نكات مساطيل

واحد ابوه مسطول
قال لابوه عايز اكمل دراستي برا ، قالوا ما في مشكلة قول لامك تفرشلك في الحوش

++++++++++++++++++++++++++++++++++++++++++++++++++++++++++++

مرة واحد مسطول واقف قدام التلاجة بيفتح الباب بتاعها براحة
ويقفلة تانى جة صاحبة وقالة لية كدة قالة اموت واعرف مين بيطفى النور من جوة

+++++++++++++++++++++++++++++++++++++++++++++++++++++++++++++

واحد مسطول بيشرب سجارة وبيرجع البيت يفتح الباب بالمفتاح و يرقد ينوم

مرة كان مقرش

اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية

استغرب و قال ياربي أكون أنا شربت المفتاح

++++++++++++++++++++++++++++++++++++++++++++++++++++++++++++++++

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..

ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..

بعد مسافة الثاني من ورا .. قال ليه .. العسكرى دا قال ليك شنو!؟

+++++++++++++++++++++++++++++++++++++++++++++++++++++++++++++++++

مسطول نايم على الشارع
ليه؟

عشان مكتوب ممنوع الوقوف

++++++++++++++++++++++++++++++++++++++++++++++++++++++++++++++++++

مره واحد مسطول راح البيت لقا اخوه نايم فقطع راسه ودساهو وقال هيتجنن لما يقوم الصبح مايلقي راسو

+++++++++++++++++++++++++++++++++++++++++++++++++++++++++++++++++

قالوا واحد مسطول عندو دقن دخل الجامع بالغلط لقي الناس بتصلي دخل معاهم وبعد ما سلم الامام قام واحد من المسبوقين سلم عليهو قائلو شيخ فتوى قال ليهو ياشيخ أنا دخلت مع الامام في الركعة الرابعة وسلمت معاهو
أكمل بي كم ركعة ؟
المسطول ... سرح كدا فترة وقال ليهو ... لمن دخلت في الصلاة في زول شافك ؟
الراجل قال ليهو ...لا
المسطول قال ليهو شتت ..


++++++++++++++++++++++++++++++++++++++++++++++++++++++++++++++++++
واحد مسطول بشاغل في واحدة في التلفون ، قالت ليه: "إنت مسطول؟"
رد عليها "بالله عندكم كاشف؟"

++++++++++++++++++++++++++++++++++++++++++++++++++++++++++++++++++

مسطول فتح باب التلاجة في كاس جلي قعد يرجف قال ليه: "ما تخاف، داير أشرب بس!"
واحد مسطول عادة بيشرب السيجارة بتاعتو جنب الشباك بعد ماينتهى منها بجدعة بالشباك ويرجع ينوم .يوم كان ساطل سطلة شديدة رمة السيجارة وتلب هو بالشباك.
واحد مسطول جا ليك فى جدو لقاهو بياكل فى جلى ,الجلى يرجف وجدو يرجف ,قاليهو شنو يا حاج ما جهجهتو المعلقة.

++++++++++++++++++++++++++++++++++++++++++++++++++++++++++++++++++++

مسطول سالوهوالفرق بين الاكل زمان وهسى شنو ؟قال زمان كان بجيبو الاكل الناس بقولو بسم الله ياكلوهو وبعد داك بقولو الحمد لله ,هسى بقو يجيبو الاكل الناس يقولو الحمد لله الاكل جا ,ياكلوهو ويقولو بسم الله ده انتهى متين.

+++++++++++++++++++++++++++++++++++++++++++++++++++++++++++++++++

مسطول درع الجلابية بتاعتو فى الشماعة بعد شوية الجلابية وقعت قال الحمد لله ما كنت لابسة!!!!

++++++++++++++++++++++++++++++++++++++++++++++++++++++++++++++++

واحد مسطول سالوهو رايك شنو فى الزوجة العصرية قاليهم ما تخلوها تمغرب شوية!!!!!!!!!!!

+++++++++++++++++++++++++++++++++++++++++++++++++++++++++++++++

مسطول شايقى جا ليك فى خواجة فى شارع النيل قام سال الخواجة قاليهو عندك سيجارة خدرا ؟الخواجة قاليهو لا والله ما بتعاطى !!!قام مشا وجاهو قاليو طيب عندك بيرة ؟الخواجة قاليو لا والله ما بشرب !!!قام مشا تانى وجاهو قاليو طيب ياخى ما عندك سيجارة حمرا ؟فليو لا والله ما بسجر !!!!المسطول مسكو ليك من تلابيبو وقاليو ناااااااااااااااااااااااااان الكافر ليها شنو؟؟؟؟؟؟؟؟؟؟؟؟؟؟؟

+++++++++++++++++++++++++++++++++++++++++++++++++++++++++++++++++

واحـــد مســــطول واقف شمــاعه في بص ماسك في الحديده بيد واليد التاني ماســـــك بيهو السجـــــــاره .. جاهو الكمســــــاري يخلص منو قال ليه ارح ادينا ياخينا ؟ المسطـــــول قاليهو اديك كيف ماشايفني ماسك بيدي الاتنين قاليهو الكمســاري خــلاص جيب امسـك ليك السجــــــاره ؟ قاليهـــــو ليييييييييييه ما تمسك الشماعه .

