جدى ودالريح

موضوع: جدى ودالريح الخميس 08 أبريل 2010, 4:11 am

محمد الريح محمد حامد كريم الدين او ودالريح من الذين اسسوا الشجرةمالرى المصرى بالشجرة ايام الانجليز وكان يملك قطيع من الاغنام والماعز وزوجته نحبوبتنا كلتوم عبدالماجد سليمان رحمها الله وابناءه (ميرغنى وفاروق وعاطف وعادل وبناته فاطمة وفوزية)

موضوع: رد: جدى ودالريح الخميس 08 أبريل 2010, 6:26 am

أبوعبدة كتب عن جدنا العظيم المحبوب البسيط ود الريح وها أنا أكتب عن جدودي عبدالله أورناصر و أورناصر محمد فضل أورناصر
من أوائل الذين قدموا من الريف(جزيرة بدين) وألتحقوا بالري المصري ونقلوا كل الصور الجميلة والبسيطة من الريف إلي شجرتنا الحبيبة
ثم إنتقل الي حلة الدناقلة وحفر بها بئـــــر إرتوي منها كل أهل الشجرةولذلك سمي بحي البئر
ومعه زوجته ســـت البنات وأولادهما (أحمد و عبدالرحيم )و(أمنة و حليمة و صفية و مكةالزين) وجدي الآخر أورناصر أولاده (عبدالقادر وبشير و علي)وبنته (خديجة)
الرجاء من الجميع التضامن مع أبوعبدة بالكتابة عن أصول الشجرة

جدى ودالريح Em86986063j

موضوع: رد: جدى ودالريح الخميس 08 أبريل 2010, 8:13 am

اوالله يا مجدي ما عارفة اقول ليك شنو لكن كتابتك عن جدك دي خلتني احسدك واتمني اني كنت اكتب قبالك عن جدي لكن في النهاية كلهم جدودنا لانهم كانو ذي الاخوان وانا لي فترة قريبة جدا كنت قايلة انو في صلة رحم بينا وبين ناس كتار من ناس الشجرة لكن الما جمعنا بيهم رحم لمانة بيهم نسب احيك واحي كل جدودنا في الشجرة ربنا يرحمم ويسكنوم جنات النعيم
ودايرة اوريكم شويه عن جدي وداعة الله سعيد وهو كان من ناس الري في جبل اوليا وانتقل الي حي الخفر الشجرة كان طيب المعشر زوجتة حبوبة كسبة محمد حامد كانت تصل الجيران وكريمة جدا جدا اولادهم والدي رحمة الله عليه سعيد وزينب وسيدة وعلوية وفاطمة اطال الله اعمارهم

موضوع: رد: جدى ودالريح الخميس 08 أبريل 2010, 8:46 am

اسال الله الرحمه والمغفره لجدودنا اجمعين واشكر الاخ مجدي علي التذكير بهؤلاء النفرالطيب الذين لا نستطيع ان ناتي ولابجزء ممافعلوه من اجلنا ومن اجل الشجره ومن بين هؤلاء جدي الراحل خلف الله فضل المولي الذي كان مهتما بمشتل الري المصري وكان معروفا بطيبته وحسن خلقه وكرمه وادبه الجم وزوجته طيبه التي هي اسم علي مسمي وابناءه فضل المولي المعروف بمحمد وسعد وخالد وناصر واحمد وامي العزيزه اسماء ودارالسلام وامنه رحمها الله وفاطمه وهدي اسال الله ان يغفرلمن مات من جدودنا ويطيل عمر من بقي منهم

الاخوان الاعزاء / ابو عبدة / جمال النملة /عثمان بشير /

الاخت العزيزة / أم وئام

سعدت كثيرا بهذه المداخلات الرائعة التى حملتنا الى ذلك الزمن الجميل / ابو عبدة كتب عن جده ود الريح ومهما كتب لم يوفيه حقه من الكنابة فهو رمز من رموز الشجرة وعلم من اعلامها

