تاشيرة دخول

موضوع: تاشيرة دخول الأحد 07 فبراير 2010, 4:06 am

لم يجد «محمد أحمد» خيارات أمامه غير أن يسارع بحزم حقائبه ذات ليلة ممطرة، وهو يسابق أشواقه نحو المطار الذي حتما عبره سيصل إلى حيث تهوى نفسه، ويذهب «قلقه» ليبدأ رحلة جديدة مختلفة عن تلك التي مشاها لنحو ربع قرن من الزمان، لاقى خلالها كل صنوف الأذى النفسي،الذي لم يكن ليحتمله لولا «طموحات» بغدٍ أفضل لأسرته التي يريد لها أن تعيش عيشةً كريمةً بحيث لا يعوزها الذهاب إلى المدارس الخاصة، ومعاودة أطباء المستوصفات الخاصة إن ألم بها مكروه، وقد تحقق له هذا، وأفلح في رعاية الأبناء حتى تخرجوا في الجامعات التي لا تقبل عملة غير «الدولار»..!! بل هو مضى خطوات أبعد من ذلك عندما زوج ابنه البكر، ومن بعده ابنته، ولم يبق أمامه غير آخر العنقود الذي تخرج أيضا وامتطى صهوة وظيفة ستحقق له أحلام الجيل الحالي.. ولكن ماذا بعد..؟!

«محمد أحمد» وهو زول سوداني يريد أن يشارك «الناس» أفراحها وأحزانها، وتكون لها «قيمة مضافة» بين أهله الذين أخذته منهم الغربة لنحو ربع قرن كامل من الزمان، وهو مدفوع بهذه المشاعر الإنسانية التي لا تقبل التجزئة، قرر أن يعود إلى وطنه، وطرح الأمر على أسرته التي كبرت، وأصبحت لكل فرد فيها مسؤولية تختلف عن الآخر، وبالتالي لا يوجد من سيصحبه في رحلة العودة غير «مدامه المصون» .. غير أن المفاجأة التي لم يحسب لها حساباً طوال السنوات الماضية أن ترفض «المدام» العودة إلى السودان، بحجة ان الأوضاع غير ملائمة لتوفير حياة «مريحة» !! وهي ذات الحجج التي كانت تسوقها خلال السنوات الماضية، عندما يعاود «محمد أحمد» الحنين إلى معانقة تراب الوطن، كانت تصادر منه أحلامه سريعاً وتذكره بأن مستقبل الأبناء لن يكون سعيدا ان هم عادوا إلى السودان .. ورغم أن الظروف اختلفت فلاتزال «المدام» تصر على البقاء في أرض الغربة..!!

وأمام هذا الواقع سارع «محمد أحمد» بالعودة إلى السودان تاركا «المدام» بصحبة أبنائها تنعم بما تريد، وهو يقول عن نفسه إنه وجد سعادة لم تتوفر له من قبل، فهو ينام باكرا في قريته البعيدة عن ضجيج الخرطوم، ويستيقظ قُبيل أذان الفجر، دون «منبه للوقت» تاركا منزله «الأنيق» الذي بناه بعرق سنوات طويلة في العاصمة الخرطوم «ينعق فيه البوم»..!! وهو يعيش على يقين بأن «المدام» ستعود قريباً، وستسعد بما هو فيه.

قصة «أوجاع» الغربة لم تعُد من سبيل الأحاديث العابرة، بل هي قضية «مشتعلة» في نفوس كثير من الذين يتطلعون إلى عودة، حتى ولو كانت شبيهة بعودة صاحبنا «محمد أحمد».. وربما شهدنا في مقبل الأيام من يقلد القصة حتى ينام مرتاح البال طالما عيونه تكتحل في كل صباح بما يذهب عناء النفس.

