الكــــــــــــرســــــــــي الســــــاخــــــــــــــــــن

بصراحه اول مره ادخل هنا وطبعا ما غريبه اني لقيت كلام جميل وفوائد جمه لانو يكفي الفكره شرفا ان صاحبها المبدع دوما ابوسيد وبنقول للاستاذه اجابات مائه بالمائه وصراحه وشفافيه منقطعة النظير

والله يا الطيب كرسي رائع
لكن اتمنى ما اقعد فيه عشان زرزرة نعمات
والتحية للعملاق صلاح خلف مع وافر تقديري واحترامي واشتقنالك والله

الأستاذة الفاضلة نعمات تحياتي لشخصك الكريم وأخونا سمير والذي نتعشم ونتمنى انضمامه لهذا المنتدى وشكراً على حرارة الترحيب وكثير اعتزاري عن الغياب عن أهلي وإخوتي في المنتدى ولكن يعلم الله إنها ظروف العمل الضاغطة ولاشيء عداها
على العمو م ردك أثار كثيراً من كوامن الشجن في نفسي فرغم بهاء المنصب وروعة المكان وبريستيج الوظيفة في الوزارة ومكاتفة علية القوم من وزراء وتنفيذيين وغيرهم هنا إلا إنني أحن إلى حصة بطبشيرة بيضاء في مدرسة من مدارس الشجرة أحن إلى أصوات تلاميذي وانا أهديهم بعضاً من العلم والتوجيه أحن إلى غبار الطباشير وأنا أمسح السبورة لأملأها بما يملأ عقل صغاري من الطلاب أحن أيام نديات وإلى أفزاز العقول أمثال سامي احمد طه وهاجر سليمان طه وندى النجومي وحسن ود ست آمنة وبلقيس محمد عبد الباسط وسها محمد هلال وود الإشلاق عبد الحميد تيسو ورشا سالم وغيرهم من العباقرة الذن خانتني الذارة والعمر من تذكرهم
نخرج ‘اى حث لانحن ولكنها لقمة العيش والأرزاق ويظل التدريس رسالة لن تمحى من العقل والذاكرة

الكــــــــــــرســــــــــي الســــــاخــــــــــــــــــن - صفحة 2 12734177551

الأخ حاكم نتمنى الجلوس على كرسينا الساخن والاستعداد للرد على أسئلة الاخوة الاعضاء..
وطبعاً ذي ما انت عارف أول حاجه البطاقة الشخصية ..
وبعدين تورينا قصة كامبوس .. وعبد المجيد حعفر .. santa

عثمان بشير كتب:: بصراحه اول مره ادخل هنا وطبعا ما غريبه اني لقيت كلام جميل وفوائد جمه لانو يكفي الفكره شرفا ان صاحبها المبدع دوما ابوسيد وبنقول للاستاذه اجابات مائه بالمائه وصراحه وشفافيه منقطعة النظير

بزيارتك البوست نور أخي عثمان بشير وسعدت كثيراً بطلتك علينا.. وخليك جاهز الدور جايك عشان تجلس على الكرسي الساخن .. عشان بعدين ما تقول لي مسافر الصين ولا القاهرة
.. Laughing

لك كل الود

أبوسيد كتب:: الأخ حاكم نتمنى الجلوس على كرسينا الساخن والاستعداد للرد على أسئلة الاخوة الاعضاء..
وطبعاً ذي ما انت عارف أول حاجه البطاقة الشخصية ..
وبعدين تورينا قصة كامبوس .. وعبد المجيد حعفر ..

