منتدى الشجرة والحماداب
منتدى مدينة الشجرة والحماداب
منتدى الشجرة والحماداب
منتدى مدينة الشجرة والحماداب
منتدى الشجرة والحماداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 عندما ....

اذهب الى الأسفل 
3 مشترك
كاتب الموضوعرسالة
ام وئام
شجرابي مميز
شجرابي مميز
ام وئام


الجنس : انثى الاسم كامل : اماني سعيد وداعة الله

الاوسمة
 :


عندما .... Empty
مُساهمةموضوع: عندما ....   عندما .... I_icon_minitimeالأربعاء 11 يناير 2012, 3:00 pm

للساخر الفاتح جبرة

■عندما يشرق صبح نترك النوم ونصحو (عشان نشوف اليوم ح نقضيهو كيف؟)
■عندما يتم إختيار مذيعة تبدأ التدريب (على نقش الحنة طبعن)!
■عندما يتم إختيار دستوري فأول ما يطلبه عربة رئاسية مظللة (عشان ما يشوف خلقة أبو أهلنا)
■عندما تخرج بعثاتنا الرياضية إلى الخارج فإنها تقوم بالتمثيل بنا خير تمثيل
■عندما تتم سرقة منزل مسئول فتأكد أن الغنيمة سمينة (الخير راقد وكدة)
■عندما تقوم بملء أورنيك الرقم الوطنى تأكد أنك قد قمت بملء خانة (قبيلتك شنو) بس ما تكون (قبطى) عندها ح تحتار !!
■عندما تستمع إلى تصريح مسئول بان المستقبل الزاهر ينتظرك لا تنسى أن تجيب عليه بما قاله (عادل إمام في مدرسة المشاغبين) : بعد تلاته وعشرين سنة ثانوية عامة بتقولى أيه هو المنطق !!
■عندما تحجز لإبنك العريس في أحدى صالات الأفراح فلا تنسى أن تضع إحتمال زيادة المدعويين بنسبة 10% (طيارات وكده) !
■عندما تدخل إلى السوق المركزى لشراء خضروات أو فاكهة لأطفالك لا تنسئ وضع الكمامة على أنفك وفمك إتقاء غاز النشادر النفاذ !
■عندما تستمع إلى جارك وهو يكثر ترديد كلمة (وبعدين) فأعلم أن الشهر قد إنتصف !
■عندما تري شابة في عمر الشباب وهى تمسك بمسبحة وهي تسير في الشارع العام فأعلم أنها غير متزوجة (كمين وكده) !
■عندما يقبض عليك شرطي المرور فتأكد إنك يا ح تدفع يا ح تدفع (تدفع الأولى ما زى تدفع التانية) !
■عندما يقوم الطبيب بتحديد (صيدلية) لك لشراء الدواء فأعلم أنه سمسار ضل طريقه إلى الطب !
■عندما تجلس أمام مكتب الموظفين الذين ذهبوا لتناول (الفطور) فتأكد إنو قعدتك ح تطول عشان بعد الفطور الشاى وبعد الشاى الصلاة وبعد الصلاة (يلملموا حاجاتهم) .... والبيت !
■عندما يصرح أحد المسئولين بأن (العارف ليهو فساد موثق يجيبو) نقول ليهو (كدي جيب لينا خط الخرطوم هيثرو ده أولاً بالتبادى ) !
■عندما تذهب إلى المستشفى الحكومى فتأكد أنك تحمل كسباً للوكت (وفد المقدمة) .. لفة قطن .. شاش .. حقن فاضية .. مطهر !
■عندما يصرح مسئول أمني بان 40% من الجرائم يرتكبها أجانب نقول ليهو (طيب دي مسئولية منو؟)
■عندما تدخل غرفة العمليات لاستئصال كليتك المريضة لا تنسي أن تعلم عليها بالحبر الشينى (عشان مرة وفي حادثة مشهورة قام الدكتور الجراح بمسك صورة الأشعة بالمقلوب وإستئصل السليمة) !
■عندما نشاهد الدراما السودانية نتأكد تماما بأن الممثل السوداني (قاعد يمثل) !
■عندما يطالب مساعدو الرئيس (الخمسة) بعربتين مرسيدس آخر موديل لكل واحد منهم واحده (للصباح) وواحده (لليل) فمعنى ذلك أنهم ح يورونا نجوم (الظهر) !
■عندما تكون أقصى امنيات المواطن أن يأكل .. يجب عليه أن يموت (مش بتشبه كلام المفكرين الكبار بالله؟)
■عندما يخرج أطفالك إلى المدارس في الشتاء والدنيا (ضلمة) تذكر أن الحكومة تشجع البكور وتنبذ الكسل والخمول (بالمناسبة أيه أخبار أسعار الفول؟)
■عندما تقرأ إستغاثات المواطنين المعدمين علي صفحات الجرائد .. أرملة عاوزين يطلعوها من البيت عشان الإيجار.. طالب يتيم عاوز أقساط الجامعة .. مقعد عاوز كرسي معاقين .. (وحاجات زى دى) طوااالي ح تسأل نفسك (طيب وين ديوان الزكاة؟) ! ودى فرصة نسال (الأمين العام الجديد) رجعتو لينا الخمسين الف دولار بتاعت قناة الضحى الإتبرع بيها (الأمين العام القديم) وللا لسه !
■عندما يصرح مسئول بأننا سوف نكون في عداد الدول المتقدمة بعد سنوات قليلة يجب أن يحال إلى الفحص الطبي (أكيد بيركب الفيل) !
■عندما تصبح الترضيات هي المؤهل للوظائف الدستورية فتأكد أن عربة الوطن تسير إلى الخلف !
■عندما تستمع إلي معظم أأئمة المساجد فى خطب الجمعة تبصم بالعشرة بانهم يعيشون في كوكب آخر (ما عندهم أي علاقة بقضايا المجتمع) .. يركزون كثيراً على إخوة يوسف .. والمسيح الدجال و ... (هو في دجل أكتر من الحاصل ده) ؟
■عندما تصرح وزارة الرعاية الإجتماعية في تقريرحديث قدمته لمجلس الوزراء فى اكتوبر نهاية العام الماضي بأن نسبة الفقر في السودان (4.3%) فهذا يعنى أن الوزارة تستخدم آلات حاسبة (صينية ) !
كسرة :