وأخيراً نقول لكل ابناء الشجرة بالخارج بلادك حلوه ارجع ليه

موضوع: رد: تاشيرة دخول الأحد 28 فبراير 2010, 1:59 pm

مالك علينا ياخ يييييي ... cherry

والله نحنا مني عيننا نغمض ونفتح نلقي روحنا في سوق الشجرة وللا في البحر وللا في المركز وللا في الحماداب وللا وللا وللا.. .... غايتو ...!!!! الله يسهل

متين يالله نرجع للبلد ؟ طولنا من ارض الحنان
يا حليل بلاد وادي النخيل العالية تتحدي الزمان

يارب يسر طريق العوده لكل ابناء الشجره واجمعهم تحت ظلالها الوارفة
اكلها دااائم وظلها.... اصلها ثابت وفرعها في السماء
اللهم واصلح احوال البلاد والعباد وولي امرها لمن يخافك وينشر العدل ويعطي كل ذي حق حقه

مسافر مسافر وفاقد دليل اظنك عرفت هموم الرحيل

موضوع: رد: تاشيرة دخول الخميس 04 مارس 2010, 3:07 am

والله وبصراحة وبدون مجاملة انتوا ناس فاهمين
وكلامكم رائع , ولوحتكم جميلة
يديكم الف الف عافية وكتر الله خيركم

موضوع: رد: تاشيرة دخول الخميس 04 مارس 2010, 7:49 am

لاتأخذكم العاطفه فى الرجوع الى الوطن الرجعه عايزه حسابات دقىقه كلنا بنحب الوطن ولكن اصبحت مسئولياتنا تجاه انفسنا ومن حولنا هى المجرك الاساسى لكل شئ ولو ماكده ما كنا اتغربنا

موضوع: رد: تاشيرة دخول الخميس 04 مارس 2010, 7:52 am

اخونا رافع انت بالذات ماترجع قال البحر والحماداب وحاتفضل طول عمرك معذب

موضوع: رد: تاشيرة دخول الخميس 04 مارس 2010, 11:43 am

هوي يالمغتربين ايناس دي للماعرفين مغتربة في مدني عشان كدة حانة للشجرة اقعدو اسمعو في كلاما دا وتعالو واللة نشفوفكم بعد اسابيع شايلين حجاركم وبتفلقو والمامصدق يسال تيرف اهو جرب

موضوع: رد: تاشيرة دخول السبت 06 مارس 2010, 10:26 am

اشرف تيرف كتب:: اخونا رافع انت بالذات ماترجع قال البحر والحماداب وحاتفضل طول عمرك معذب

تعرف فتحته لي بوست قبل ما أقراء الرد بتاعك ده
تاشيرة دخول 6923_11267517451

[/URL][/img]

إنت لسة مابطلته ؟؟؟!!!

موضوع: رد: تاشيرة دخول السبت 06 مارس 2010, 10:29 am

اسامه غاندي كتب:: هوي يالمغتربين ايناس دي للماعرفين مغتربة في مدني عشان كدة حانة للشجرة اقعدو اسمعو في كلاما دا وتعالو واللة نشفوفكم بعد اسابيع شايلين حجاركم وبتفلقو والمامصدق يسال تيرف اهو جرب

والله يا إيناس ماكنت قايلك حاقدة كده ؟؟؟

أرجعي إنتي أول Very Happy

موضوع: رد: تاشيرة دخول الأحد 14 مارس 2010, 5:10 pm

اريدكم وردتَ ذراتو

وريد ذراتو فى دمى

واحب فى ريدو آهاتو

عشان اهلى وابوى وامى

بلد بهواه لذاتو

وبعزو الفيهو ود عمى

بفاخر بيهو ياحلاتو

عشان لو جيتو سيد همى

اقع فى حضنو واشكيلو

محال تلقانى ليه ارمى

احبتى الوطن ....الارض...الام.... ماذا قبلة وماذا بعده

مهما تالمنا من وضعة ومهما ذرفنا الدمع من التقصير منه تجاهنا ومهما تشردنا سيظل هو الملاذ بكل احواله

فنحن له ...حبنا له ولمن فية مشى يوماً نسال اللة ان يصلح حالة ونزهو ونتباهى بوضعة امام الدنيا والعالم وتتحقق كل الاحلام ...فقط الدعاء لة ولكم ولنا.