وكذلك النملة كتب عن اجداده وهم من المؤسسين الرئيسين للشجرة

والاخ عثمان بشير كنت اجهل هذا الاسم ولكن لتطرقة لاجداده عرفت الان من هو عثمان بشير لك مني كل التحايا ولاهلك الكرام وكان لجدك خلف الله مكانة كبيرة فى نفوس اهل الشجرة فهو راجل مبدع وفنان ويكفى انه الوحيد الذى كان يمد الشجرة بأجمل الزهور واندر الشتلات ولنا معه ونحن صبية مواقف سوف اتطرق لها لاحقا باذن الله

أما الاخت أم وثام
جدك وداعة الله لكى اكتب عنه يحتاج الى مقالة طويلة انا طبعا لم احضره ولكن سمعت عنه الكثير كان جدك باشا بكل ما تحمله الكلمة من معنى وسوف استعين ببعض الاخوان الذين عاصورا تلك الفترة واكتب لك عن جدك أما الحاجة كسوبة كانت اشيك أمراة فى اللبس على عموع الشجرة وأول أمرأة تحمل شمسية تحميها من اشعة الشمس واختك أيمان سعيد أبو لسان طويل عندما ندخل فى نقاشات عن حلة الري تقول ان حبوبتها كسوبه أول أمراة تلبس ثوب السكوبيس ولنا لقاء باذن الله

موضوع: رد: جدى ودالريح الأحد 18 أبريل 2010, 6:54 pm

الاخ عبدالوهاب انت الريس بتاعنا كنت تقول لي انت منو مادام ما كنت عارفني كنت قلت ليك لك مني كل الودوالاحترام

عثمان بشير"]الاخ عبدالوهاب انت الريس بتاعنا كنت تقول لي انت منو مادام ما كنت عارفني كنت قلت ليك لك مني كل الودوالاحترام

الاخ العزيز / عثمان بشير

تعرف يا عثمان مره جئت اجازة السودان وفى الطريق قابلنى شاب ملتحى سلم علي سلام شديد , حسه انو انا ماعرفته قام سالنى قال لي ماعرفتنى يا وهاب قلت ليه والله للاسف ماعرفتك قال لي انا باقر , قلت باقر منو , قال لي باقر ادريس قلت ليه صعبتها علي خالص فى الاخر قال لي انا باقر اخو سيف سلوك , ضحكت وخجلت من هذا الموقف وقلت يابوي تانى الواحد يمسك نفسه يظهر الغربة الطويلة لحست عقلنا , ولك العتبى يا عثمان حتى ترضا , مع تحياتى

موضوع: رد: جدى ودالريح السبت 10 مارس 2012, 6:41 am

نسأل الله لهم الرحمة جميعا .

موضوع: رد: جدى ودالريح السبت 10 مارس 2012, 1:02 pm

مجدى ابوعبدة كتب:: نسأل الله لهم الرحمة جميعا .

الرائع دوما ابوعبد رحمة الله علي جميع اجدادنا وابائنا وبارك الله فيك وفي ذريتك

موضوع: رد: جدى ودالريح السبت 10 مارس 2012, 4:45 pm

جدي محمود عبد القادر احمد عالم دنقلاوي من حفير مشو من القدامى الذين سكنوا بسكن السياس بأربعة بيوت (الحملة حالياً) مع الصعيدي والسروجي . من الاوئل الذين انتقلوا لحي الجامع ومن قيادات الانصار بالشجرة...
ابنائه منور توفي في السبعينيات ، محمد الحسن توفي في 1994م ، مصطفى توفي في 1997م ، عبد القادر توفي في 2000 رحمة الله عليهم ...
جدي من والدتي حاكم محمد عبد الله الخطيب فراش بمصلحة الري المصري وإمام لمسجد الري المصري وزعيم من زعماء الختمية بالري المصري ،درس اجيال كثيرة من ابناء الشجرة القران الكريم توفي في 1978م ابنائه عبد الله ،عبد الجليل ، كمال ، عبد المنعم ، عادل ، عاطف ، وليد ورافع . بناته فتحية ، إحسان ، فاطمة(زهور) عفاف وحنان.

رحمة الله عليهم