شلة المثلث الرائعه ,,,,,,,,,

[/center] بسم الله الرحمن الرحيم

كل عام وانتم بألف ألف خير

االتحية والتقدير لجميع شلليات الشجرة والحماداب السابقة والحالية .

من قبل اربعة عشر سنه مضت كانت الشجرة الجميلة عبارة عن مجموعة شلليات

فى كل حلة فيها شباب زى الورد وشلة جميلة وكلامى اليوم عن شلة المثلث الجميلة

هذة الشلة الرائعة كانت تجلس في مثلث على الشارع العام آآآآخر محطة

ومن أبرز هؤلاء الشباب ياسر بطه و نميري وردي و أمين وأحمدو صالح شعبان ودركس وكـــــــــــــبتن وآآآآخرون ,,,
حيث كانت لديهم العديد من الطرف والمواقف منها على سبيل المثال :-

كان عندهم بنطلون جينز (أشتروه شيرين أو جاهم هديه !!!!) عموما كان البنطلون المسكين ده كل خميس يلبسه واحد , وكانوا بيكونوا معزومين في كل الحفلات !!!!!!!!!!!!!!

في يوم خميس أختلفوا من يلبس البنطلون ؟؟!!
ولما حار بهم الدليل أتفقوا على القرعه وكنت مرورا بيهم وأجمعوا على أختياري لسحب القرعه وانا لا أعرف شي عن الموضوع وتم ذلك وكان من نصيب العزيز الرائع صالح شعبان وبعد جدال معهم علمت ان الموضوع هو من يلبس بنطلون الجينز

التحايا والاشواق لهم فرد فرد متمني سماع أخبارهم في القريب العاجل ,,,,,,,,

فيا لها من ايام وطرف بينهم
والى لقاء اخر في أخبار شلة أخرى (صالون مانديلا وليد طه)

فكل التقدير والاحترام لهم

الرائع / خالد ضيق

او اكثر من لبس بنطلون الجينز ،، التحية لك ولكل افراد المثلث

الاخ العزيز / خالد لك التحية وكل عام وانت بخير

اخوك معتز تلب

ارجو اخي خالد ان تمر مرورا بشلة مزاكرة امتحانات الشهادة والجماعة البيطلعوا يعملوا ليهم مشوار ويرجعوا تاني
لو إنت نسيت .............. أنا ما نسيت
ألا ليت أيام الشباب تعود يوما
الكلام خشي الحوش يا أخوي

الاخ والعزيز والصديق محمد عبدالعزيز عباس (ميمي)

تحيات وأشوااااااق مطرررررررر

لك كل التحايا وللاسره الكريمه ,,,,,

كل عام وانتكم بألف الف خير

يأخ مدخل الكلام الحوش ليه ؟؟؟؟؟؟؟؟؟؟

وبعدين انت البنطلون كان بيمر عليك ؟؟؟!!!!!

ثم ثانيا انا ما جبت سيرة (الرميـــــــلـــــــــة)

عشان تدخل الكلام الحوش (اللي بيته من قزاز ................)

التحية لك وللعزيز الغالي عباس (ولد فوزية)

العزيز الغالي كبتن

تحية وأشواق

وكل عام وانتم بخير ,,,,,

ماوريتنا آآآآخر أخبار الشلة الكريمة

العزيز الغالى معتز تلب لك كل التحاية والاشواق وللاسرة الكريمة وكل عام وانتم بالف الف خيررررررررررر

اخوي يا خالد انت يهبشوك هبشة صغيرة

طوالي رحت داير تطلع البالي بالك

خالد يا ود نعيمة يا اخوي وصديقي العزيز في شوق كبير جدا لالتقيك

وفي شوق لمعرفة أخبارك واتمني ان نلتقي قريبا وتحياتي للاسرة

وخلي اللغوصة وأدينا الزكريات والمفارقات كما طلب الجميع

وارجو أن تسعفك الزاكرة نسبة لطول المدة ونحن في انتظارك

العزيز خالد ضيق كل سنة وانت طيب
بخصوص بنطلون الجينز اعتقد انك نسيت انو صالح شعبان بلبس فرده واحده
الفرده التانية ادوها احمد الطيب اصلوا خميسهم كان واحد

اخى العزيز خالد وكل عام وانت بالف خير

البست رائع

والشلليات رائعه

ما دايره انطط فى المواضيع

عشان ماتقولو

ديك العدة دا جاء من وين لكن الموضوع حلو

وان كان عندى شلة رائعه فى الثانوى

فى امتحان الشهادة كنا بنذاكر سواء فى مدرسه

وكان جننا حاجه باردة

الدكان الكان بنشرب فيهو الحاجه الباردة

كان جنبو بقعد مجنون

وانا بخاف منو موت

ومرة قلنا نعمل مسابقه

نشوف البيقرطع البارد سريع منو

اى واحد يجى يشرب نحسب ليهو بالدقيقه

الدور جاء على

والمشروب كان بارد شديد

كنت مغمضه عيونى وبشرب

وشفت الناس صنو

لمن فتحت عيونى لقيت المجنون

واقف جنبى وفارى سنيناتو يضحك

والشلة وين

فى اخر الشارع

دى طبعا واحدة من مقالب الشلل

الاخوان خالد ضيق والخ ميمي والا كل عام وانتم بخير وربنا يحقق امانيكم من خلال الونسه عرفته ميمي لانه محمد عباس ماكنت حااعرفه الزمن طل علي اخباركم شنو مشتاقين واين انتم الان ما عارف حاتتزكروني ولا لا ارجو ارسال المسنجر او ادخا الاسكيب عشان نتحدث ونتشوف اخوكم فخري الحوري

فخري احمد عبدالله كتب:: الاخوان خالد ضيق والخ ميمي والا كل عام وانتم بخير وربنا يحقق امانيكم من خلال الونسه عرفته ميمي لانه محمد عباس ماكنت حااعرفه الزمن طل علي اخباركم شنو مشتاقين واين انتم الان ما عارف حاتتزكروني ولا لا ارجو ارسال المسنجر او ادخا الاسكيب عشان نتحدث ونتشوف اخوكم فخري الحوري

اخي فخري كيف حالك طبعا اكيد متزكرنك وهل يخفي القمر يا اخوي

المهم اخبارك انشاء الله تكون طيبة وامورك كلها علي ما برام

للمراسلة الايميل
mdziz@hotmail.com

skype:
mohdabdelaziz