موضوع: رد: تاشيرة دخول الإثنين 15 مارس 2010, 3:30 am

أبو التومات كتب:

اسامه غاندي كتب:: هوي يالمغتربين ايناس دي للماعرفين مغتربة في مدني عشان كدة حانة للشجرة اقعدو اسمعو في كلاما دا وتعالو واللة نشفوفكم بعد اسابيع شايلين حجاركم وبتفلقو والمامصدق يسال تيرف اهو جرب

والله يا إيناس ماكنت قايلك حاقدة كده ؟؟؟

أرجعي إنتي أول Very Happy

انا رجعت للشجرة الحبييه فى انتظار بقية الطيور المهاجرة

موضوع: رد الإثنين 15 مارس 2010, 3:54 am

يا رافع اسمع كلام تيرف عشان ما تحوم زى ناس فى العفراء وبعدين ايناس دى لما ترجع من الاغتراب المحلى حقو تتكلم بعد داك

موضوع: رد: تاشيرة دخول الإثنين 15 مارس 2010, 7:05 am

اسامه شايفك الايام دي طوالي في النت ودوك النظام العام ولا شنو وين صاحبك الوحيد

موضوع: رد: تاشيرة دخول الإثنين 15 مارس 2010, 6:49 pm

يادرزي علاقة النت بالنظام العام شنو0عموما انا ودوني المطافي كيف ليك ياحبيبي

يا يمه كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر
والله لو ما بنقبل ما كان بفارقك بى شبر
يا يمه دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر

لك التحية دوماً أختي الغالية ايناس وكم نحن مشتاقون للعودة لأحضان الوطن الحبيب ولسماحة اهلنا الطيبين
سألين الله العلي القدير أن يرد غربة كل غائب إلى وطنه سالماً غانماً

موضوع: رد: تاشيرة دخول الخميس 25 مارس 2010, 10:04 pm

الاخت العزيزه ... ايناس
قال عمدتنا ودعبدالله ودالديم: الخرطوم جئتها امشي علي شوقي لها ... لقيت حجرها يفوفي ...
فما الوليدات فيها ناس نجومي ومحبس النفس الرهيف ... ولاالبنيات النسيمات الهفيف .... طلع كلو فالصو

خلينا غرباء احسن ؛ اما بيت البكا ده ف"اجتنبوه"

موضوع: رد: تاشيرة دخول الأحد 28 مارس 2010, 7:29 am

كلمات رائعه اختي ايناس وكيف عامله مشتاقين

موضوع: رد: تاشيرة دخول الأحد 28 مارس 2010, 9:53 am

الجميع بيتمنو يرجعوا يا ايناس لكن الاحوال صعبه والله يصلحا
المشكله انو الواحد يجي يلاقي القاعدين زاتم بقو مغتربين
انا من جيت بلاقي اخواني بعد الساعه 12 طشاش طشاش
ومافي زول لامي في رفيقو
يعني حتي الجوه بقو مغتربين من بعض والله يهون

اجيكم مانى زاير اريت رزقن يغرب سيدو طاير
يسوقنى الشوق
اجيكم والحنين كاسحبى سيلو
الاقيكم قليبى يبل غليلو يضوق فرح السنين الهدو حيلو
سنين محسوبه من غيركم خساير
يسوقنى الشوق

اسامه غاندي كتب:: هوي يالمغتربين ايناس دي للماعرفين مغتربة في مدني عشان كدة حانة للشجرة اقعدو اسمعو في كلاما دا وتعالو واللة نشفوفكم بعد اسابيع شايلين حجاركم وبتفلقو والمامصدق يسال تيرف اهو جرب

والله يا اسامة واشرف الله يجازيكم قطعتوا قلبنا قربت اغير راي من الاجازة

اسامه غاندي كتب:: هوي يالمغتربين ايناس دي للماعرفين مغتربة في مدني عشان كدة حانة للشجرة اقعدو اسمعو في كلاما دا وتعالو واللة نشفوفكم بعد اسابيع شايلين حجاركم وبتفلقو والمامصدق يسال تيرف اهو جرب

اهااااااااااااااااا يا اسامة قصدك انو تيرف جنه يعنى وبقي يجدع بالحجار
الكلام دا كيف يا تيرف (قالو قالو عليك شقى ومجنوووووووووووووووووووووون)

أبو التومات كتب:: مالك علينا ياخ يييييي ... والله نحنا مني عيننا نغمض ونفتح نلقي روحنا في سوق الشجرة وللا في البحر وللا في المركز وللا في الحماداب وللا وللا وللا.. .... غايتو ...!!!! الله يسهل

لك الاخ ابو التومات اهدى

يا طير يا ماشي لى أهلنا
بسراع وصل رسايلنا
والشوق ما تنسى ياطاير لكل البسألك عنا
قوليهم على عهدي ما زلنا ومازلنا
ذكراهم أنستنا مشاغلنا
كيف حال بستانا وخمايلنا
وبكرة نجمع شمايلنا
*******
أنا في انتظارك يا طاير
انا راجي
وصل رسايلك ياطاير
أطرى المشاغل
وافرد جناحك ياطاير
على داري
قبال تعود لازم تروح لي تاني مره
ماتنسى زول في الحله إلا تسلم عليهو وتبوس إيديهو

بكري جنجة كتب:: متين يالله نرجع للبلد ؟ طولنا من ارض الحنان
يا حليل بلاد وادي النخيل العالية تتحدي الزمان

يارب يسر طريق العوده لكل ابناء الشجره واجمعهم تحت ظلالها الوارفة
اكلها دااائم وظلها.... اصلها ثابت وفرعها في السماء
اللهم واصلح احوال البلاد والعباد وولي امرها لمن يخافك وينشر العدل ويعطي كل ذي حق حقه

سافر مطارات الوداع ..
ضجة قدامك وراك ..... وسماك غناي
مساحات الأسى الفي عيونا ..
تتفجر مدينة وناي ..
بطاقات دعوة الرجعة ..
تساب عينين من الفرحة ..
دموع للحاضرين فجة ..
زغاريد غطت الدنيا ..
وعاد فرح الرجوع منية ..
صداك الريف ... ومن السنبل الغناي

بشارة عبده كتب:: والله وبصراحة وبدون مجاملة انتوا ناس فاهمين
وكلامكم رائع , ولوحتكم جميلة
يديكم الف الف عافية وكتر الله خيركم

الا باكر لما ترجع ،

أنا بحكى ليك عن الحصل ،

وعن بعد المسافة وقربها

ولمن يفارق زول عيون

غاليات عليهو كتير خلاص وبحبها

والله أحكام يا قدر

والله أحكام يا مسافة ويا سفر

اشرف تيرف كتب:: لاتأخذكم العاطفه فى الرجوع الى الوطن الرجعه عايزه حسابات دقىقه كلنا بنحب الوطن ولكن اصبحت مسئولياتنا تجاه انفسنا ومن حولنا هى المجرك الاساسى لكل شئ ولو ماكده ما كنا اتغربنا

ويظل السودان ....
وطنا البيسموا كتبنا ورطنا ....
بلد حدادى مدادى ...
مابنبنيهو فرادى ...

nimat mohamed salih كتب:: اريدكم وردتَ ذراتو

وريد ذراتو فى دمى

واحب فى ريدو آهاتو

عشان اهلى وابوى وامى

بلد بهواه لذاتو

وبعزو الفيهو ود عمى

بفاخر بيهو ياحلاتو

عشان لو جيتو سيد همى

اقع فى حضنو واشكيلو

محال تلقانى ليه ارمى

احبتى الوطن ....الارض...الام.... ماذا قبلة وماذا بعده

مهما تالمنا من وضعة ومهما ذرفنا الدمع من التقصير منه تجاهنا ومهما تشردنا سيظل هو الملاذ بكل احواله

فنحن له ...حبنا له ولمن فية مشى يوماً نسال اللة ان يصلح حالة ونزهو ونتباهى بوضعة امام الدنيا والعالم وتتحقق كل الاحلام ...فقط الدعاء لة ولكم ولنا.

