سلام شجراب سلام

ااهلاً بالكرام

والجونا داخلين كوم

ناس ضووا البلد

الشجرة والخرطوم

غبت زمان طويل

انا زى طفل محروم

منعتنى الظروف

القاسية والمقسوم

حبيبنا المنتدى

الفيهو خاتى اللوم

كل زول جميل واصيل

انشاءاللة خوَة تدوم

*********

لاحظت الجمال

روادنا صبحوا كتار

غنيت بالفرح

للجانا طلَ وزار

كايسين من زمان

صفحاتنا تبقى مزار

نزرع للشتول

تخضر وتبقى عمار

نجنيه الحصاد

والبذرة تبقى ثمار


الاخوة والاخوات الاحباب , التحية لكم من جديد وانتم ترفلون جميعاً بثوب الحب والجمال والبهاء والود الصادق النبيل.

لقد غيبتنى عنكم طيلة هذة المدة ظروف كانت اقوى من ارادتى , والان عدتُ لاجد هذا النور وهذا العمران الرائع الذى اثلج صدرى وملانى حباً على حب لهذة الارض الطيبة

تجدونى ازددتُ فخراً بكم وبك تواصلكم الجميل من كل بقاع الدنيا الشئ الذى لا اريد له الا ان يكون بهذه الصورة الطيبة

ولكن ليس العبرة فى الكثرة فحسب ولكن العبرة فى الفائدة وحب البعض للبعض والتآلف الذى يؤتى اُكُلة , لذا علينا بالعمل الجميل من اجل ترسيخ اواصر

الاخاء وصقل رابطة العمل من اجل رفعة الشجرة وازدياد نضارها بل وتحديثها والباسها اجمل الاثواب والحلى .

لقد وقفت كثيراً واعتصرنى الم بعض الشئ عندما رايت ان هنالك وخزٌ من إبَر السياسة واختلاف الراى فى اجساد اخوانكم الشئ الذى اقلقنى كثيراً عليكم فكل مااتمنى ان لا تفرق بيننا مثل

هذة الاشياء وان نفرد بيننا دائماً

اجنحة السلام والمحبة وخوفنا على بعضنا البعض حتى يشعر من هو بالصين ان اخية فى السودان يخاف علية ويحمل همة ويشعر من هو فى الخليج ان اخوتة بكندا يحسون بالمه وفرحه

ويشاطرونة ويتفقدون احوالة وهكذا.

ومن هنا احىى كل القائمين على هذا امر هذا الموقع الام ومن قلبى احىى كل من وضع بصمة من الحب والفرح المموسق بدندنات الجمال والروح فى هذه الصفحات, لكم كل الود والحب ودمتم

بخير وعافية ودامت الشجرة العريقة آية لجمال الروح وصدق المعرفة.

التحيه لك أستاذه نعمات وأنت تخطي هذه الكلمات الرائعات وسأذكرشيئاهناليس من باب التعقيب ولكن من باب إتمام الفائده قال تعالي : ‏(ووهبناله من رحمتنا أخاه هارون نبيا) تمعنوا أيها الفضلاء في عبارة(‏ من رحمتنا ‏)‏ فالأخوه رحمةمن رحمات الله إنهاشجرةوارفةالظلال نغذيهابتواصلنا الحميم ونرعاهابنظافةقلوبناونتعهدها بحسن نواياناونسقيهابدعائنالبعض بظهرالغيب فاللهم شفعنافي بعضناوأجعل قلوبناعلي بعضناالبعض ووفقنالفعل الخيردائمايارب العالمين والتحيه لك مجددا أستاذه نعمات

شكراً عزيزى عثمان على المرور وربنا يديم الخوة والمحبة والترابط الجميل ين الناس.

لكى الشكر نعمات
بنرحع للشجرة كماء قال مصطفى سيد احمدلمحتك .. قلت بر أمن
بديت احلم ..
الملم قدرتي الباقية ..
واشد ساعد علي المجداف
تلوح لي .. مدن عينيك
وترفع لي ..منارة بسمتك سارية
وبديت احلم ..
كل ما الريح تطارد الموج
ازيد اصرار .. واحلف بيك
اغير سكة التيار..
واقول .. يا انتي .. يا أغرق
الوح لي مدن عينيك
تلوح لي ..
اخاف الضفة ترجع بيك
قبل الحق ..
اخاف .. غيم المني الشايل
تسوقو الريح ويتفرق
اخاف .. واخاف .. اخاف
واخـــــــــــاف

واشد ساعد علي المجداف
واجيك بي قدرتي الباقية
حطام انسان ..
موسم بي شقا الدنيا
ومقسم قلبو في الاحزان
اجيك فنـــــان ..
أشد اوتاري واحكيلك
حكاية انسان ..
وهب لي سكتك نفسو
ورسم صورتك علي حسو
وربط ساعد علي المجداف
وقــال .. يا أنتي ، يا اغرق
أخاف .. أخاف .. وأخاف
والاقيك يا اماني سراب
مواهبي عليهو تدفق
وأخاف ..
أخاف .. وأخــــاف..

