مــرحــــــب جنابـــو عـوص وداعــــة

مرحــــــــــــــــــــــــــــــــــب بـــك عوص وداعة بيننـــا جــنابو أكيد لك زكريات جميلة مع الشجرة كما انك من ابناء الري سبق ان وجهة لك مناشدة في مدخلة عبر البوست السابق عندما كنت مسئول الدفع المدني ونرجو منك المواصلة ولك كل الحب والتقدير

مليون مرحبا عوض نورت المنتدي

الف مليون مرحب السيد عوض منورالمنتدي

مرحب حبابك ماغريب الديار

اهلا وسهلا سعادك كيف الاهل والاسرة

تعظيم سلام للاخ عوض وداعة اللة

تحية وإحترام أخي الكبير والف مرحب بيك ونورت الدار

أبو التومات كتب:: تحية وإحترام أخي الكبير والف مرحب بيك ونورت الدار

والله يارافع الله يديك العافية ويحفظ التومات طبعا قعدت اتذكر انه عمنا الحاجحاكم عنده ولداسمه رافع والله لقيت روحى انا زول قديم خلاص طبعا ما داير اقول ليك كبير قلت قديم اشكر لك ترحيبك بى وانشالله نقدر نتواصل ولنعيد الماضى تحت ظل هذه الشجرة

مرحبابك اخونا الحبيب البسيط بساطة حلةالغفراء عوض وداعة الله حسين ابوشام ارجو من الذى رفع السموات بلاعمد ان يجمعنا فى المودة والخير وحب الشجرة....

الاخ العزيز عوض وداعة الله
لك كل الاحترام والشوق
سعادتك كتبت اليك منذ فترة طالب منك تذكر الحباب من اولاد الشجرة الذين درسوا فى الكلية القبطية بنين وبنات ومدرسة جمال عبد الناصر والانجلية
كان هناك بص يجمع الكل ذكرت لك بعض الاشخاص ولكن بكل اسف نسيت اخ حبيب الى قلبى انسان احمل له كل الحب وهو الاخ يسكلو له منى التحية الاخوية
اخى عوض مرت سنوات كثيرة لم نلتقى لهجرتنا للخارج
ارجو ان نتواصل عبر المنتدى حتى نتلقى
اخوك سامى عثمان

سامى احمد عثمان كتب:: الاخ العزيز عوض وداعة الله
لك كل الاحترام والشوق
سعادتك كتبت اليك منذ فترة طالب منك تذكر الحباب من اولاد الشجرة الذين درسوا فى الكلية القبطية بنين وبنات ومدرسة جمال عبد الناصر والانجلية
كان هناك بص يجمع الكل ذكرت لك بعض الاشخاص ولكن بكل اسف نسيت اخ حبيب الى قلبى انسان احمل له كل الحب وهو الاخ يسكلو له منى التحية الاخوية
اخى عوض مرت سنوات كثيرة لم نلتقى لهجرتنا للخارج
ارجو ان نتواصل عبر المنتدى حتى نتلقى
اخوك سامى عثمان

الاخ العزيز سامى
لك التحية والتقدير والاشواق وسعدت ان استعيد ذكريات العمر عبر هذا المنتدى واشكر لك تحباتى وترحيبى بشخصى ويا لها من ايام جميلة ولقد علمت من خلال المنتدى بالفاجعة التى المت باسرتك بفقدك لنجلك اقول لك احسن الله عزاؤك وجبر كسرك واجارك فى مصيبتك وابدلك خيرا منها واهدى لك قصة العبد الصالح مع سيدنا موسى واسال الله ان يبدلك خيرا زكاة واقرب رحما. اما سؤالك عن الزملاء فياسكلو قد عاد من سنوات من الاغتراب بالسعودية واستقر بالكلاكلة فلك تحياتى ولا تحرمنا من اخبارك. عوض

اخى الكريم
اشكرك على الشعور الطيب واسأل الله ان يجيرنى فى مصيبتى ويخلفنى خير منها
اخى والله واقسم برب الكون عند ظهورك فى المنتدى ما عارف جاء فى خيالى ايام حلوه عند تجمعنا بعد الخروج من المدرسة اولاد الشجرة الذين يدرسون فى الخرطوم ذالك البص بقيادة عبده برى وكنا على ما اتذكر
جمال حميده حمش عباس ركس عبده صالح وكبرس واسماعيل وشخصى الضعيف وسامى ادريس (اسماعيل ) وياسكلو واسامة واخوه منير ووفاء وهدى عماره والمرحوم عز الين الضب ونجم الدين اخوه وجميل دنيال والمرحوم مجدى كمبال وفوزية عياد واميمة من الرى اخى عوض والله الذاكره ما نست احد من الاخوان او الاخوات الافاضل لكن الظروف التى امر بها صعبه مما افقتدنى توازنى لذالك لنا عودة مرة اخرى تخريمة عليك الله لو لقيت طريقة سلم على ياسكلو قول ليه سامى مشتاق ليك وربنا يوفقك فى حياتك
اخى عوض سوف نتواصل ارجو ان لا تنقطع تحياتى لك وللاسرة