انا جاهز وفي اصعب الاوقات لاي سؤال
حتي عن كامبوس
وارفض الاجابة في هذا الوقت عن التاني

والله يا ابو سيد الاسماعلية بقت بعيدة بعد تلاتة ايام حتي تصل واحتمال ما تصل مع المغصة دي
اما اخونا حاكم قال جاهز والله لا بنسألك عن كامبوس ولا عبد الحميد لكن بنسألك اتغلبتو ليييييييييييي
او الاسباب الفنيةلهزيمة الهلال يا كوتش ده السؤال الاول ؟؟؟
السؤال الثاني انتو شردتو ويييييييين....؟؟؟؟؟؟
وبقول ليك احسن الله عزاءنا وعزاؤكم ولنا في الكونفدرالية لقاء

اخونا حاكم وبعيدا عن اى مؤثّرات ...اذا قالوا ليك لاعب من المرّيخ تتمنّاه ان يرتدى الشعار الازرق
فمن هو يا ترى هذا اللاعب ... ووضّح لينا الامنية دى كانت من زمان ولا بعد مباراة الاسماعيلى
الاخيرة ؟؟؟

عادل طه محمد طه كتب:: والله يا ابو سيد الاسماعلية بقت بعيدة بعد تلاتة ايام حتي تصل واحتمال ما تصل مع المغصة دي
اما اخونا حاكم قال جاهز والله لا بنسألك عن كامبوس ولا عبد الحميد لكن بنسألك اتغلبتو ليييييييييييي
او الاسباب الفنيةلهزيمة الهلال يا كوتش ده السؤال الاول ؟؟؟
السؤال الثاني انتو شردتو ويييييييين....؟؟؟؟؟؟
وبقول ليك احسن الله عزاءنا وعزاؤكم ولنا في الكونفدرالية لقاء

السؤال الاول:
هم سببين بكل بساطه صلاح ادريس والكابوس كامبوس
السؤال التاني :
نحن في الشدة بأس يتجلى

مجدى ابوعبدة كتب:: اخونا حاكم وبعيدا عن اى مؤثّرات ...اذا قالوا ليك لاعب من المرّيخ تتمنّاه ان يرتدى الشعار الازرق
فمن هو يا ترى هذا اللاعب ... ووضّح لينا الامنية دى كانت من زمان ولا بعد مباراة الاسماعيلى
الاخيرة ؟؟؟

والله ياابو عبده انا بحب فيصل العجب جدا وكنت من اشد المتابعين له من ايام سنترليق 96 اللصعدوا فيه للدجة الاولى مع بري والى الان انا من اشد المعجبين بفصل العجب واتمنى ان بنهي مسيرته الرياضية بالمريخ وليس الهلال لانه اصبح رمز من رموز المريخ

شكرا علي الرد الرائع والبسيط السهل
سؤال :-

ما هو سبب اصرارك علي الغربة علما بأن البلد الخير فيها باسط والرزق متوفر ومجال العمل متوفر وبكل عدل ومساواة في ظل ثورة الانقاذ الوطني المجيده

احييك اخى حاكم وبسال سؤالى ليك وبكل صراحة وبعيدا عن الماديات

اذا كلّفت بملف التدريب فى الهلال ... واعطوك كامل الحرية لاختيار مدرب ويكون العقد طويل المدى
فحدّد لنا هذا المدرب ؟؟

يا حاكم الكرسي ده ما برد انت وين جاوب لينا عشان نشوف غيرك ؟؟؟؟؟؟

عادل طه محمد طه كتب:: شكرا علي الرد الرائع والبسيط السهل
سؤال :-

ما هو سبب اصرارك علي الغربة علما بأن البلد الخير فيها باسط والرزق متوفر ومجال العمل متوفر وبكل عدل ومساواة في ظل ثورة الانقاذ الوطني المجيده

انا عايز اسافر لانو الشغل هنا كتييييييييييييييييييييييييييييييييييييييييييييييييييييييييييييييييييييييير ومتوفر وانا عايز ارتاح حبه من الشغل الماملحق بعضو يعني ارتاح لي كم سنة كدا

قلت لي الطيارة فيها بوري

مجدى ابوعبدة كتب:: احييك اخى حاكم وبسال سؤالى ليك وبكل صراحة وبعيدا عن الماديات

اذا كلّفت بملف التدريب فى الهلال ... واعطوك كامل الحرية لاختيار مدرب ويكون العقد طويل المدى
فحدّد لنا هذا المدرب ؟؟