شــوفـي الــزمـــن يــا يــــمــه ســاقـــــنـي بعيد خلاص
دردرني واتغـربـت واتــبـهــدلــت يـمه وريني الخلاص
ســاقــنـي الــقــدر مــنـك بـعيد لآذيا كاس جرعني كاس
يا يمه يا فـيـض الـحــنـان الـمـا كــمــل يا يـمـه يا بـدري الـبـشــع دايــمـاً يـهـل
يا يمه يا نور الصباح وكتين يطل وآشري يا زينوبة ولدك في بحور الشوق كتل
محـروم مـن الحـب والمحـنة وراك همـل يا يمـة يا بحـر المـودة وكـتـيـن يفيض
يا يمة يا شـعـلــة أمـل زادت ومـيــض يا يمة يا عـنـقــود كـلام مـنـظـــوم قصيد
يـــــــا يــــــــــمـه يـــا نـغـمـاً حـنــيــن بـالـشـــــوق يرن
وأفــكــاري فـيــهـو بـــيــرتــعــن دمـعـــاتي شانو بينزلن
واتــــذكـــرك يــا يـمــه فـي الـدغــش النـسـايـمـو يهبهبن
قـايمي الـصـباح مـتـكـفـلتي شـايـلي الحلـيلي علي المراح
والـــســــــاعة ديــــــك يــــــا دوب ديــكــنــا بدأ الصياح
والـطــيـر صــغــاروا يـغــردن جـبـتي الـلـبن بي انشراح
واتــذكــــــــــرك يا يــمـــه في وكـــــــــــت الـهـجـــــــيـر
صـالـــيــــــــاك نـــار الـــدوكـي عــســتــيـــلــــــنا الفطير
رشـــيـــــــــــتـي قـلـــــتـي أكـلــــــوهــــــــــــــو خــــــيـر
واتــذكــــرك يـا يـــمــه يا بـســـمـــة الطــــفـل الـغـــــرير
وكـت الـخــلــوق تـرقــد تنوم وأسهر براي أرعي النجوم
والــــشـــوق يـــرف جــنــحــيــهــو بـي فــوق لي يحوم
وأهــتــف بــاسـمـك فـي الخيال طيفك كمان بي فوقي جال
وأتــمــنـي لـو لـحــظـات يــــدوم لــكــني فجأة ألقاهو زال
واتـــذكــرك يــا يــمـه ســـاعــة الــنــاس يـجـونا من البلد
نـــاعـــــــــم تـــــــــرابـه عــلــي جــســيــمـــاتـــــــن رقد
ريـحـة الـتـمـر فــوق الــهـدوم ولـون الخـضـار خانس لبد
والـشـوق أوارو بـيـشـتـعـل كـان ظـنـي فـيـهــو يكون خمد
واتــذكــر يــا يــمــة والـــنـــاس قـــالــــوا راجـعـيـن البلد
رصــوا الـهــديــمـات عــدلــوا ركــبــوا الـلـــواري وقبلوا
خــلـــونـى وحـــدى بــلا انــيـــس كـيــف إنـفرادى إتحملوا
شـالـوا الـسـلام مـن عـنـدى لـيك وإن شاءالله عندك يوصلو
يايمه ساعت يوصلوا ويقولو ليك شفناه فى بلد فى بلد الأمان
انـبـسـطـى يــا نـبــع الـحـنــان وانــا حـالـى يشهدبوا الزمان
يــايــمـه رســلـى لـى عـفــوك يـنـجـيـنـى مـن جور الزمان

أبوسيد كتب:: يا يمه كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر
والله لو ما بنقبل ما كان بفارقك بى شبر
يا يمه دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر

لك التحية دوماً أختي الغالية ايناس وكم نحن مشتاقون للعودة لأحضان الوطن الحبيب ولسماحة اهلنا الطيبين
سألين الله العلي القدير أن يرد غربة كل غائب إلى وطنه سالماً غانماً

ارجع تعال الغربة طالت

ابوناديه كتب:: الاخت العزيزه ... ايناس
قال عمدتنا ودعبدالله ودالديم: الخرطوم جئتها امشي علي شوقي لها ... لقيت حجرها يفوفي ...
فما الوليدات فيها ناس نجومي ومحبس النفس الرهيف ... ولاالبنيات النسيمات الهفيف .... طلع كلو فالصو

خلينا غرباء احسن ؛ اما بيت البكا ده ف"اجتنبوه"

غيب وتعال

تلقانا نحن يانا نحن

لا بدلتنا ظروف لا هزتنا محنه...

