البشااااااااااااااااارة يابشارة

هذه الكلمات مهداة الى الاخ العزيز بشارة .........................وبدووووووووووون تعليق.

يالله من خبر السجم

عاد يابشارة النوم شرد

مالك على القلب الرهيف

من الصور بان ليهو قد

بديتا بالنخرة ام عيون

بالخرطة اديتنا السرد

قال قرصة النملة بتفيد

ذكر الفوائد بالعدد

ده كلام مفيد لى حد هنا

معلوم تمام عاجبنا جد

لكنه بس خبر السجم

والما تمام مرض الكبد

خلانى اتراجف براى

وانا ريقى اصبح زى زبد

ياربى كبدى اصابو شئ

ياربى صفَرْ لى جلد؟

وللا العفاريت فى خبر

فى الكورة كان كايس غَرَدْ

الجنى فى وسط اللعب

خوفنى يوم ضرب الولد

خليتنى امشى وأقرا فى

الناس وقل هو الله احد

واتحسس العرق البصب

مع رجفة الحمى ام برد

ياحليلو لى تلفونى داك

جنب راسى كان لابد رقد

جبت الخبر زى القدر

والرعب داك هدانى هد

تارينى شايلة القنبلة

الوادانى لى ود اللحد

حرمان على ما اقول آلو

ولو قال آلو وين يلقى رد

اها قصة الراس والدماغ

وآآخوفى من سلخ الجلد

من يومى داك جانى الصداع

صلواتى زادت فى العدد

كان للمرض ياهو الوهم

سرطان كتير ماليهو حد

خليتنى ابكى بلا سبب

يمكن يكون حاقد لبد

اهبش بطن وافحص عيون

يمكن محكر فى الغدد

يالله هوووووى

بس يالطيف

يا اخوى بعيد

مايبقى جد

يا بشارة افتح باب امل

عطرنا بى باقات ورد

خلينا ننسى الفات خلاص

نضحك نعيش اطول امد

ننساه كل الرعب داك

والخوف يكون جواى خمد

وتضاحك البسمة الحروف

ونعيش امان والله جد

شكراً كتير يازول ظريف

يلحقنا من ظرفك مدد



هذه رسالة لك عزيزى , فقط للضحك والتغيير مع خالص ودى واحترامى لك وللجمييييييييييييييع.

هههههههههههههههههههههههه لا لا مبالغة عديل , دة كله حصل وانا السبب , لا لا اكان كدة حقك على ووالله والله المواضيع النزلة دي كلها علشان الناس تخلى بالها بس وما يجيها مكروه واي حاجة كاتبة الله بتبقى , لكن بالله عليك صلاتك لمن زودتيها دي ما نعمة لحالها


تسلمي يا ذوقي ويالوحيدة الفي المنتدى دى بتعبرنا

ارق تحياتي وشكري