[right]شكرا الاخ مجدي على السؤال في الوقت الحالي الهلال يحتاج الى رئيس اكتر من المدرب
المدرب الحاختارو وبدون لف هو الفاتح الريشة بمعاونة طارق احمد ادم وفي ادارة الكرة الكابتن احمد ادم بمعاونة السادة الى حين انتهاء المفاوضات مع (كروجر) والله الزول دا انتو دقستو فيهو دقسة كبيرة

اهل مكة ادرى بشعابها واختيارك للريشة مع احمد آدم فيه جانب كبير من الصواب ..
حكاية كروجر والذى اعتبره من المدربين القلائل الذين كانت بصمتهم واضحة للعيان
فنحن ما دقسنا لانه جايينا تانى وانا برشح لبكم رادان .

مجدى ابوعبدة كتب:: اهل مكة ادرى بشعابها واختيارك للريشة مع احمد آدم فيه جانب كبير من الصواب ..
حكاية كروجر والذى اعتبره من المدربين القلائل الذين كانت بصمتهم واضحة للعيان
فنحن ما دقسنا لانه جايينا تانى وانا برشح لبكم رادان .

انسى بس كروجر دا تاني مابجيكم(ولدنا)

الدعوة القادمة نوجهها للأخ الحبيب ورفيق الدرب في جامعة القاهرة فرع الخرطوم...

الغالي المبدع دوماً عادل طه... ألف وسمسمية... Basketball

فهل تفضلت أخي عادل بتقديم بطاقتك الشخصية ثم الاستعداد للرد على أسئلة الأعضاء الكرام..

ويا حاكم الفرصة جاتكم لحدي عندك
lol!

لكم جميعاً كل الود

بسم الله والصلاة والسلام علي اشرف خلق الله اجمعين
وبعد
الاسم :- عادل طه محمد طه
المهنة :- حاليا مدير علاقات عامة رئاسة الجمهورية - سابقا ضابط شرطة ومحامي
السكن :- الحماداب شمال مربع 2 منزل 19
الحالة الاجتماعية :- متزوج من بنت خالي سارة محمد عثمان ولنا ثلاثة بنات امورات - رقية 5 سنوات - ورغد 3 سنوات - ورناد سنة
الهواية : - الرياضة بصورة عامة وكرة القدم بصورة خاصة - ومريخابي منذ النشاة
الشهادات الجامعية :- دبلوم كلية السجون - لسانس قانون جامعة النيلين - ماجستير قانون جامعة الزعيم الازهري
بس انا ما شايف الكرسي مافي يا الطيب انا واقف علي كرعيني عاوز اشوف الكرسي

في البداية نحي استازنا المبدع عادل طه
ونشكره لتفضله بلجوس في الكرسي الساخن
ويا الطيب جيب الكرسي بسرعة ماديرن استازنا يقف كتير
وبسم الله نبدا الاسئلة
السؤال الاول. لمازا لم تزكر جماعة الحلة الجديدة
السؤال الثاني .المعروف انك كنت مدير علاقات وكالت سفر
علي المصري لم تزكرها في السيرة الزاتية
وماسبب ترك الوكالة ولك الشكر

الكــــــــــــرســــــــــي الســــــاخــــــــــــــــــن - صفحة 2 12739026631

ودا الكرسي ياعادل طه.. ومريخابي كمان.... أقعد وأخد راحتك

وينك يا حاكم Basketball

الكورة في ملعبك lol!

