منتدى الشجرة والحماداب
منتدى مدينة الشجرة والحماداب
منتدى الشجرة والحماداب
منتدى مدينة الشجرة والحماداب
منتدى الشجرة والحماداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 بعتذر

اذهب الى الأسفل 
4 مشترك
كاتب الموضوعرسالة
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


بعتذر Empty
مُساهمةموضوع: بعتذر   بعتذر I_icon_minitimeالخميس 23 أغسطس 2012, 8:46 am

...
بعتذر
ما عارف أكتب أقول شنو بس بعتذر
ما إنتي قايله الخان منو أكيد ما القدر
لكن كمان ما بيقولو عليهو خاين زي بشر
بيقولو بس الله راد والدايرو وين منو المفر

بتذكرك يوماتي أسرح أفتش في الأتر
وأسأل عليك ساعة المغيب قبل السفر
في المطارات والموانئ وفي سكك القطر
وكل ما أشوف زول مبتسم أقول جاب الخبر

بتخيلك جوه الحدايق وردة بينات الزهر
أتأملك وسط النجيمات دره من كوكب ندر
وأتنفسك ريحة دعاش ساعة القيوم عز المطر
وأتنسمك عبق الصباح في كل إطلالة فجر

بالليل أشوف صورتك هناك زي القمر
ومرات أقول ما زي قمر هي أكيد بدر
وساعات أشوف وشك صباح أشرق يسر
ويا سلام لمن أشوفك سحابه في عز الضهر

أفتش ليك كل ليله وجسمي إنتحل من السهر
وين رحتي غبتي مشيتي منو القاليك راح العمر
ما شفنا ورده يوم ماتت ولا رحيقا بقولو مر
كل يوم بزيدا جمال وكل يوم تصير أنضر

خليك رزينه وهاديه وصافيه زي كوثر
أذكري وندعو المولي لي باكر يكون أخضر
يتمم ليك مناك يا غاليه وأنا من ذنبي أستغفر
وكلو عزاي إنك عارفه الحصل مكتوب مسطر

مع تحياتي إبراهيم عثمان محمد

...


عدل سابقا من قبل ابراهيم العمده في الجمعة 31 أغسطس 2012, 11:45 am عدل 1 مرات
الرجوع الى أعلى الصفحة اذهب الى الأسفل
اسماعيل طة محمد طة
وسام الدرجة الاولي
وسام الدرجة الاولي



الجنس : ذكر الاسم كامل : اسماعيل طة محمد طة

الاوسمة
 :  

بعتذر Empty
مُساهمةموضوع: رد: بعتذر   بعتذر I_icon_minitimeالأحد 26 أغسطس 2012, 2:23 am

شكرا كثير اخونا ابراهيم
على هذة الكلمات الرائعة
ونتمنى الاستمرار وانت شمعة تنور المنتدى
ولك التوفيق والازدهار
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

بعتذر Empty
مُساهمةموضوع: رد: بعتذر   بعتذر I_icon_minitimeالأحد 26 أغسطس 2012, 10:31 am

ودالعمده يا حبيبنا كلمات جميله جدا ومعبره جدا ولكن لي تعليق بسيط ارجو ان يجد قبولا وصدرا رحبا ارجو ان تعدل البدايه ان كانت الكلمات من تاليفك واظنها كذلك لان القدر لايخون وهذه اللفظه فيها مخالفه عقديه ويمكنك الاستفصال اكثر من المشايخ فيمكن مثلا ان تكون البدايه ماعارف اكتب اقول شنو بس بعتذر ما انتي عارفه الخاين اصلا هو البشر ويقولو دايما الله راد والدايرو وين منوالمفر تقبلها كما هي اخي وانا والله لولا محبتي لك ما نبهتك الي هذا الخطا وانت سيد العارفين اخي بان الخطا العقدي لابد من التنبيه فيه لكي لا ناثم جميعا ولك ودي واحترامي
الرجوع الى أعلى الصفحة اذهب الى الأسفل
ام وئام
شجرابي مميز
شجرابي مميز
ام وئام


الجنس : انثى الاسم كامل : اماني سعيد وداعة الله

الاوسمة
 :


بعتذر Empty
مُساهمةموضوع: رد: بعتذر   بعتذر I_icon_minitimeالأربعاء 29 أغسطس 2012, 4:15 am

الرائع دومأ ود العمدة دائمأ تتحفنا بقلمك المميز شكرأ شكرأ شكرأ
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


بعتذر Empty
مُساهمةموضوع: رد: بعتذر   بعتذر I_icon_minitimeالجمعة 31 أغسطس 2012, 11:49 am

اسماعيل طة محمد طة كتب:
شكرا كثير اخونا ابراهيم
على هذة الكلمات الرائعة
ونتمنى الاستمرار وانت شمعة تنور المنتدى
ولك التوفيق والازدهار
...
اخونا إسماعيل
منكم نستقي الروعة والبيان
ومنكم نستنير ونري معالم المكان
لك كل الود
...
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


بعتذر Empty
مُساهمةموضوع: رد: بعتذر   بعتذر I_icon_minitimeالجمعة 31 أغسطس 2012, 11:56 am

عثمان بشير كتب:
ودالعمده يا حبيبنا كلمات جميله جدا ومعبره جدا ولكن لي تعليق بسيط ارجو ان يجد قبولا وصدرا رحبا ارجو ان تعدل البدايه ان كانت الكلمات من تاليفك واظنها كذلك لان القدر لايخون وهذه اللفظه فيها مخالفه عقديه ويمكنك الاستفصال اكثر من المشايخ فيمكن مثلا ان تكون البدايه ماعارف اكتب اقول شنو بس بعتذر ما انتي عارفه الخاين اصلا هو البشر ويقولو دايما الله راد والدايرو وين منوالمفر تقبلها كما هي اخي وانا والله لولا محبتي لك ما نبهتك الي هذا الخطا وانت سيد العارفين اخي بان الخطا العقدي لابد من التنبيه فيه لكي لا ناثم جميعا ولك ودي واحترامي
...
اخونا عثمان
أكيد رأيك محل تقدير كبير
ولو إني برضو فكرت فيهو قبل أنزل القصيدة
لكن نسبة لضيق الوقت حينها وصعوبة دخولي بعدها
لم أتمكن من التعديل السريع

وهي حقا من تأليفي ونزلتها تاني يوم من تأليفها بدون مراجعات
وحتي الآن لا أظنها الصيغة النهائية وهي في الآخر محاولات للشعر

أنتظر تعليقك عن التعديل ولو في أي ملاحظة فيهو كل شوق لسماعها
وُدي الذي تعلم
...
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


بعتذر Empty
مُساهمةموضوع: رد: بعتذر   بعتذر I_icon_minitimeالجمعة 31 أغسطس 2012, 11:59 am

ام وئام كتب:
الرائع دومأ ود العمدة دائمأ تتحفنا بقلمك المميز شكرأ شكرأ شكرأ
...
الأخت أم وئام
هذا القلم أنتم مداده الذي يتقطر تميزاً
لا شكراً علي واجب بل الشكر لكم ومنكم
...
الرجوع الى أعلى الصفحة اذهب الى الأسفل
 
بعتذر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: شجرة الشعر والدوبيت-
انتقل الى: