بيتزا وااااااااااااااااااااو

سلام عليكم جبت ليكم طريقه بيتزا طريه وحلوه اى واحده تدوقها عندى تقولى اعطينى الطريقه
القادير
شفتوا فنجان الشاى بلبن الا عنده صحن بتقدموا فيه للضيوف ده عبروا بيه
1-فنجان زيت
2-فنجان حليب
3-اربعه فناجين دقيق\
4-زره ملح وزره سكر
5-ملعقه كبيره خميره بيره
يعجن حميع المقادير وتترك لتخمر وبعد كده تقطع دوائروتضع فى الصينيه
وتضع التوبنج الاتحبوه
الصلصه
نضع طماطم حسب كميه العجين فى حله ويقطع عليها بصله وفصين توم وشويه مويه ملح وتوضع على النار تغلى اطفيها وتستريح شويه حطيها فى الخلاط وبعد كده اهنى بيها لبيتزا وحطى الخضار بتاعك والجبنه بتاعه الدكان العاديه ودخليه الفرن وبلهناء
اها كيف كده يا استاذه نعمات

يا الللللللللللللللللللللللللللللللللللللللللللللللللللللللللللللللللللللللللللللللللللللللله
بيتزا

ياناريمان كدة تمام لكن كمان كدى خلينى استخدم خبراتى الكندية هههههههههههه

لانى اشتغلت فى اشهر محلات البيتزا واختك طباخة بيتزا وانا لازم كمان اجرب عجنتك لكن

عندنا هنا مابنعجن باللبن الحاجة التانية يااختى

معتز ده زول رياضى ماقال ليك الزيت دة ضار بالصحة , ليه فنجان زيت كامل هههههههههه

المهم يازولة فيك الخير واللة يديك العافية ومنكم نستفيد كدى باكر اقوم ليك عليها وكان مانفعت واللة الا تجهزى شنطتك

وانا اقوم بمهمة انى ارسل لى كندية تكون شغالة بيتزا هنا .

صباح الخير عليكى استاذتى الجليله
طبعا انا واولادى بنحب البيتزا بصوره فظيعه وانا بخت اللبن والزيت عشان تكون كريزمى (لينه)بس ده ما يمنع تورينا حقتك عشان نجربها ضرورى
اما عن معتزما لاعب معانا لعبه البيتزا بس بياكل رز ابيض بلمويه بس لزوم الدايت وكده
احنا فى انتظار وصفات بيتزا جديده (عاشقات البيتزا


صباح الخير استاذتى الجليله
شكرا على المرور بس حابه اقول ليكى انا واولادى بنعشق البيتزا عشان كده بخت فيها اللبن والزيت عشان تكون كريزمى(لينه)بس ده ما يمنع تورينا وصفتك عشان نجربها
اما عن معتز هو ما لاعب معانا لعبه البيتزا لانه بياكل رز ابيض معمول بلمويه بس لزوم الدايت كده
احنا مستنين وصفات اخرى للبيتزا(عشقات البيتزا)













9

المقادير ناقصة جبن اشاوان وبتكون 100%100

شكرا اخى بابكر على المرور انت الوحيد المعبرنى وبترفع من روحى المعنويه بس ده شنو القلت عليها ده جبنغير الموزريلا ده ما عندنا رسله لينا فى السعوديه كويس سلام للمدام خليها تورينا وصفات سوريه
شكرا اخوى حاكم على المرور

اترجمليك بالسودانى
لمن تسوى القراصة بتاعت البتزاء بتبرشى جبنة اشاوان لمن تنقطى كلهى من فوق بالجبنة وتختى زيتون بدون بزر وتقطعى فلفلية وتختى صلصة بتاعت طماطم وفطر ودخليهى الفرن لمدة ربع ساعةبدرجة حرارة100
الجبنة الاشوان موجودة فى اى بقالية فى السعودية وهى مخصصة للبيتزاء
هى الوصفة بتاعت المدام

ااااااااااااييييييييييييييييييك
حليل قريشاتنا الضائعة في بيتزا هوت وبيتزا كول وبيتزا ان وبيتزا اوت

الاخ بشاره كيفك ليك وحشه ده اولا وتانيا شكرا على المرور والتعليق اما ثالث حاجه لو اشتهيتوا بيتزا احنا فى الخدمه بس ادينا تلفونك وحنا نرسله ليك كويس
جيت من السودان بتين وكيف الاهل وناس البيت وفت ناس عم سيد والتومات كويسات
احنا قربنا نمشى نهايه الشهر ده انشاء الله دعواتك

