[b]من روائع الحقيبة قلبى مالو اليوم من جسمى فرا وراح [/b]

قلبى مالو اليوم من جسمى فرا وراح دمت يامحبوبى ودامت لافراح

مالو جنح الليل زوبنى فى الاشراح النسيم من قبلك هب ذى الراح
ياطبيب انا سألك قوللى بكل صراح النسيم بشفينى ام بذيدنى جراح

ياماراينا جمالك فى عجم وفصاح يالشلت عقلى الشارد بى غرامك صا ح
رمشك انت ياسيدى راجى منو سماح ماصلوا هو الهالكنى فينا هلا وصاح

من الصدير لى نهيدك موجة ليها سباح ماده المخلى غرامك قتلو لينا مباح

دمت يا محبوبى ودامت الافراح[b][i]

الاخ اسامة لك التحية.

شكراً على المعانى الجميلة ,والتى دائماً تتاصل فى اغانى الحقيبة حيث البلاغة وعمق المعنى.

اخى لى سؤال عما اذا كنت انت هو اسامة خال الاخوات اسيا وعواطف ونعمات عبد اللطيف نقد ؟ لانى اعرف شخصية منذ سنين طويلة بهذا الاسم ولكن الشبة فى الصورة غير واضح.

فاذا انت فمرحباً بوجودك بيننا واذا لم فايضاً يسعدنا وجودك .لك الود والاحترام.

اشكر لك المتابعة السريعة وهى دوما اللى بتدفعنى للتواصل وبغزارة وبالنسة للرد على سؤالك . هو بذات نفسه اسامة الخال بس الزمن عمل فينا عمايلو وصرنا اشباح وشبنا وكبرنا والله يعودنا لبلادنا عشان الواحد يعش الباقى ليهو من عمرو

كم جميله هي كلمات اغاني الحقيبه بصدقها

واشارك معكم بهذه الكلمات

ياجـوهـر صـدر المـحافـل روحـي معـاك اتلـطفـيـلا
* * *
مالـنور الـفي حـليـهو رافل في حُـق نـهدو قـلوبنا قافل
كالظـبي الفـي مـقـيلو غافل تـارة يميـل والتـانية جـافل
وجـهو يــنور والبـدر آفـل فـوق للـبدر يزيــد نفـيلا
* * *
يــالنـور خـدك لاح مـقابل للـشعر الـطال لـيلو سـابل
سـهـم الحـاظك ليـنا نـابل بـي كل شي دون هجري قابل
ينسـب نـوحي عـلي البلابل وانــت القــمرا بتنـسبيلا
* * *
ليك جوز عين نعسـان وكاحل خصراً يمـيّل وصـدرو راحـل
لـي وجـداً لي جسـمي ناحل بـحر الشــوق مـاليه ساحل
بيـني وبـين الـنوم مـراحل ويـن للطيــف انا القي حيلة
* * *
الـفـرع الـبـتـّنـي راتـل طيرو ينوح في غصـونو حاتل
وهـو نـديم لي فكـري شاتل الاسـد الـفي القيــد ينـاتل
يـتـأكد مـاليـهـو كـاتـل غـير مكـحـول ظبـي النتيلة
* * *
ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة
* * *
يالـمـرنوع الـكـتفو هـادل في دروعو ولمـعـاصمو جادل
انـا سـاهر والـليـل سـادل شـرط الـحاكم يبــقي عادل
لا اقــبل بـهـواك مـبـادل كيف اعشـق وارضـي البديلا
* * *
امـنـع طيفـك لي يـقـاتـل داخـل قلبي انا لــيك مـنازل
يالائــم لاتـبـقـي عـاذل انا في الحـب لي روحـي باذل
العـاشـق يـسـمع لي عاقل خلـّي نصيــحـتك عني زيلا
* * *
فوق الجـمـر و دمـعي باهل كيف نار تشــعل في مـناهل
ضاق بي الكـون مع انو ماهل نومي تصعّب ووجـدي سـاهل
لو بي حـالة دهـري جـاهل في الانجـم اســأل سـهـيلا

جوهر صدرا لمحافل اغنية رائعة بمعنى الكلمة بس فى ابيات عايزة مترجم علشان الواحد يفهمها ويدرك معناها ا

» اليوم اؤقن انى لن احتمل ( روائع الادب السودانى )
» الزول الكان منور مالو بقى مطول
» قلبى انا ملكى انا
» لا تحزن يا قلبى
» قصاصاتٌ من قلبى