.+++++++++++++++++++++++++++++++++++++++++++++++++++++++++++++++++

- اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله

+++++++++++++++++++++++++++++++++++++++++++++++++++++++++++++++++++

- مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا مصـــاريف


+++++++++++++++++++++++++++++++++++++++++++++++++++++++++++++++++++
-مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو

.++++++++++++++++++++++++++++++++++++++++++++++++++++++++++++++++++

- ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي
+++++++++++++++++++++++++++++++++++++++++++++++++++++++++++++++++++

- مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه

+++++++++++++++++++++++++++++++++++++++++++++++++++++++++++++++++++

- واحـد عندو ارنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت

.+++++++++++++++++++++++++++++++++++++++++++++++++++++++++++++++++++

- مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف.

++++++++++++++++++++++++++++++++++++++++++++++++++++++++++++++++++


- مسطول جنو مظاهرات مشا الحج لقا الناس برمو في الجمرات حرق لستك

.++++++++++++++++++++++++++++++++++++++++++++++++++++++++++++++++++

- مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى
التشهد

+++++++++++++++++++++++++++++++++++++++++++++++++++++++++++++++++

- مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف

.+++++++++++++++++++++++++++++++++++++++++++++++++++++++++++++++++

مسطول وقع في حفره حاول يطلع ثلاثه مرات من غير فايده. فقال:دي اخر مره لو ماطلعت ح امشي!!

- مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن لمسطول ر د والله انا زاتي قلت كده

.++++++++++++++++++++++++++++++++++++++++++++++++++++++++++++++++++

مسطول اخد حبوبتو ومشى بها مدرسة البنات قال ليهم ادوني ليها فكة !!
.++++++++++++++++++++++++++++++++++++++++++++++++++++++++++++++++++

مسطول خش عنبر مرضى السكرى قال ليهم ازيكم ياحلوين

++++++++++++++++++++++++++++++++++++++++++++++++++++++++++++++++++

- واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي من نسخ


++++++++++++++++++++++++++++++++++++++++++++++++++++++++++++++++++

- مسطول دخل بيت بكاء داير يشيل معاهم الفاتحه لقاهم مسيحيين قرا ليهم سورة الكافرون

++++++++++++++++++++++++++++++++++++++++++++++++++++++++++++++++++


-مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت

++++++++++++++++++++++++++++++++++++++++++++++++++++++++++++++++++

-استاذ سال تلميذ مسطول ما معنى كلمة سبيل؟ رد التلميذ: طريق.. المعلم :وسلسبيل؟ قال ليهو ... طر.. طريق

ابكر سألوه ليه ما مشيت الحج ؟ قال ليهم : سبهان الله كل ما ننوي يسادف أيد الدهيه
====================================================================
قال ليك ادروب عينوهو وزير تربية وتعليم ... عمك مسطح جدا .. فقالو ليه النظام انو نسمي المدارس باسماء الصحابة يعني مدارس الاولاد خالد بن الوليد - ابوعبيدة بن الجراح - مصعب بن عمير ... الخ
ومدارس البنات نسيبة بنت كعب - خولة بنت الازور - خديجة بنت خويلد .... الخ
اها الحبيب جابو ليهو مدرسة مختلطة ... وسألوه .. رايك شنو يا ادروب نسميها شنو المدرسة دي ؟؟
عمك مسطح طبعا وعامل فيها ناقش .. رد على طول وقال ليهم :طبيعي نسميها عيسى بن مريم
====================================================================
عيان مشى الدكتور
الدكتور قعد يحذر فيهو من اعراض ضغط الدم

ما تأكل لحمه سمينه وكبده نيه

والبيض المقلي والمسلوق ولا السمنه البلدية

وابعد عن الزبادي والجبنه المضفرة و...!!

العيان قاليهو

ها آزول اقيف ها...

انا لو بأكل جنس ده... اكان جيتك؟

================================================================
حرامي قال لولده

عملت شنو في الامتحان؟؟
قال ليه
اطمن يا ابوي
ساعتين بستجوبو فيني
ما قلت ليهم ولا كلمة
==================================================================
جراح مسطول دخل للعملية
لقى المريض مخدر
قال ليه من اسه عملت فيها ميت؟؟
واحد اسمو ابكر آدم هارون
بحب ليه معلمة حب شديييييييييد
جابو ليه ولد قام سماه حبيبي
بس عشان المعلمة تقول ليه
حبيبي أبكر آدم هارون !!!!!!!!!!
==================================================================
مسطول بخت كبايتين جمبو
وحده فاضيه والتانيه ملانه مويه
قال عشان يمكن يشرب ويمكن ما يشرب
===================================================================
واحد فلاتي بتعلم انجليزي ...
قالوا ليهو دخل كلمه
has
في جمله مفيده
قال ليهم
.
.
.
.
has بي الله و نعم الوكيل

========================================================================
ولجعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره
اتلفت يمين وشمال ما شاف زول
قال والله لو دا شايقي كان مات عديل
=========================================================================
اتنين مساطيل قاعدن تحت نخله بالليل. الاول,انا نفسي في بلح,التاني ,لاكين نطلع ليو كيف؟.الاول بولع ليك نور البطاريه,وانت اتشعبط فيو لحدي ماتصل السبيطه,التاني,بالله عشان تطفيو واجي واقع.
========================================================================
شايقي قالوا ليهو اتبرع عاوزين نعمل سور للمقابر قال لهم ما حصل سمعت ميت شرد
========================================================================
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلا بامش معاهم النار يا ادروب الكلام ده كيييف بس قال ليهم الشوايقة ديل ما بمشو حتة الا يكون فيها كّدة والا منفعة
===========================================================================
ناس العريس ماشين يجيبو العروس ما لقوا دلوكة ، سالو جارهم السكران "ماعندك باغة نجيب بيها العروس؟ "" قال ليهم ما عندي لكن ما ممكن تجيبوها في كيس؟؟
=========================================================================
شايقي داخل يزور امه في المستشفي لقي مكتوب على الباب (إدفع) قال اخير اشوفها في البيت !!!!!!!!!!
=========================================================================
اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!!
الاول: الناس دي كل يوم بتتشاكل عشان ترجع لبيوتها !!!
التاني محتاااار: والغريبة تاني يوم بجوا راجعين تااني
=========================================================================
اتنين جنوبين عايزين يخشو الجيش
واحد بيسال في التاني
يا جون نهن حسة ماشين تجنيد شنو فايدة بتاع جيش
قال ليهو
شوف
تقدم للجيش
ممكن يقبلوك وممكن يرفدوك
لو رفدوك ما مشكلة
لكن لو قبلوك
يا تتخرج جندي يا تتطلع عريف
لو طلعت عريف ما مشلكة .
لكن لو طلعت جندي ،
يا تقعد في خرتوم يا يودوك جنوب . لو قعدت في خرتوم ما مشكلة
لكن لو مشيت جنوب ،
يا تجي راجع يا تموت . لو جيت راجع ما مشكلة لكن لو كتلوك
يا ياكلك اسد يا تبقي تحت الواطة بترول ..
لو اكلك اسد ما مشكلة لكن لو بقيت بترول
يا تكون بترول خفيف يا تكون بترول تقييييييل .
لو بقيت بترول تقيل ما مشكلة
لكن لو بقيت بترول خفيف
يا تكون بنزين يا يعملو منك ورق مناديل .
لو بقيت بنزين ما مشكلة
لكن لو بقيت ورق مناديل
يا يلقاك شماشي يمسح بيك جزمة
ولا تلقاك جكسي
يمسح بيك خدو الحلللللللللللللللللللو ده
ده فايدة بتاع جيش !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
======================================================================
مسطول بيسـأل صاحبه
هـا أخبار ابوك شنو؟
وفجـأة تذكـر أن أبـو صاحبـه مـتوفي
"فكمـل الموضوع وقال " لسه برضو فى نفـس القبر
======================================================================
مسطول مشى محل نقاشين قال ليهم عايز لي نقاش
الجماعه كلهم الجاء شايلليهو فرشة والجاء شايل ليهو جردل جير
قال ليهم انتو نقاشين ... قالو ليهو ايوه
قال ليهم الحريف فيكم ينقش انا جاي من وين
=======================================================================
مسطول عنده حمار ضاع منو .. طلع يفتش عليه لاقاهو حمار الوحش قال ليه : خلاص قايل روحك قشرته ما بعرفك؟
=======================================================================
مسطول مثقف قال لصاحبه قل لي ماذا تقرأ أقل لك من أنت.... قام صاحبو قال ليو.. ماذا تقرأ؟؟
قام المسطول قال ليو:: من أنت؟؟
=======================================================================
واحد بيعلم في جماعة الصلاة وهم ماسحين خالص طبعا تبدو بقراية الحمدو وبعدين اسجد تسجدو اركع تركعو اسلم تسلموا .... زولنا بدا يصلي بيهم لما جا في الجلوس قرا التشهد وسلم ...الجماعة كلهم من وراهو اهلااااااااااااان شيخ حسن
=======================================================================
مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟
========================================================================

have a nice day and good luck