخصك العزيز ولأننا قضينا أيام جميلة في بلاد الغربة بمدينة الرياض وفي تلك الأيام تأكدت بأنك بالنسبة لي في مقام والدي الذي أكن له كل إحترام وتقدير.. وفي مكان أخي الأكبر الذي أجده بجانبي عند الشدة.. وفي مكان صديقي الذي أبوح له بأسراري.

وأسأل الله العلي القدير أن تدوم هذه المحبة وأن يحفظنا جميعاً وأن يوفقنا لما يحب ويرضاه

لك كل الود

عثمان بشير كتب:: الاخ العزيز سامي قالوقديما اذاتصافت القلوب تشابكت الافكار ويبدو انك والاخ الطيب قلوبكم متصافيه مع بعضكم الي ابعد الدرجات لان الموقف تكرر اسال الله ان لايحرمكم من بعض وان يبعد عنكم شر الاشرار وكيد الفجار وشر طوارق الليل والنهار الا طارق يطرق بخير

أخي العزيز عثمان بشير

أسأل الله أن لا يحرمنا من حروفك الراقية دوماً..

وصدقني لو حاولت أن أكتب على مايربطني بالأخ سامي فلن تكفيه هذه الصفحات.

لك كل الود

موضوع: رد: سلامات ابوسيد الأحد 30 مايو 2010, 1:56 pm

الأخ الحبيب أبوسيد كل حبي وشوقي عاوز أهدي القصيدة الرائعة دي لخالد حمدان وماعارف أوصله فأسمح لي عبركم ارسلها له:ـــــــــــــــــــــــــــــ مع خالص تحياتي لشخصكم الكريم
لو ما الشوق قدر ساقك جرسك الهوى وجنيت
أصلك ما تقول حبيت
لو ما الدنيا صارت حارة وصغرت لما صبحت بيت
لو ما همت بي وشاشيت ولو قلبك معاك ببيت
أصلك ما تقول حبيت
لو مرات غرامك يزول وتشوف زى حبيبك زول
لو فى لحظة اتناسيت لو ما ليل نهار حنيت
أصلك ما تقول حبيت
لو ما تعد نجوم الليل واحتار بيك كل دليل
لو ما للغرام غنيت أو دمعك عصاك وبكيت
أصلك ما تقول حبيت
لو ما الحب بقالك أساس وحبيت بيهو كل الناس
لو بى جمرو ما اتقليت أو بي نارو ما ادفيت
أصلك ما تقول حبيت

كان الصحابة رضوان الله عليهم اذا مرت عليه ايام ولم يصب رجع مباشرة الى علاقته بربه حتى براجع كشف علاقته بالله ؟؟
نسال الله ان يجعلك من من يحبهم جل شأنه؟؟
والف لا بأس عليك اخي أبو سيد والمثل الشعبي بيقول يجعلها زكاة جسم

ابو علي

محمد داود تاور كتب:: كان الصحابة رضوان الله عليهم اذا مرت عليه ايام ولم يصب رجع مباشرة الى علاقته بربه حتى براجع كشف علاقته بالله ؟؟
نسال الله ان يجعلك من من يحبهم جل شأنه؟؟
والف لا بأس عليك اخي أبو سيد والمثل الشعبي بيقول يجعلها زكاة جسم

ابو علي

لك عميق شكري وتقديري أخي أبو علي على مرورك الكريم
ونسأل الله العلي القدير أن يجعلنا جميعاً من المتحابين في الله....
ونسأله حبه وحب من يحبه وحب كل عملاً يقربنا إلى حبه...

لك كل الود

كبتن كتب:: الاخ / الطيب

سلامات والف لا بأس عليك .. وكفارة وسلامتك

سلامات يا أبو الطيب وألف لا بأس عليك

ويا كبتن مــــــــــــــــــــــــا مشتاقين ياخ

سحروك المابشبهوك

الفين سلامة عليك ابو سيد شنو الحكاية لعلك بخير

ابو السيد الف سلامه ليك وماتشوف شر أنت عارف سحروك ودوك العين

الف سلامة عليك يابو شهد حية وسلام من اميمة سعيد

وليه ما يسحروك وكلك كلك حلو ؟ متعك الله بالصحة استاذنا الطيب وأدامك الله من الأنقياء والأوفياء في زمن عز فيه الوفاء

» سلامات أبو سيد والجاتك في مالك سامحتك
» الفرق بين الصداقة بين النساء والرجال
» سلامات وئام
» سلامات الاخ حاكم
» سلامات لوالدة الطيب سيد الدالى