سوال للاخوان في المنطقه الشرقيه

هل تم تكوين لجنه للمنتدي الجديد ازا نعم اين موقع الاخ الاخ ياسر فيه لولا فضل الله ومجهودات الاخ ياسر لما اجتمعنا هنا انتم تخطروننا بكل شئ عن الموقع الجديد ولكن لم تعطونا الفرصه في التصويت لمن له الحق انا راي ان يكون الاخ ياسر هو هو رقم واحد في الموقع الجديد لمن ماممكن تضعوا لنا الاسماء و ان ماعندي اي اعتراض في شخص منكم لكن اعتراضي لمازا لم تدخلوا الاخ ياسر معكم وهو صاحب الفكره الوحيد الزي جمعنا في كل بقاع الارض ماممكن يضع مجهوده في الهواء وازا لم يتم تكوين لجنه ارجو اجري انتخابات لكي نرشح بعض الاخوان مثل سامي عبد الوهاب تعمات ابو العزائم الخال صلاح خلف عباس عبده عادل ود الحاج انا اتكلم عن المنتدي لانه وسيله الربط بيننا والريس ياسر بارك الله في مجهوداته وجزه الله عنا الف خير مع خالص احترامي لكم

الحبيب فخري .... للتوضيح فقط
منتدى الشجره بالمنطقه الشرقيه كيان اجتماعي ثقافي جديد يضم ابناء وبنات الشجره المقيمين بالشرقيه لربطهم ووصلهم اجتماعيا وياريت لو كان الشباب المذكورين مقيمين او متواجدين معانا لانتخبنا ياسر عدوي رئيسا وبقية المذكورين زعماء للمنتدي.
المنتدي له لجنة تسيير مكونه من ثمانيه اعضاء وله لائحه تنظيميه واشتراكات شهريه وفي مرحلة حصر العضويه (العددالحالي تقريبا 80 عضو). انشاء الله تكون الفكره وضحت.

دي مناسبه الواحد يثمن مجهودات الزعيم ياسر عدوي ويقدر اتصالاته التلفونيه وتنسيقه الدائم مع الاخ احمد كبتن حتي يخرج الموقع الجديد بالصوره التي تليق بنا.
يعني بالعربي الفصيح ماحانمشي خطوه لقدام بدون ود عدوي.

العزيز جمال اشكرك علي التوضيح حقيقي انا لم اقصد سوي علي النت اما بالنسبه للجمعيه المنتطقه الشرقيه اسال الله العلي القدير لكم كل ازدهار وتفدم لرفع اسم الشجره وربنا يكلل مجهوداتك بالنجاح انشاالله ويجعلها في ميزان حسانتكم اخواني ياجمال نحن معكم بقلوبنا في المنتطقه الشرقيه ونشد من ازركم ارجو ان توضح لي موضوع منتدي الشجره والحماداب وعلاقته بموضوع التغير والمنتدي الجديد

نحن ما من الشرقية هل تسير فينا اللوائح والقوانين وهل يمكننا الدخول للمنتدى

هل الاخوان المشرفون الان علي المنتدي هم نفس الاشخاص المشرفون علي المنتدي الجديد ارجو افادتنا

اخي الغالي / فخري

معليش علي المداخله لاكن انا بشوف انو الاخ ياسر والاخ احمد ما اظن انو لما وضعو المشرفون في المنتدي
الاول كان تشريف بل كان تكليف علي الناس لمتابعت المنتديات وبحمد الله كان الوضع تمام ومافي اي مشاكل .

تخريمه............

الاخ /حاكم ...........

