شــيه جمر في الراكوبه

[b]كل عام والجميع بخير وعافية , والعيد مبارك عليكم ,بعود علينا وعليكم وانتم تامين لامين آآآآآآآآمين
الراكوبة جفوها احبابه وصار الغبار في كل مكان والعيد فرحه ولمه وضحكه وونسه .
خاصة في ناس غايبين عن السودان سنيين والحمد لله راجعين ومعيدين معانا.
اقترح ننفض الغبار عن الراكوبة ونكرب العناقريب والبنابر وننفض الكانون ونجيب الفحم والفهم واللحم , الشحم ما معانا.
والبصل والفجل والجرجير والشطه بجميع الالوان احمر اخضر اصفر زي شفق المغارب.
ونعزم الناس وبعدين نشوف موضوع الشاي والقهوة والذي منه.
هل من مؤيد
نعم اغلبية

كيفن بس يهون

تشوو اللحم تاكلوهو

الزول البعيد

داك بالسنين شوفوهو

مالياه الدموع

فى اللمة ماتحسبوهو

من كم سنة وتسعين

مشتاق يحضر العيد

ياكل شية بس

واللحمة فيها يزيد

قاصدانى الظروف

حاسدانى فيكم اكيد

انشاءاللة الفرح

يفرد جناحه عليكم

تسعدوا بالخروف

رب العباد يرضيكم

احجزوا لى مكان

فى القعدة ماتنسونى

بقعد فى التراب

كندية ماتحسبونى

العضم الكبير

مشتاقة ليه سنونى

كل عام والجميع بخير وعافية وبرضو طالباكم لحم 12 سنة .

[flash]

[/flash]
يااستاذة [flash]

[/flash]

الاخ العزيز/ محمد عباس

اسعد الله ايامك

[flash]

[/flash]

طبعا نحن مامعاكم في موضوع الشية لاننا برة البلد لكن بالهنا ليكم لانو لولفينا الدنيا دي كلها ماحنلقي زي الشية السودانية

يا رائع والله كلامك عن الشية والاكل خلا الواحد قرصت معاه
كبتن وحسن رشوا الراكوبة وجهزوا الميدان
وحاكم عليه الاشراف لو نقص شئ دايرين اللمه كبيرة والعيد يبقى عيدين بشوفة الغاليين
كل عام والجميع بخير وعافية

[b]شكرا جزيلا علي الردود الرائعه
والفاضلة نعمات
عودتك للسودان لا تقاس بكميات اللحمة والشية
بل تقاس بملايين من اميال المشاعر الفياضه والجياشة والحنين الي الوطن والاهل والاحباب
عودا حميدا مستطابا واهلا بك في ديارك .
ابو عسجد
ادام الله عليك نعمة الصحة والعافية
ما عرفنا دورك في الراكوبة
بس ابعد من كسير اللحم
الحبيب سامي
الراكوبة اخذت زينتها بالكامل
وزعت الادوار بحكمة
دليل علي القيادة الرشيدة
كل عام والجميع في الفة ومحبة وسلام

[b]الحبيب مصطفي عباس
كل عام وانت بخير
حرارة المشاعر
حرارة اللقيا
تطغي علي كل شئ
انت في حدقات العيون
ارجع الينا
صحوا كنت ام مطرا
نلقاك باحضان الحب والحنيه
دمت ودامت ايامك سعدا وهناء ونعيما

كل عام وانتم بالف خير وان يتقبل الله منا ومنكم صالح الاعمال وانشاء الله السنة الجاية في عرفات اشكرك علي هذه الكلمات الرائعات التي ستظل في خاطري ماحييت وطالما ان هنالك اناس في قامتك بهذا المنتدي سنكون بخير فلك التحية والتجلة