ام محمد معتز كتب:: كلمات رائعه اختي ايناس وكيف عامله مشتاقين

دعيها تخرج هذه الكلمات
مادام في الغربة في ليل ومطر
ووجع في تقاسيم الوتر ..
اااااااااه لو كنت املك عصا النبي موسي عليه السلام
لاوقفت كل الطرقات التي تسمح بالرحيل
ولاغلقت كل المطارات والموانئ التي تحتضن السفر
والبعاد وفقدان الفرح ..
لك الود الجميل ..نوارة

غاده كتب:: الجميع بيتمنو يرجعوا يا ايناس لكن الاحوال صعبه والله يصلحا
المشكله انو الواحد يجي يلاقي القاعدين زاتم بقو مغتربين
انا من جيت بلاقي اخواني بعد الساعه 12 طشاش طشاش
ومافي زول لامي في رفيقو
يعني حتي الجوه بقو مغتربين من بعض والله يهون

منقوش على كف القدر ...
مكتوب مسطر من زمان
أمشى قبال الأوان
وأسوق خطاى على عجل
تانى وين ألقى الحنان ... وألقى العيون الكان بتدينى الأمان
يا حلوة ما أقسى السفر
تلقينى واقف فى الرصيف .... طعم الفراق فى حلقى مُرْ
يا غربة كيف ؟؟؟؟
يتحملك قلبى الرهيف
واليوم يمُرْ .... يبقالى زى كمين شهر
لكنى يا زولى الولوف ... جاييكَ لو فاضل عُمُرْ
زى الغمام .... وكتين يسيل بالشوق نزيف ...
ينزل مطًرْ
وشوق البحرْ .... وكتين يفيض لحظة خريف ...
يهدى السلام لى أحلى قيف
وإن حصلْ ...
يا بنيه إتأخَر عليك
خلى بالِك منى فيك
دسينى فى عمق المسام
غطينى بى رشرش عينيك
وليكِ من قلبى السلام
أصلى راجع بكره ليك
مدى بالأشواق إديك .... وناولينى من كاس الغرام
وبين الصباح ... وشوق نجمه هداها السَهَرْ...
نتلاقى والليل إنحسَرْ
نتغطى بالأشواق وشاح
حتى القَمَرْ بالشوق سِكِرْ....
طالب من الليل السماح
عند الفجر ....
يا داخلة فى البال إجتياح
من قيد هواكِ ولا مَفَرْ...
أهواكِ فى زمنى اللِراح .... وأهواكِ لى اخر العُمُرْ
وأهواكِ لى اخر العُمُرْ

بكرى الشايقى كتب:: اجيكم مانى زاير اريت رزقن يغرب سيدو طاير
يسوقنى الشوق
اجيكم والحنين كاسحبى سيلو
الاقيكم قليبى يبل غليلو يضوق فرح السنين الهدو حيلو
سنين محسوبه من غيركم خساير
يسوقنى الشوق

سافر زمان
قُبال سنين
لا جاب جواب لا جاب خبر
أمُّو تسأل كل طاير
وكل عائد من سفر
خيالو ما فارق عيونها
وطيفو ما غاب
ليهو
...
وما زال هناك..
فى الركن داك
صوتو وغناهو وضحكتو
وصور المعلّقه فى الجدار
وجرايدو
والكتب الزمان
الليله كاسيهم غبار
مصباحو فى الركن الحزين
ومكانو ما زال فى انتظار
اصحابو انداد الطريق
قدّام عيونها مشو اخضرار
...
يا ماشى لى بلداً بعيد
قول للمخاصم أُسرتو
قول للطالت هجرتو
أمك هناك مادقّ باب
ماعاد قطار
ووصل جواب
اسمك تهزّها ذكرتو
والبيت وراك لو شفتو كيف
ضاعت مواسمو وخضرتو
...
يا حليلو لّمن كان صغير
تلميذ بيمشى المدرسه
تشفق عليهو من الطريق
وتخاف عليهو من المسا
كيف ينسى عِيديّه وحنان
وكفاح سنين كيفن نسا؟
...
سافر زمان
قبال سنين
لا جاب جواب
لا جاب خبر

