حــــار خـــلاص بـــعد المـســـــــــــافـــــة

حار خلاص بعد المسافة وشوق قليب دائب رهافة
ليك يا الحاضن الشواطى وزاهى زى لوح الشرافة
يا مغبر ويا مظفر ويابلـــــدنا ويـــــا قـــــيافــــــــــــة

شوف بعد ما كنت حاضن ليلك الدائب مسرة
وهانى بى تحنان ربوعك جيت افتش ليك برة
فى الرواديو الطيرة عجمى وفى الجرائد مرة مرة
وفى عيون الجاى دابو ولسة ما ضاق المضرة
وفى الشمس حين مرة تشرق والنهار ياخدلو حرة
وفى جناح طيرا مسافر كان يمر بى نيلنا مرة
وزار ربوعنا وشق شافها وحار خلاص بعدالمسافة

شوقنا ليك يبدا من لحظة نفارق
وزيك انت مـــــحال نصــــادق
لا مغارب لا مشارق
السهول الناضرة ديمة والجبال شاهقات بيارق
غابة سابكة ووادى سارح وليل ملالا ونجمو بارق
شوقنا لدل الصحارى واثياب الريحها عابق
لنداها ولشذاهـــــــــا ولعــــــفافــــــــــها

الشمس بينا وسماكا اغلى ود وانبل محبة
ادتك ذاتها وصفاتها وما ادتهم غير حبة حبة
والنسيم حباك وهب وحط فيك النيل رحاله
وشـــــق فيـــــــك اطـــــــــول مســـافـــــــة

وحار خلاص بعد المسافة
وشوق قليب دائب رهافة
ليك ياالحاضنالشواطى وزاهى زى لوح الشرافة
يا مغبر ويا مظفر ويا بلدنا ويا قيافة .. وياقيافة .. وياقيافة .....

والله المسافة والبعد حرمونا من شوفتك ورفقتك والواحد فى بعض لحظات التجلى البتجيهو والبقت قليلة فى حياتو بتجول بيهو الذاكرة فى لحظات الزمن الجميل الرى المصرى والمصايد وحلل العمبلوقات وجلسات القمراء مع نغمات صوتك الشجى وانت تصدح
بى عشقت شادن عيونو ساحرة وقوامو لاادن كأنو زهرة
كن لانعرف الهوا اذا جلسنا الصباح سوا
نغيب عن الكون وماحوى
اخى وصديق ابو عبدة لك منى خالص التحية والتجلة ودعواتى لك بالتوفيق اينما كنت وان تظل متواصلا عبر هذه الفسحة التى نشارك فيها جميعا بدورى يشبه دورى رابطة الشجرة والجماداب سابقا كلا يقول ماعنده وماينبغى ان يكون لك من الف تحية اخوك اسامة السيد

الاخ الكريم مجدى اولاً شكراً كتير على هذا الابداع الراقى .

ثانياً اتمن ان اعرف من مؤلف القصيدة انت؟ ام من؟ وبعدها برجع للتعليق باذن اللة ارجو الافادة, لك تحية بعمق ماكتبت.

انا اعتبر الحظ ابتسم لى كونى اشاهد بل اقرا حروف خطها يراع اخى الحبيب
اسامة السيد فلك ودى وحقيقة المنتدىيشع القا بكوكبة اخواننا فى الشجرة
والحماداب فازيدك من الشعر بيت : حبيبى من عالم الملائك , سماوى جالس
على الارائك , مكانتو عالية عالية عالية وطريقو شائك ,ومالو مالو الحبيب ده مالو
عن يمينو وعن شمالو ,الناس يحسدوهو فى جمالو , والزول يميل لو نظر شمالو
اقـــــــــــــــــل نظــــــــــــــــــــــــــــرة

الاســـتاذة الفاضلــــة/ نعمات

قصيدة حار خلاص بعد المسافة اسمعنى اياها اخى المغترب صلاح الياس
بالقاهرة رد الله غربته ايام الدراسة ,فلامست وترحساس تم العزف بواسطة
شخصى الضعيف , وما زلت اعزفه حتى اليوم ,فما احلاك يا بلدنا ...