في البداية نحي استازنا المبدع عادل طه
ونشكره لتفضله بلجوس في الكرسي الساخن
ويا الطيب جيب الكرسي بسرعة ماديرن استازنا يقف كتير
وبسم الله نبدا الاسئلة
السؤال الاول. لمازا لم تزكر جماعة الحلة الجديدة
السؤال الثاني .المعروف انك كنت مدير علاقات وكالت سفر
علي المصري لم تزكرها في السيرة الزاتية
وماسبب ترك الوكالة ولك الشكر

شكرا اخي جمال علي الاسئلة ولك الاجابة :-
اول جماعة الحلة الجديدة بقو قديمة وانا عندي جماعتي بساوي لي كل الحلة الجديدة وكل الدنيا
انا كنت مدير وكالة الخواض للسفر والسياحة التابعة لعمنا علي وسبب عدم ذكرها في السيرة الذاتية يرجع الي نسيانها فقط وتركتها لي صاحب النصيب وهو ذاتو تركها لصاحب الوكالة

اولا ياعادل عايزين نعرف حكاية الرابطة
ثانيا عايزين نعرف المنافسة الكانت بينك وبين صلاح حبيبة كانت في شنو؟

احيى اخى الحبيب الصافى عادل طه... وبسال سؤال خفيف
هب انك ما زلت مغترب خارج الوطن ..واذا كنت امام لمسجد وخطبة الجمعة القادمة
اوكلت اليك ..ما هو الموضوع الذى ستتطرق اليه اى ما عنوان الخطبة ..

شكرا لك اخي حاكم
اما موضوع الرابطة انا لعبت في الرابطة مرة واحده ولمدة دقيقة واحده وكانت المباراة بين فريقي فرع الهلال والهدف وانا كنت لاعب لبرو واول ما الحكم صفر ناس النص لعبو الكورة في اتجاهي وكان جاري وراها ابراهيم ابوتلة مهاجم الهدف الخطير وانا من الخوف بيضت الكورة وابراهيم شالها ودخلها قون قام المدرب عبد الاله غيرني طوالي بالاعب عادل عجورة والمباراة انتهت 13/ 1
قال لبرو قال
اما صلاح حبيبة البيني وبينو ماضي انتهي بخيرو وشرو وله تحياتي واشواقي وهو اكبر من يألف كذبة في العالم

احيى اخى الحبيب الصافى عادل طه... وبسال سؤال خفيف
هب انك ما زلت مغترب خارج الوطن ..واذا كنت امام لمسجد وخطبة الجمعة القادمة
اوكلت اليك ..ما هو الموضوع الذى ستتطرق اليه اى ما عنوان الخطبة ..

شكرا اخي مجدي علي السؤال ونسأل الله ان يجعلنا من الذين يتعلمون القرآن ويعلمونه من حفظ وتجويد وفهم لجميع معانيه ويجعلنا من يستمعون القول ويتبعون احسنه ويستجيب ربنا لدوعتي اللهم اشرح ليصدري ويسر لي امري واحلل عقدة من لساني يفقه قولي ونسأله ان يعلمنا سيرة نبينا وحبيبنا محمد (ص) والخلفاء الراشدين
اما الموضوع الذي سوف اختاره هو التوحيد لان توحيد الله سبحانه وتعالي من اهم الاعمال التي يقوم يها المسلم وتوحيد الربوبية والاولوهية لله وحده من اعظم الاعمال التي تقربنا الي الله والموضوع طويل ولو هنالك فرصة لكنت عملتها خطبة جمعة عديل كده

عادل طه محمد طه كتب:: والمباراة انتهت 13/ 1

يعني كم كم يا عادل والغالب منو ؟؟!! Basketball

والله 13/1 دي قريبه من ألف وسمسمية...
lol!

الأخ العزيز عادل طه... لك كل الشكر والتقدير للرد على أسئلة الأخوة والأخوات الأعضاء....
ومازال الباب مفتوح لتوجيه الأسئلة للأخ عادل طه..

ويا عادل عايزك من الأن تفكر وتمخمخ كويس وتختار لينا العضو المفروض يقعد بعدك على الكرسي الساخن..

لك كل الود

يا الطيب انا اقول الدقيقة الاولي مغلوبين واحد وفريق الهدف وبديلي عادل عجورة معقولة بس ؟؟؟ طبعا غلبونا 13 / 1 وهدفنا سجلوا ياسر سمارة

شكرا اخي الطيب علي الاستضافة الكريمة شكرا اخوتي علي الاسئلة
وانا من جانبي ارشح اخي جمال احمد اسحق للجلوس في الكرسي

يا الطيب معليش كلم لينا استاذعادل يكتب العمر في البطاقه بتاعتو

اخي عثمان بدون الطيب انا ارد ليك انا دفعت علي فرحات وهارون ومعاوية من الله وفخري عبد الجليل بعد كده احسبها براك وديل كلهم انا اصغر منهم بي سنة

يا الطيب شفت جنابو ده براوغ كيف والله كرسيك ده بالطريقه دي حيبقي بارد ما ساخن رجعو لينا الاستاذ ده خليهو يكتب لينا عمرو في البطاقه

حبيبنا الغالى ود الغالين ابو سيد
ارجو منك تجهيز كرسى وثير شوية لان اخونا جمال شكلو حا يطول فى الجلوس
من التاتاة الكتيرة لذلك وثّر الكرسى على بال ما يسخّن حبيبنا جمال ابو رغد .

يا ابو سيد الكرسي ده ما خلاص بقي اسكريم واخونا جمال منتظر ونحن منتظرين ؟؟؟؟؟؟

الاسم جمال احمد صالح احمد اسحق

مكان الاقامة بالسودان الري المصري العنابر

مكان الاقامة الحالي السعودية الرياض

الحالة الاجتماعية متزوج من ابنة عمي محي الدين وديدي ولدي بنت امورة رغد

االهواية كرة القدم وبعشق المريخ كعشقي للشجرة يعني مريخابي حتي النخاع

المهنة مدير ادارة برج السرمد السكني لطالبات جامعة الملك سعود
هاانذا استجيب لدعوتك اخي ابو السيد اتمني ان تكون الاسئلة سهلة اين الكرسي طال انتظاري

الأخ الحبيب جمال .....
لك ارق التحايا على هذه الاستجابة....
ونتمنى أن تكون الأسئلة خفيفة الظل عليك...
وتفضل بالجلوس حتى يتم طرح الاسئلة من قبل الأعضاء الكرام...

لك كل الود

الكــــــــــــرســــــــــي الســــــاخــــــــــــــــــن - صفحة 2 12744373811

اخي جمال لك التحية
السؤال الاول :-
ماهو السبب الرئيسي الذي دعاك للغربة ؟؟
السؤال الثاني :-
ماهي اول سفرية لك خارج السودان واصف لنا شعورك وانت تغادر السودان الي هذا البلد ؟؟
السؤال الثالث :-
هل حبيت قبل الزواج ؟؟
السؤال الرابع :- علاقتك بكرة القدم كلاعب يعني تاريخك في ملاعب كرة القدم ؟؟؟؟
السؤال الاخير :-
ما هو اول عمل لك في حياتك ؟؟ وانت طالب ؟؟؟

وشكرا لك

عندي سؤال واحد بس
ليه مسمنك نمله (جمال نمله )

الاخ عادل لك التحية

في حضرة جلالك يطيب الجلوس ولكن كيف لي ان اجلس في هذا الكرسي اني
اشتم رائحة الفسيخ في الكرسي انت ياابوالسيد اوع تكون بتبيعو في السعودية كمان عذرا اخي انا
مجبر ان اقف منتصبا وارد علي اسئلتك
السؤال الاول الغربة سافروا فان في الاسفار خمس فوائد تفرج هم واكتساب معيشة
تغربت من اجل تحسين الوضع وليس حبا في الغربة مع ترديدي يوميا قول الشاعر
بلادي وان جارت علي عزيزة واهلي وان ضنوا عليا كرام
السؤال الثاني اول سفرية كانت لقاهرة المعز من اجل السياحة لذا كنت سعيدا ولم اشعر
بالغربة والمعاناة التي نعيشها في بلاد الغربة
السؤال الثالث هل احببت قبل الزواج نعم وقصة حب جميلة مازالت مطبوعة في الذاكرة
واذا سالت في الحلة الجديدة ستلقي الخبر اليقين
السؤال الرابع كرة القدم كنت من افضل اللعيبة الذين يشارون اليهم بالبنان وميدان الشجرة
تقر لي بذلك وايضا اخواني العاصروني في ذاك العصر
السؤال الخامس اول عمل وانا طالب طالما العمل عبادة عملت في اعمال كثيرة اذكر الطلبه وحمل القدح
ولك تحياتي اتمني ان اكون قد وفقت في ردودي لك