هلا ياناريمان اخبارك واخبار الاولاد ان شاء الله كلهم بخير وبصحة جيدة , وكيف اخبار العب الشين معتز , بالله سلمي عليه كتير , انا اجازة السودان كانت 10 ايام بس لانه صعب اخد اجازة اكتر من كدة , ورجعت طوالي الرياض , وعلى فكرة لقيت اخواتك توم وجيري في السودان , ومبسوطين جدا .
ولازم ازور العب في البيت قبل سفركم باذن الله واعرف التفاصيل منه
تقبلي سلامي وسلام المدام

تانس وتنور يا بشاره احنا فى انتظارك بس ادينا تلفون مش عندك جوال معتز وجوالى بس جوالك مقفول طوالى ليه عشان كده قايلك لسه فى السودان عليك الله كيف عم سيد طيب

سلام يا جماعه..
وكيفكم يا دفعه..
تسلمى يا ناريمان..
طيب ادينا وصفة البسبوسة

الاخ على اليك ياسيدى طريقة البسبوسة وكنت واللة حاعمل ليك دلفرى لكن الجو مامساعد هههههههههه

المقادير:-
نستعمل كباية (المَقْ) الكباية البى يد عرفتها ماعارفة انتو بتسموها شنو .

1 كباية سمنه سايحة او كباية الا شوية انا بفضل (للصحة)

كباية الا شوية سكر.

كباية جوز هند غير مسكر .

كباية زبادى.

ملعقة كبير مليانة تماماً باكنج باودر.

ذرة صغيرة جداً جداً ملح ( الملح دائماً يديك طعم جميل لاى شئ به السكر (راى شخص) حسب الرغبة .

دقيق السمولين من كبايتن الى 3 على حسب العجنة يجب ان تكون مناسبة غير سميكة وغير رقيقة.

الطريقة يخلط الجميع مع بعض( باليد فقط)ويترك قليلاً لمدة 7-8 دقائق خارج الفرن .

اثناء الاعداد هذا يجب تسخين الفرن فى 350 درجة .
بالتاكيد يوضع الخليط فى صينية الفرن اذا تيفال اكيد لاتحتاج اى مسح واذا المونيم تمسح بالقليل من السمن ويرش عليها دقيق خفيف جداً .

توضع العجين وتزين بوضع حبات الجوز على اباعاد متساوية على شكل مربعات حتى تقطع بعدين كل مربعة تحتوى على لوزة عليها.

ملحوظة:- قبل البدء فى الاعداد يجب وضع شراب السكر على النار ممكن 2 كباة سكر مع ماء يغطى كمية السكر ثم بعد ان يغلى تنقطى شوية ليمون خفيف

مع القليل من اى نكهة تحبيها وماضرورى النكهة على حسب المزاج.

وملاحظة تانية مهمة جداً عندما يوضع السكر على البسبوسة لازم احدهما يكون حار والتانى بارد يعنى مايكون الاتنين فى سخونة يعنى اما السكر سخن والبسبوسة تكون بردت او العكس حتى يديك تسقية حلوة .

زمن البسبوسة ماكتير المهم حتى تصبح لونها ذهبى جميل بس.

يلا بالهناء والشفاء . خدماااااات نعومة الفندقية للماكولات .هههههههههه

سلام استاذة نعمات..
ما قصرتى..كأنها وصلت..
نكون طالبنك بسبوسة انا والاولاد لما نجى زيارة عندكم..
تسلمى كتير..واتفضلوا معانا البسبوسة جاهزه..
تحياتى

سلام يا دفعه كيفك تمام مشتاقين شديد وكيف الاولا والمدام طيبين ديل اولادك الحلب ديل عسل ماشاءالله هده طريقه جديده للبسبوسه جربه وورينى
المقادير
كاسه زبادى كبيره
كوبايه الا ربع زيت
كوب الاربع سكر
بيضتين
ملعقه فانيليا
ده كله فى الخلاط يضرب ضرب مبرح
نكبه فى الحله ونخت عليه كبايه ونص سميد وكبايه جوز هند
وملعقه باكنج باودر
وندهن الصينيه وندخلها الفرن ونخرجها ونضع عليها الشيره
وبلهناء والشفاء
سلامى للمدام واه اخبار الشله كلهم طيبين ارجو الاتصال بى لكى نتم باقى الشمارات

طبعا فكو الحظر ورجعنا ليكم ياناس التكل...... المطبخ الحديث ..... علشان ناكل من الحلة والاكل سخن

زنقة زنقة وحارة حارة ومنتدى منتدى
هههههههههههه