ليه بتقول ياناس الشرقية المنتدي هو لناس الشجرة والعاملو ياسر وهو الريس بتاعنا في القديم والجديد

وله رايكم شنو ياناس الشرقية العندو راي يورينا..........؟؟؟؟

الكلام ليك يا.....................؟؟؟؟؟

اخوتي الكبار لكم التحيةوالاحترام وربنا يوفق الجميع لما فيه الخير للشجره المتابع للمنتدي لا يساوره شك في ان الريس ياسر عدوي والاخ كبتن والاخ معتز تلب والاخ حاكم والاخ ابوسيدهم اكثر العاملين لتطوير المنتدي والشجره مع احترامي لبقية الاعضاء ولكن هذامن باب الامانه وانا لا اري داعي لتغيير احدمن المسؤلين عن المنتدي وتحديدا الريس ياسر فلتحولو المنتدي اذا كان هذا هو الافضل ولكن ما الداعي لتغيير الريس او اي احد من المسؤولين (من لايشكر للناس لايشكرلله)وانا اطالب جميع الاعضاء ان يدلو بدلوهم في هذا الموضوع لنعطي كل ذي فضل حقه وكما قال اخي تلب ان المساله في النهايه تكليف وليست بتشريف وانا ارجو من الاخوه في الشرقيه ان لا يهمشو احدا من الاداريين وتحديدا الريس ياسر

حاكم كتب:

نحن ما من الشرقية هل تسير فينا اللوائح والقوانين وهل يمكننا الدخول للمنتدى

ياحاكم هي منو اللجنة ومنو الاعضاء ال 80 وشنو اللوائح والقوانين البتحكم الشرقية بس دي والمنتدى هل بقى حصري على الشرقية عايزين نفهم يا اهل العلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله يا اشرف كلامك صحي ما عارفين وين موديننا ناس الشرقية بس لازم واحد من الشرقية اوضح لينا الحاصل شنو مش زي الاخ نجم الدين عامل اقتباس ما عارف فهمو شنو

ابوناديه كتب:

الحبيب فخري .... للتوضيح فقط
منتدى الشجره بالمنطقه الشرقيه كيان اجتماعي ثقافي جديد يضم ابناء وبنات الشجره المقيمين بالشرقيه لربطهم ووصلهم اجتماعيا وياريت لو كان الشباب المذكورين مقيمين او متواجدين معانا لانتخبنا ياسر عدوي رئيسا وبقية المذكورين زعماء للمنتدي.
المنتدي له لجنة تسيير مكونه من ثمانيه اعضاء وله لائحه تنظيميه واشتراكات شهريه وفي مرحلة حصر العضويه (العددالحالي تقريبا 80 عضو). انشاء الله تكون الفكره وضحت.

دي مناسبه الواحد يثمن مجهودات الزعيم ياسر عدوي ويقدر اتصالاته التلفونيه وتنسيقه الدائم مع الاخ احمد كبتن حتي يخرج الموقع الجديد بالصوره التي تليق بنا.
يعني بالعربي الفصيح ماحانمشي خطوه لقدام بدون ود عدوي.

الاخوه المستفهمين سلام

زي ما فهمت من كلام جمال انو المنتدي الفي الشرقيه منتدي ما في النت

استفهام ؟
الجاب سيرت تغير الحكومه منو ؟

يا شباب الشجرة والحمادب بالطريقة دى حا يضيع المجهود الجميل كله وحاترجعوا
لنقطة الصفر ..وحا تفكروا من جديد فى البداية ..وحا تهدموا الاشياء الجميلة البنيتوها بايديكم ..
وحاتتفرقوا ..والمربع الاول محمدكم ..وحا ياثر ذلك على العلاقات بين الاخوان ..لذلك ارى ان
يتم لاخذ والعطاء بشكل مقنع وودى ..لكم جميعا احترامى .

