شمار احمد كبتن

موضوع: شمار احمد كبتن الخميس 18 يونيو 2009, 6:40 pm

مساء يوم الخميس الساعة التاسعة مساء وفى جلسة خاصة اتصفح منتدى الشجرة

واذا بالهاتف الجوال يرن بنغمة خاصة واذا المتصل مديرنا كبتن

حسن00الو اهلا ياعزاب كيفك شنو التصال يوم الخميس عزابى ولاشنو؟

كبتن00لا والله كنت ماشى لى مشوار وقلت اسلم عليك وامر عليك

حسن 00تعال يازول انا فاضى وقاعد فى المنتدى

كبتن00خلاص ادينى عشره دقايق بكون عندك جايب ليك شمار طازة من السودان

حسن00عليك الله ؟ شمار شنو انا بحب الشمار وخاصة السودانى انشالله خير

وبعد 15 دقيقه يرن جرس الباب وافتح الباب لصاحبى

حسن00اهلا ياعذاب كيفك وكيف الجماعة؟ اجلس معى ورينى الشمار شنو

يمد يده وبها علبة بلاستيكيه طويله وفيها شمار لونه اخضر

حسن00 ده شنو يازول ؟

كبتن 00ده شمار جاينى من السودان اليوم وقلت اديك منه شويه

حسن00يوم خميس وراكب ليك سيارة وجاى اعرف منك الاخبار والونسه الحلوه

تدينى شمار اخضر ؟؟ انا فاتح محل فول يااحمد ؟؟

وجلس مديرنا شويه من غير ونسه ولا حاجه وترك لى علبه الشمار الحقيقى

وجلست انا ابحث عن الشمارات فى المنتدى لوحدى وجوارى علبه شمار احمد

رئيكم شنو فى شمار احمد كبتن Very Happy

هههههههههه مشكلتك بتصدق اي حاجة ياحسن, ايوة كدة ياكبتن تجهج ناس الشمار التقيل ديل
تحياتي

ياجماعة السلام عليكم جميعاً:-

وبعد السلام افيدونى لانى والله اتحيرت بالجد كل يوم بكتشف انى معاكم ومسطحة لازلت

الاخ العزيز كبتن اول مرة اعرف انه فى السعودية كنت فاكراه الزمن ده كللللللللللله فى السودان

وفى ناس كتيرين كمان عشان كده وعشان ما اكون واحده هبلة بلاهى اعملوا لى جدول

كل زول اكتبو لى اسمو وقدامو مكان اقامتو ولو كمان بقيتو ظريفين قدامو العمر زايد الحالة الاجتماعية بس خلاص الباقى مافى داعى ليه كتر الف خيركم .والله اتذكرت حاجة

كمان يعنى الناس الماشفنا هم صورم يختوها لينا اذا تكرموا , عشان وانا جاية اعرف مقاس كل زول

لزوم الهدية وكدى يعنى ,سمح؟ والله لا قطاعة لاشيالة حال هههههههههههههههههه

بشارة عبده كتب:: هههههههههه مشكلتك بتصدق اي حاجة ياحسن, ايوة كدة ياكبتن تجهج ناس الشمار التقيل ديل
تحياتي

الزول دى كان كويس قبل العرس يابشارة

انا خايف كمان اشرف الثعلب يتصل ويقول لى جايب ليك ويكه وحنه من السودان

شباب انتهو بسرعه يابشارة Very Happy

كل زول اكتبو لى اسمو وقدامو مكان اقامتو ولو كمان بقيتو ظريفين قدامو العمر زايد الحالة الاجتماعية بس خلاص الباقى مافى داعى ليه كتر الف خيركم .والله اتذكرت حاجة

استاذتنا ام رامزشكرآ لمرورك الكريم على هذا البوست

فى الدمام معى عدد كبير من ناس الشجرة

من ناحية الصور فهى مهمه غير صعبة والاغلابية صورهم موجودة

من ناحية العمرفهى مهمة صعبة وحتعمل شمارتقيل

كده حلوين وكويسين ياام رامز

الناس بيوزعو شمار وحنه وويكه،، حيكتبو ليك العمر ؟ Very Happy

والله ياحسن لقيتك خطير في الشمارات كبتن يلعب عليك

يعنى ياحسن قصدك البيوزعو شمار وحنة وويكة ديل استايل قديم ؟

لا والله ديل اصالة , يعنى الواحد تانى مايعمل ليكم عمل خير وحنية تعملو فيهو كده , حقك علينا ياكبتن وكان عندك حبة شمار رسلو لى , والله ماعندى . لانه شمار كندا زى ناسا ماعندو طعم.ههههههههههه

والله يا ابو الحسن , صحبك كبتن من ما عرس يقول ليك , الابريق وينه ؟وضهري واجعني ,وكان عندي ودك بقرض في الثلاجة , ونقته كترت واهتمامه بالتراث زائد , الله لا يحضرنا المرحلة دي , وهو ليسع في سنة اولى زواج , اديه سنتين بس والله يجيك داخل بصاج الكسرة , هههههههههههههههه
حبيبنا كبتن تحياتي , وما سمعنا ردك , يازول انا معاك وما يهمك كلام الناس الحاقدة دي صحبك حسن يكون متوقعك تدخل عليه بابري لزوم رمضان وكدة
تحياتي للجميع
على فكرة اختنا نعمات ** صورة اخوكي دي ما كفاية تعكس واجهة ناس الشجرة كلهم
سلام

ابو دنيا كتب:: والله ياحسن لقيتك خطير في الشمارات كبتن يلعب عليك

ماانت عارف ياابو دنيا كبتن كان بيلعب كوره00

Smile

هسع ياداااب يوزع شمار ودكوه