الاخت غادة لك التحية والتقدير

اختي في حلة الغفر بالري كل انسان لديه كنايه وكنيتي النملة وسبب التسمية كنت
في الملعب وسط اللعيبة اقل حجما واحرفهم لعبا لوتعلمين يااختي اللاعب ميسي لاعب
الارجنتين ونادي برشلونه كنت مثله في الحجم واللعب ودافع الغيرة من سيف سلوك لقبني
بالنملة وعسي ان اكون قد وفقت في الاجابة وان خالجتك الشك فاسالي سيف سلوك لك مني كل الشكر

اخى ابو رغد احييك واسالك من هو اللاعب الذى كنت تعمل له الف حساب من جانب الحلة .؟؟

بصرحة بصراحة اخطرلاعب في الحلة كن بنعمل الف حساب وحساب انا ورفيق دربي حمام
اللاعب القناص اللاعب الفز ساحر كرة القدم ابوعبدة لانا اهدافو لها طابع خاص
ومنافسة خاصة والملفت للنظر انو لاعب قناص في اي لحظة ممكن يحرز هدف
ويتشبع اللاعب برح المنافسة السمحة لك التحية ايتو

[img]

الكــــــــــــرســــــــــي الســــــاخــــــــــــــــــن - صفحة 2 Image006ag

[/img]

انا لو منك ماكنت غيرته
لانه يدل علي القوة برغم القله

ما عندي مانع اقعد في الكرسي الساخن لكن علي شرط تلقي لي كرسي
يكفيني يابوسيد
هههههههههههههههههههههههه

الاخوان ابوعبدة وعادل الاخت غادة تشرفت
في حضرت جلالتكم واسالتكم لكم مني اطيب التحايا يا اصيلن
ومن جانبي برشح الاخت غادة وبحزركم من الاسئلة لانو الاخت طالبة كرسي ماهل
ومن جانبي بدون روايح ياابو السيد احضر الكرسي المطلوب

اخى الحبيب ابو رغد ...انا اقترح ان يتم تاجيل جلوس اختنا غادة الى حين وان تقوم بالجلوس
اختنا الاستاذة امانى سعيد وبعدها على طول اختنا غادة .

الكــــــــــــرســــــــــي الســــــاخــــــــــــــــــن - صفحة 2 Magici13

طلباتك مجابة ياسحرنا
فتشنا طلب غادة وماحصلنا يبدو الاخت غادة كثرة في الكبسة لزلك لبينا طلبك وتحولت الدعوة للاستازة اماني

غالينا الحبيب دوما ابو سيد ...يلا الباقى عليك شوف ليك كرسى بتاع افوكاتو علشان اختنا الكريمة
امانى سعيد تجلس عليه ويا ريت لو كان الكرسى بى عجلات عشان لو حصلت زنقة امانى تضغط
على الزرار يقوم يتحرك ويفكها من الزنقة ولو للحظات ...يلا يا ابوسيد ورينا همتك وجيب الكرسى .

حرام عليكم والله ما للدرجه دي
لكن استاهل انا
ههههههههههههه

اتفضلي يا اماني سرير كامل ليك

[img]

الكــــــــــــرســــــــــي الســــــاخــــــــــــــــــن - صفحة 2 Michao

[/img]

رايكم شنو
ده بكفيني

[img]

الكــــــــــــرســــــــــي الســــــاخــــــــــــــــــن - صفحة 2 Image006yof

[/img]