الناس عيّدت مرقت على أصحابا

زائر

يا مولاي آه من غلبي
من النارو حرقت قلبي

الناس عيّدت مرقت على أصحابا Rjkrom

يا مولاي بشكيلك شقاي وغلبي
حظي الديمة من ند الأنيس جافلبي
طالت السفره وأتحفّت مناسم تِلبي
هب الريم وعاودك الحنين يا قلبي
الناس عيّدت مرقت على أصحابا Ei4h1h

مالك نفسي مطعونة وتملّي تنيني
مالك عيني للغميد أبيتي تليني
عطشان ديمة كفح الموية ما برويني
كاتلاني الطريفيه البريدا قريني
الناس عيّدت مرقت على أصحابا Ei4h1h

الناس عيّدت مرقت على أصحابا
وأنا فريت على الجاهلة السمح ترحابا
فاطراً بيحكي برّاق البدودي سحابا
لفت قلبي زي لف طرحته اللافحابا

الناس عيّدت مرقت على أصحابا Ei4h1h

ختّت أيدا فوق إيدي إنجذبت خِدرتا
حبيت أمشي من كُتر الطرب ما قِدِرتا
بقت الحِنه بين إيدي وإيديها إندِرتا
لولا الحِنه بيني وبينها كنتا ودِرتا

** *** **
أخدر ليهو ضُل فوقو المحاسن شرّن
وأفلج فاطرو زي برق السواري إتكرّن
إتقسّم مقاطِع في المشي وإتحرّن
زي فرخ القطا الأماتو ركّن وفرّن

** *** **
إتمنى الدهب لو لونو يشبه لونِك
إشتهت الدُرر لو هي تبقى سنونك
مجنون ليلى حالتو أقلّ من مجنونِك
ما دام ليلى كانت في المحاسن دونِك

الناس عيّدت مرقت على أصحابا Ei4h1h

عن من أحبو أنا غير خاطري فُرِقتا
هايج بي غرام عن حالتي كُلي سُرِقتا
لولا أدمُعي من ناري كنت حِرقتا
ولولا ناري من كترت دموعي غِرقتا

الناس عيّدت مرقت على أصحابا Ei4h1h

غصبا عنى فارقت الضريح غير امرى
وكل ماهب نسام منو زاد فى جمرى
جرحى القرب يبرى كاد يودر عمرى
عودو لى تغريد بلبلك يا قمرى

الناس عيّدت مرقت على أصحابا Ei4h1h

عمي الهادي نشاب البريدا ضربني
قسم نومي من تيبان حيايا سلبني
حاكم الصافي ابقى يقبل سؤال صدمني
في صبري الكان جميل جربتو كلو غلبني
الناس عيّدت مرقت على أصحابا Ei4h1h

شعرك منظم زي السلاسل فتلو
وعينك ترقص الحجر ان بقت شافتلو
الطاوؤسة قاصدة مشيكي ما عرفتلو
واعصاب الراّك اتكهربت تلفتلو

الناس عيّدت مرقت على أصحابا Ei4h1h

ممشوق القوام الما وجدت مثيلو
جفاهو معاي ولا محنة غيرو
جافاني العزيز الكنت ديمة نصيرو
هو يسوي الغلط وانا اسوي كتر خيرو
الناس عيّدت مرقت على أصحابا Ei4h1h

النار في الدراويش البترجمو وجت
امواج المحبين بالشوارع قجت
وربات الخدور نزعت حجابا وعجت

» احن الناس
» هذا التواصل الرائع من الزول السمح ســـامي
» الناس البساهرو
» رضا الناس غاية لاتدرك
» الناس معادن