الاخت نعمات نورت بعد الغياب والله لو كنت بكتب شعر ما كان قصرت
لان تواجدك بيذيد الجميع تالق

ناهيك عن التوب الزايدك بهاء

نتمني من الجميع انو يكون الاختلاف الما بفسد الود البينا

اختي انشاءالله اخر الاحزان
العود احمد

aشكراً كتير اخ بابكر والغنيوة حليوة يديك العافية ودوام اطربنا.

اختنا غادة شكراً ليك ياحبيبة ووتسلمى ويسلم زوقك والثوب لو عجبك تتفضلية طوالى مايغلى عليك واللة

يترسل ليك على جناح السرعة , واللة انتو نور المنتدى وبهجتة ربنا يوفقكم ويحفظكم دائماً

وكتر خيرك كتير على المشاطرة والحمد للة ودة حال الدنيا.

مرحبا بك بين بساتين وازهار وجودنا ورحيق التواصل
وشهد المحبه والاخلاص للشجرة
منور بتواجدك معنا ويسعدنا تواصلك معنا بعد الانقطاع
أتمنى تفيد وتستفيد ولا تبخل علينا بمداد القلم وتجربة الزمان وكل المحبة لسامي وسمير وكل الاسرة

تسلم يااشرف وشكراً كتير ومنور انت كمان لينا زمان من طلتك, اللة يديك العافية ويخليهم ليك الحلوين.

اقتباس :

لقد غيبتنى عنكم طيلة هذة المدة ظروف كانت اقوى من ارادتى , والان عدتُ لاجد هذا النور وهذا العمران الرائع الذى اثلج صدرى وملانى حباً على حب لهذة الارض الطيبة

تجدونى ازددتُ فخراً بكم وبك تواصلكم الجميل من كل بقاع الدنيا الشئ الذى لا اريد له الا ان يكون بهذه الصورة الطيبة

اقتباس :

ولكن ليس العبرة فى الكثرة فحسب ولكن العبرة فى الفائدة وحب البعض للبعض والتآلف الذى يؤتى اُكُلة

اقتباس :

لقد وقفت كثيراً واعتصرنى الم بعض الشئ عندما رايت ان هنالك وخزٌ من إبَر السياسة واختلاف الراى فى اجساد اخوانكم الشئ الذى اقلقنى كثيراً عليكم فكل مااتمنى........

السلام عليكم..
مرحب بيك اختنا نعمات..ونورتى منتداك مرة تانيه..
وارجو ان لا تحريمينا من قلمك الذهبى مرة تانية..

الشكر اجزلة لكل الاخوان الطلونا ونورونا هنا وتسلموا كتير على الكلمات الحلوة الجميلة

ربنا يدوم الود والمحنة والمحبة .. الاخت الغالية ايناس احى فيك هذا الجهد البارع ويلا نشد حيلنا ونعمل وربنا معانا شكراً حبيبة.

االسلام عليكم
يا استاذة نعمات وين ماظاهرة فى السودان لسه ولا رجعتى

الابن العزيز والغالى حلبسا:-

واللة مامصدقة انك هنا , كيفك وكيف اخبارك ومشتاقييييييين كتير واللة .

انا رجعت من السودان لكن واللة العظيم انا فى غاية الالم لانه لما مشيت السودان وكنت مصرة اشوفك وعلى حسب وصفك للبيت

مشيت ومعاى اولادى الاتنين قلت لازم يتعرفوا بيك ومشيت فى الدكان المواجه نقطة البوليس فى الشجرة وسالته منك قال لى استنى اوريك ولدى يمكن يكون هو ,ومشيت دقيت الباب جانى ولد شكلة مابيشبهك قلت ليه لا ماهو , المهم الموقف كان مضحك ومحرج لما اولادى ضحكوا على ههههههههههه

المهم كان نفسى الاقيك واشوفك على حسب وعدى وللاسف مافى نصيب انشاءاللة المرة الجاية .

لما القمر الناعس يبسم
ويغمر نوره ويهمس رمل الشاطي الناعس للنجمات بالريد والالفة
ليك بتسافر الف سفينة يا اروع مرفئ
تحياتنا ليك يارائعة

غاده كتب:

الاخت نعمات نورت بعد الغياب والله لو كنت بكتب شعر ما كان قصرت
لان تواجدك بيذيد الجميع تالق

ناهيك عن التوب الزايدك بهاء

نتمني من الجميع انو يكون الاختلاف الما بفسد الود البينا

اختي انشاءالله اخر الاحزان
العود احمد


التحية ليك يا استاذه وربنا يمتعك بالصحة والعافية ودائما وجودك ملحوظ واحب مشاركات لينا هي مشاركاتك

لكن
مع المعزرة اختي غادة
عملتيها ظاهرة شكلك قافلة على توب نعمات
هههههههههههههههههههههههههههههههههههههه
ابوريم ورتاج

ده كلامك ياشرف

كان ادتني ليه ما برجعا
علي قول المصريييييييييييييين النبي ابل (قبل )الهديه
هههههههههههههه

المشكله الوحيده اني ما بعرف البس تياب اتعودت علي العبايات السودا