تااااااااااااااانى....حلمنتيش..

انا راسى جاط ما بين هواك والدبرسة
الفت عشرين الف بيت سبعين قصيدة مؤسسة
عشان اقدر الفت انتباه ومرة اقدر احسسة
ويا حلوة يا بت هندسة

يا حلوة يازينة البنات يا نجمة الليل والمساء
انا رغم اشكال الشتات حاضن عواطفك وحارسا
انا فى هواك بقيت فتات ودخلت عشرين مدرسه
جنيت مع كلمات هواك بقلبى قاعد اتنفسا
ويا حلوة يا بت هندسة

اكان شفتى يا بت هندسة خطواتى دائما بالغلط
وامورى ديمة معكسة
يوم داك مساهر فى الهدوم وكويتها جد شان
البسها
لقيتها الصباح حقت اخوى وهدومى قاعدة مكرفسا
كان للهدوم ما مشكلة بشوف لى نصيبة البسها
لكن هواك اعملو ايه دشدش عضامى وهرسا
دار لى فرصة اكون قريب طبلة قليبك افلسا
عشان تشوفى هواك كيف بهدل عواطفىودحفسا
كلماتى ليك اتبشتنت ما زى زمان متهندسة
حتى الشعر الكان زمان كلماتو حلوة مملسة
هسع اتلخم بقى كيف كده ما فيهو كلمة مهندسة
انتى السبب فى كل ده يا احلى اسباب الاسى
انا ياخ بريدك اعمل ايه ورينى يا بت هندسة
امشى واكورك فى الزلط يا ناس بريد بت هندسة
يا ناس بريد بت هندسة

كم مرة قلت اقوم براى اقعد معاها واونسها
لكنىما بقدر عديل ما بقدر انضم اونسها خليك
من اشرح ليها حالى وحبى ليك والدبرسة

ويا هناية دا اقول ليك كلام انا يا ملاك انا بعشقك
وما اظن بلاك ارجى المساء دايرك تكونى لحبيبة
وابقى ليك حبيب قسا
ويا ربى كل عاشق نبيل تديهو زى بت هندسة
وترعاه من عين الحسود
وياربى تحفظها تحرسها ويا ربى تحفظها تحرسها

لذيذخ وحلوة عدييييييييييييييييييييييييييييييييييييل كده
يديك العافيه ومستنين المذيد
تخريمه
وين دكتور بشاره مسجل غياب لعل المانع خير

تسلمى يا ناريمان
كيفك و كيف العيال???
انا لسه منتظر باقى اخبار الشاب
و بعدين صحى ووووووويييييين د/بشبش??

شنو يالذيذ دى بت تغذية و لا بت هندسة حدد أفصح بين
لك و للأولاد كل تحياتى

سلام حبيبى الغالى ابو عثمان
بينى و بينك كده ..بت تغزيه..
اسى ناس الشمارات يكونوا اتحيروا
تحياتى للاولاد يا مان

البيحير ناس الشمارات شنو ,و مادام اللبيب بالاشارة يفهمُ .ههههههههه

يا هلا و مرحبا اختنا نعمات
اوووووووعك تكونى فهمتى حااااجه
تحياتى

بَرى......يطرشنى ويعمى جيرانى ههههههههههه