الاخ العزيز مجدى شكراً كتير على الافادة , سالت لانه القصيدة اعجبت بكلماتها

وحقيقة بتلامس الوجدان ,كلماتها رائعة ومعانيها سلسة. وياريت نسمعها ملحنة لو عندك محفوظة يكون اجمل.

وبعدين لو انتو بتعزفوا وتلحنوا ياناس قصائدنا دى ماتقولوا شئ فيها , فى 15 واحدة مجازة من لجنة النصوص والالحان

يلا ابدع لينا فى واحدة, والاتعاب محفوظة هههههههههه.

للاستفسار :- ايميلى nimat@live.ca

اختــــى الكــــريمـــة المــــربيــــة الفاضـــــلة / نعـــــمات
ما عندى ملكة تلحينية رغم اننى املك اذن موسيقية
والوتر المقصود هنا الوتر الحسى الذى يدغدغ كل انسان
له مشــــاعر وينساب حروفا تلامس الدواخل وتخرج بشكلها
المسموع .

ياابو عبدة مامشكلة ازهرى مولانا فى وعودو قاعد بس انت سلك الحنجرة وخليك جاهز واوع يكون بعد المسافة ده خلاك بقيت بتكركر ذى ماحاصل فى اصوات كتير من مطربينا الكبار ابتداءا بى وردى ومحمد ميرغنى وعبد العزيز المبارك بقت تفك منهم عدييييل ويطلعو من الزمن ويدخلوا ومجهجهننا معاهم لخبتو اضانا لازم يقتنعوا بعد ده ويحافظو ا على تاريخهم المفروض يكون للاستماع الان وينسوا الجديد لانو الكبر دخل خلالالالاص ويدو الفرصة للشباب الصغار ديل ويبطلو شكاوى فيهم لانهم هم برضو بدأوا بى حق غيرهم والله شنو رايك ياابو عبدة؟

تعرف يا اسامة ما بحلنا الا برنامج نجوم الغـــــــــــــــــــــــــــــــــــــــــــــــــــــــــــد .

الحمد للة بقى فننا محصور فى كتابة الشعر والاغانى و بس -يعنى عمرنا زاتو ماحتعرفوه , بس عشان مانُحبط , كمان مشاعر الشاعر بتعجز؟ لالا مااظن , نحن اخترنا طريق الامان

متميزتنا...استاذتنا ....اختنا الكريمة .. نعمات محمد صالح
الكبير كبير .... والفنان فنان .... والمتميز متميز ... لك التحية .. وربنا يديك الصحة والعافية
ودوام التميز ..... والابداع .

اخى الحبيب دوما اسامة السيد
وينك ..وينك ..وينك .. ووين طلاتك الجميلة ...يعاتب يوم ويرجع يوم ...ويعذبنا بى ريدو ..
احييك على هذه الطلة الحلوة ..كتر منها يا اسامة ..لك الود .

ربنا يقرّب البعيد ويرد الطيور المهاجرة سالمة لارض الوطن ...مشكور اخى نجم الدين
على المرور وبارك الله فيك .

يعني يا ابو عبدة انت فنان ونحن ما عارفين

اخونا ابو عبدا فنان وفنان معتق بس ظبطواليهو حلة لحمة يكون بصلها كتير وكتروا من الشطةوالله لو نفض نفسو ينافس اولاد الصادقو الماحى ود سليمان زاتو

اخى الحبيب الدرزى ..الفن فى حد ذاتو بيجرى فى عروق كل من ينتمى للشجرة
وانت ذات نفسك فنان كبير ..لك ودى واحترامى وتقديرى .

ذبت وجدا فى هواك ..يا حبيبى لم ازل ..عايش على سمح الامل ..لك منى انبل واعظم تحية
صباحية شجراوية حبيبنا اسامة ..والشطة الحمراء مشاكلها كثيرة ..يا ريت اذا كانت خضراء ..
يديك الف عافيـة .