والى كل الذين مرو من هنا شكرا على مروركم العطر ولكم جميعا اهدى قصيدة الشاعر فاروق جويدة
الي مسافره
...
فاروق جويده
...
وتسافرين ..
وأظل وحدي أخنق الأشواق
في صدري فينقذها الحنين ..
وهناك آلافٌ من الأميال تفصل بيننا
وهناك أقدار أردات أن تفرق شملنا
ثم انتهى .. مابيننا
وبقيت وحدي
أجمع الذكري خيوطاً واهيه
ورأيت أيامي تضيع
ولست أعرف ماهيه
وتركت يادنياي جرحاً لن تداويه السنين
فطويت في الأعماق قلباً كان ينبض .. بالحنين
*****
لو كنت اعلم أنني
سأذوب شوقاً .. وألم
لو كنت أعلم أنني
سأصير شيئاً من عدم
لبقيت وحدي
أنشد الأشعار في دنيا .. بعيده
وجعلتُ بيتك واحةً
أرتاح فيها .. كل عام
وأتيت بيتك زائراً
كالناس يكفيني السلام...
*****
ماكنتُ أدرك أنني
سأصير روحاً حائرة
في القلب أحزان
وفي جسمي جراح غائره
وتسافرين ..
لاشىء بعدكِ يملأ القلب الحزين
لاحب بعدكِ : لا اشتياقاً لا حنين ..
فلقد غدوت اليوم اسيراً للسنين
تنساب أيامي وتنزف كالدماء
وتضيع شيئاً .. بعد شىءٍ كمالضياء..
وهناك في قلبي بقايا من وفاء
وتسافرين
وأنت كل الناس عندي والرجاء ..
قولي لمن سيجئ بعدي
هكذا كان القضاء
قدر أراد لنا اللقاء
ثم انتهى مابيننا
وبقيت وحدي للشقاء

موضوع: رد: تاشيرة دخول الخميس 29 أبريل 2010, 5:29 am

طبع الزمن يا دنيا ماف امان
للعاشق وللمسكين وللتعبان
مصيرو الزول يتغرب يقاسى الغربة والآهات
يعيش فى الغربة مقطوع راس يعيش كناس وطول الليل يبيت جيعان
عشان يرجعلو بريالين ويمشى يدور بت الناس
عاد ما بت بنات العز وابوها فلان
وتبدا اللمة بالنسوان فلانة تعالى بى عندى شفتى الحالة يا بتى اريتو حال وليدى فلان
جاب الشيلة بالدستة معاها الشبكة والحلقان
وقام ابو العروس جاب راس وقال يا اخوانا اعقدوا خلاص
عشان من بكرة نتفرق ونفضى البيت للعرسان
وقالور الراى رايا زين
واجتمعوا الناس فرحانين وفيهم شلة تعبانين واصلو الحفلة للتعبان
تشوفوا تقول ده زول فتران يقوم فى الحفلة بى شكلة ويشبل الرق من الفنان
يجدعوا جوة للنسوان
خلاص الحفلة تتفرتق وكل زول يروح اهلو
ويصبح العريس وحدان

وسافر تانى للغربة زى ما فاتلها تانى زمان
وخوفو الخايفو ليهو زمان تراهو الليلة اتحقق
مكتف فى البلاط مجدوع معاهو فكرة النسيان
وجات برقية من الغربة وقال يااخوانا جاييكم زى حالى القمت بيهو زمان
مفلس تب وحتى كمان اظن عدمان
نسيبتو سمعت بيهو وحالفة عليها ما يدخل حتى ان كان جسد غبيان
ومرتو قالت عاد على حرمان
وامو مسكينة تبكى وتنعل الشيطان
واخونا العايز البت واقف برة يتاسف ومن زى ديلة تب قنعان
يقول ان شاء الله نتادب وناكل خيرنا فى السودان .يقول ان شاء الله نتادب وناكل خيرنا فى السودان

» ممنوع دخول الرجال
» تدشين دخول العيد
» اروع نكات (ممنوع دخول الشوايقه) وريتكم