[quote
الاخوه المستفهمين سلام

زي ما فهمت من كلام جمال انو المنتدي الفي الشرقيه منتدي ما في النت

استفهام ؟
الجاب سيرت تغير الحكومه منو ؟[/quote]


الاخت العزيزة غادة ليك التحية ووضحت الفكرة اذا كان هذا فعلا المعني المقصود كما اسلفتي

الاخوه الاعزاء المستفهمين:

تعريف منتدي ابناء الشجره بالشرقيه:

سميناه منتدي او تجمع او اسرة او رابطه او كيان او ناس الشجره بالشرقيه او اي حاجه هي في النهايه تسميه لتجمع بتاع شباب الشجره في منطقه جغرافيه في السعوديه العربيه

تعريف موقع الشجره الالكتروني:

هو موقع بالنت قام بتاسيسه الزعيم ياسر عدوي معاه منو والله ماعارف يمكن احمد كابنتن لاني سامع باسمه مربوط مع ودعدوي دايما .... المهم الله يديهم الاتنين الصحه والعافيه

المهم انو مافي رابط بين الموضوعين وماينط لينا واحد يسال عن ياربي حايخلونا ندخل المنتدي ولا حايكون حكر علي ناس الشرقيه لانو الجواب ببساطه انو السائل ماعندو طريقه عضويه لمنتدي او تجمع او اسرة او رابطة او كيان الشجره بالشرقيه مالم يكون من المقيمين بالشرقيه او المنتسبين المقيمين بمناطق السعوديه الاخري لكن بالنسبه للموقع الالكتروني فهو حوش واسع مفاتيحه عند الزعيم ود عدوي وهو الذي يمنع ويسمح ولانو هو زول سمح فدايما مايسمح للناس بالدخول والتواجد والاختلاف والتسامح الله يخليه لينا (شوفتو كسير التلج ده كيف)

انشاء الله الفكره تكون وصلت ياالمنطط عينيك ....

نرجع لموضوع المنتدي (موقع الشجره الالكتروني): المنتدي الحالي والذي قام بتاسيسه الزعيم ود عدوي هو منتدي مجاني من احلي منتديات فاقترح بعضهم في احدي جلسات منتدي الشجره بالشرقيه (منتدي او اسره او تجمع او رابطة شباب وشابات الشجره بالمنطقه الشرقيه) بان الشجره تستحق موقع منفصل يحمل اسمها الكبير ويحمل كل مقومات ومقامات المواقع ومن هنا ممكن يبتدي النقاش .....

قومت نفسنا يافخري ...

منتدي
ابناء الشجره بالشرقيه
الذي يود وبصراحه شديده ...الانقضاض على مجهودات اللمه الكبيره ...غير مبرر...وغير منطقي ...وما عارفين الفهم شنو ...
يعني الناس الفي الشرقيه اولاد شجره براهم ..وباقي الناس اولاد شجره براهم
يعني شنو ..فهم كتر خيرك لغاية هنا يا ياسر...ادينا العندك وانحنا بنتصرف...
والقانون البنظم اولاد الشجره في الشرقيه ...البمنع شنو طرحو في المنتدي لتنظيم العمل مع كل الناس
هل هذا ترفع من البعض على البعض
هل هو ادعاء مفهومية
انحنا كلنا اولاد الشجره ..وهمنا بس تواصل مشروع المفاهيم الغرسونا فيها اهلنا عن الشجره
لانو تاريخ اهلي الربوني عليه ..وما براي معاي كل الناس..ملمومين لانهم اولاد الشجره
انتو يا ناس الشرقيه دايرننا نكون جذر معزولة ..منتدي الشرقيه دا ناس الرياض مشتركين فيهو
ناس جده ممكن يكون جزء منو....ناس الشجره ممكن يتواصلو معاكم
هو الناس بيغلبا تعمل الفي راسا ....تكون كيانات بتريح رغباتا
بالجد المفاجأة ...انو الكلام ده غريب ...
الناس القايمين بالامر عليهم التحدث بصراحة اكثر
الفكره اكبر من ياسر عدوي أو نزار او فلان او علان
لو دايرين ناس الشرقيه كيان خاص بيهم بدون غيرهم ...هنئاً لهم ..
لو دايرين منتدي يلم كل اولاد الشجره معاهم ....فهم اولاد الشجره زيهم زي اي زول
المهم ...دايرين رد واضح