■عندما يصرح أحد مساعدي الرئيس قائلاً : لا أمثل والدي في موقعى الحالي نقول ليهو (يعنى بتمثلنا نحنا)؟
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

عندما .... Empty
مُساهمةموضوع: رد: عندما ....   عندما .... I_icon_minitimeالثلاثاء 25 سبتمبر 2012, 7:25 am

اختي الصغري ام وئام لكي وللفاتح جيرا مليون تحيه تسلمي علي الاختيار الجميل ولكي كل احترامي
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


عندما .... Empty
مُساهمةموضوع: رد: عندما ....   عندما .... I_icon_minitimeالأربعاء 26 سبتمبر 2012, 1:49 am

...
عندما تقرأ موضوع في أحد المنتديات الكاتب أم وئام والرادي عثمان بشير (((((فقط))))
تأكد إنك بتتصفح في منتديات الشجرة والحماداب

















تحياتي للرائعة دوما أم وئام وللجميل عثمان والمبدع الأستاذ جبرا
...
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

عندما .... Empty
مُساهمةموضوع: رد: عندما ....   عندما .... I_icon_minitimeالأربعاء 26 سبتمبر 2012, 12:56 pm

ابراهيم العمده كتب:
...
عندما تقرأ موضوع في أحد المنتديات الكاتب أم وئام والرادي عثمان بشير (((((فقط))))
تأكد إنك بتتصفح في منتديات الشجرة والحماداب

















تحياتي للرائعة دوما أم وئام وللجميل عثمان والمبدع الأستاذ جبرا
...
وعندما تجد كلاما برفع همتك ويقوي عزيمتك ويزيدثقتك في نفسك فاعلم ان قائله ابراهيم العمده تسلم يا الحبيب
الرجوع الى أعلى الصفحة اذهب الى الأسفل
ام وئام
شجرابي مميز
شجرابي مميز
ام وئام


الجنس : انثى الاسم كامل : اماني سعيد وداعة الله

الاوسمة
 :


عندما .... Empty
مُساهمةموضوع: رد: عندما ....   عندما .... I_icon_minitimeالخميس 27 سبتمبر 2012, 7:48 am

عثمان بشير كتب:
اختي الصغري ام وئام لكي وللفاتح جيرا مليون تحيه تسلمي علي الاختيار الجميل ولكي كل احترامي
مهما تمر الايام السنين كلما اشوفك يا عثمان اتذكر لمن كنت بتقطعنا الزلط انا واحمد ومحمد واحس اني لسة صغيرة
مرورك تشجيع لي اشكرك اخي الاكبر
الرجوع الى أعلى الصفحة اذهب الى الأسفل
ام وئام
شجرابي مميز
شجرابي مميز
ام وئام


الجنس : انثى الاسم كامل : اماني سعيد وداعة الله

الاوسمة
 :


عندما .... Empty
مُساهمةموضوع: رد: عندما ....   عندما .... I_icon_minitimeالخميس 27 سبتمبر 2012, 7:53 am

ابراهيم العمده كتب:
...
عندما تقرأ موضوع في أحد المنتديات الكاتب أم وئام والرادي عثمان بشير (((((فقط))))
تأكد إنك بتتصفح في منتديات الشجرة والحماداب


















تحياتي للرائعة دوما أم وئام وللجميل عثمان والمبدع الأستاذ جبرا
...
ابراهيم ليتني استطيع ان اكتب لك ما تستحق يا رمز الوفاء من اشوف اسمك اقول لسة الدنيا بخييييييييييييير
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

عندما .... Empty
مُساهمةموضوع: رد: عندما ....   عندما .... I_icon_minitimeالخميس 27 سبتمبر 2012, 3:00 pm

ام وئام كتب:
عثمان بشير كتب:
اختي الصغري ام وئام لكي وللفاتح جيرا مليون تحيه تسلمي علي الاختيار الجميل ولكي كل احترامي
مهما تمر الايام السنين كلما اشوفك يا عثمان اتذكر لمن كنت بتقطعنا الزلط انا واحمد ومحمد واحس اني لسة صغيرة
مرورك تشجيع لي اشكرك اخي الاكبر
سمح
الرجوع الى أعلى الصفحة اذهب الى الأسفل
 
عندما ....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: المنتدي العام-
انتقل الى: