منتدى الشجرة والحماداب
منتدى مدينة الشجرة والحماداب



 
الرئيسيةالتسجيلدخول

شاطر | 
 

  بيان هام شديد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: بيان هام شديد    الإثنين 09 يوليو 2012, 5:40 pm

[img] Uploaded with



منقول من صفحة ابناء الشجرة والحماداب

بسم الله الرحمن الرحيم
الاحباب الاعزاء.. بيان هام شديد من الآدمن الجديد
مجموعة ابناء الشجرة والحماداب بالفيس بوك فيها 650 عضو..(ماشاء الله تبارك الله)..لو كل عضو ساهم بي 50 قرش يومياً (500 بالقديم) يعني الزول حايدفع 15 جنية في الشهر ..قمنا لمينا القروش دي لمدة ستة شهور..حاتعمل 58.500 جنية قول تميناها 60.000 جنية يعني معانا 60مليون.. الناس الفي السعودية بقيادة عصام الكنجو وهشام عوض ومحمد لبه قالوا لا نحنا حاندفع بالريال وبدل نص ريال في اليوم حاندفع ريال يعني 15 ريال في الشهر يعني 90 ريال في الستة شهور..قاموا ناس الامارات بقيادة الريس عبد الوهاب وعوض تايوتا وجمال وبقية الرائعيين قالوا نحنا كمان حاندفع بالدرهم وكل يوم درهم..أكيد ناس امريكا حايقولوا نحنا كمان ما اقل منكم وحاندفع بالدولار بس حاندفع ذي ناس السودان نص دولار في اليوم (طبعا نص الدولار بساوي ليهو جنيهين ونص)..اها قاموا ناس فخري وحاكم لموا ناس اوروبا ودفعوهم باليورو وقالوا نحنا بندفع نص يورو في اليوم يعني 15 يورو في الشهر..ناس مصر بقيادة وليد سيد حايساهموا بس بي اتنين جنيه في اليوم(الجنية السوداني اقوي من المصري).. تتذكروا ال60 مليون القبيل ديك؟؟ بتكون مع فروقات اسعار العملات عملت ليها ذي 150 مليون كده..طيب قلنا اي زول ساهم يحلقي ليهو زول صحبو انشاء الله ما من ناس الشجرة يقول ليهو تعال اشترك معاي في عمل خير ويلزمو بدفع نفس المبلغ البدفعوا..بالجنية بالريال بالدرهم بالدولار باليورو بالجنية المصري المهم نفس المساهمة كده حايكون عندنا ذي 300 مليون جنية سوداني..أكيد في ناس حاتساهم بعد الستة شهور من نفسها او من ناس الشجرة الخيرين الكانوا ساكنين في الشجرة ورحلوا منها ..من ده مليون ومن ده 500 ومن ده 300 ..لقينا معانا 350 مليون جنية بعد ستة شهور!!!! قولوا بدينا الشغل ده يوم 1/8 الجاي (بإذن الله) ستة شهور يعني بداية العام القادم انشاء الله بكون معانا 350 مليون جنية سوداني..
نقوم نعمل الحاجات التالية وبدون ترتيب للأهميات:
1- في خور في حي الجامع ليهو ذي 300 سنة كده في نفس شكلو..نقوم نبنيهو من البداية للنهاية قول كلفنا 15 مليون
2- في ذي 8 مدارس في الشجرة والحماداب قول كل مدرسة عملنا ليها صيانة بي 15 مليون دي 120 مليون
3- في كم جامع في الشجرة والحماداب؟؟ قول 7 جوامع كل جامع اديناهو 10 مليون صيانة دي 70 مليون
4- في شوارع في الشجرة والحماداب دايرة ردميات قول مرقنا ليها 15 مليون
5- دفعنا مقدم لشراء ركشات لبعض الاسر وهي تكمل من ايراد الركشة الاقساط قول دفعنا للمشروع ده 40 مليون
6- عملنا مشروع لدعم الرسوم المدرسية والجامعية قول مرقنا ليهو 40 مليون
7- عشان الناس البتحب الكورة نقوم ندي نادي الشجرة ونادي الجماداب كل نادي 10 مليون
8- ساهمنا في اعادة تأهيل المركز الصحي في حدود 20 مليون
9- العشرة مليون الباقية قطعنا بيها تذاكر لناس محتاجة تسافر للعلاج

اتخيلوا الفكرة دي لو نجحت!! نرتاح لينا كم شهر كده ونقوم تاااااني نبداء من جديد ونلم لمدة ستة شهور ونكمل المشوار..
البتعجبوا الفكرة يبداء طوالي يجمع عدد من الناس القريبين منو ويتكفل بجمع نصيبهم اليومي ويكون هو المسئول منهم ..دي نمرتي للتنسيق 0912301405 وده الايميل بتاعي لارسال الكشوفات باسماء الناس الموافقين mohamedalisayed@gmail.com
وتحياتي للجميع

_________________


عدل سابقا من قبل hakim في الأحد 26 أغسطس 2012, 2:49 pm عدل 1 مرات
الرجوع الى أعلى الصفحة اذهب الى الأسفل
dorzy
admin
admin
avatar

الجنس : ذكر الاسم كامل : معتز عبد الماحد محمد العوض

الاوسمة
 :  

مُساهمةموضوع: رد: بيان هام شديد    الثلاثاء 10 يوليو 2012, 3:45 am

واللة مشتاقين اخي وصديقي العزيز حاكم والله موضوع جميل جدا جدا بس عايزة الناس تبدا وانا حابد اول زول
الرجوع الى أعلى الصفحة اذهب الى الأسفل
فخري احمد عبدالله
admin
admin
avatar

الجنس : ذكر الاسم كامل : فخري احمد عبدالله

مُساهمةموضوع: رد: بيان هام شديد    الثلاثاء 10 يوليو 2012, 7:32 am

حمدالله علي السلامه يادرزي مشتاقين حبيبنا ليك وحشه

_________________
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: بيان هام شديد    الثلاثاء 10 يوليو 2012, 7:31 pm

dorzy كتب:
واللة مشتاقين اخي وصديقي العزيز حاكم والله موضوع جميل جدا جدا بس عايزة الناس تبدا وانا حابد اول زول



الدرزي الف حمدلله على سلامتك ياصديقي والله اشواق اطنان يافردة خليك قريب ورينا اخبارك واولادك انشاء الله طيبين

_________________
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز


الجنس : ذكر الاسم كامل : عثمان بشير عثمان بابكر

مُساهمةموضوع: رد: بيان هام شديد    الأربعاء 18 يوليو 2012, 2:31 pm

حاكم الجميل والله مشتاقييين شديد فكره جميله ونحنا بنثني ومستعدين
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: بيان هام شديد    الخميس 19 يوليو 2012, 10:12 am

عثمان بشير كتب:
حاكم الجميل والله مشتاقييين شديد فكره جميله ونحنا بنثني ومستعدين


حبيبنا عثمان بالاكتر كتير يافردة كل سنة وانت طيب تصوم وتفطر على خير

_________________
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
avatar

الجنس : ذكر الاسم كامل : إبراهيم عثمان محمد عبد الحميد

الاوسمة
 :


مُساهمةموضوع: رد: بيان هام شديد    السبت 21 يوليو 2012, 3:52 am

...
حاكم إنشاء الله إنت كويس
معليش الغياب في الأيام الفاتت
كنت مؤجز وبرة الشبكة واليوم رجعت الشغل
وأول مرة أشوف الحاجة الحلوة دي
ومعاك ومع الأخ حمادة سيد وربنا يوفق الجميع
ورمضان كريم
...

_________________


الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز


الجنس : ذكر الاسم كامل : عثمان بشير عثمان بابكر

مُساهمةموضوع: رد: بيان هام شديد    الإثنين 20 أغسطس 2012, 8:46 am

hakim كتب:
عثمان بشير كتب:
حاكم الجميل والله مشتاقييين شديد فكره جميله ونحنا بنثني ومستعدين


حبيبنا عثمان بالاكتر كتير يافردة كل سنة وانت طيب تصوم وتفطر على خير
وانت طيب يا حبوب وانت بخير تسلم ومالك قاطع خبر كده
الرجوع الى أعلى الصفحة اذهب الى الأسفل
ام وئام
شجرابي مميز
شجرابي مميز
avatar

الجنس : انثى الاسم كامل : اماني سعيد وداعة الله

الاوسمة
 :


مُساهمةموضوع: رد: بيان هام شديد    الأحد 26 أغسطس 2012, 1:55 pm

حاكم ود ناس حاج حاكم بارك الله في مساعيك النبيلة دومأ لجمع الناس من خلف الكواليس وانا عارفة انها لله ماذي حقت الجماعة للسلطة والجاه ارجو من اخواني واخواتي يكونو جادين لاتمام هذا المشروع
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: بيان هام شديد    الأحد 26 أغسطس 2012, 2:47 pm

ابراهيم وعثمان واستاذه اماني سلامات...
عاوزين من كل عضو كتابة منطقة للدفع عشان نقدر ننسق مع المسئولين

_________________
الرجوع الى أعلى الصفحة اذهب الى الأسفل
أبوسيد
شجرابي مميز
شجرابي مميز
avatar

الجنس : ذكر الاسم كامل : الطيب سيد ابراهيم الدالي

الاوسمة
 :  

مُساهمةموضوع: رد: بيان هام شديد    الثلاثاء 04 سبتمبر 2012, 10:47 am

التحيه لك أخي الحبيب حاكم

والله يا حاكم ذكرتني أيام زماااااااااان لما كان الواحد فينا يركب في الحافله أو البص ويقعد في الكرسي الورا (أحفظ مالك) عشان الناس القدام يدفعو ليهو...

لكن هسع كان قعدنا ورا ولا قدام كلو واحد.... Basketball Basketball

والله نحنا جاهزين ورهن الاشارة وبي أثر رجعي

وكل الأمنيات بالتوفيق والسداد والمشاريع كثيره ومتعددة بس المهم التكاتف وتوحيد الصفوف والكلمه حتى نصل إلى ما نريد من آجل الشجرة والحماداب
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: بيان هام شديد    الثلاثاء 04 سبتمبر 2012, 12:22 pm

الطيييييييييييييييييييييب زي ما بقول ليك الاحمر !!!
كيفك يا فردة انشاء الله امورك كلها تمام واحشنا اظهر وبان وانت عارف المكان في مواضيع كتيرة منتظراك ...
.
.
.
.
.
.
الطيب معاهو منو من الرياض ياناس؟

_________________
الرجوع الى أعلى الصفحة اذهب الى الأسفل
مجدى ابوعبدة
مشرف مشاهير الشجرة والحماداب
مشرف مشاهير الشجرة والحماداب
avatar

الجنس : ذكر الاسم كامل : مجدى عوض محمد احمد

الاوسمة
 :


مُساهمةموضوع: رد: بيان هام شديد    الخميس 06 سبتمبر 2012, 7:21 am

ربنا يسهلها يا حاكم .
الرجوع الى أعلى الصفحة اذهب الى الأسفل
عبد الوهاب احمد
الرئيس الفخري
الرئيس الفخري
avatar

الجنس : ذكر الاسم كامل : عبد الوهاب احمد عبده سليمان

مُساهمةموضوع: رد: بيان هام شديد    الأربعاء 12 سبتمبر 2012, 3:15 pm


بيان هام شديد

هاكذا صدر البيان قبل فترة طويلة من ابن الخال حماده سيد ونزل على صفحة الفيسبوك لابناء الشجرة والحماداب والاخ حاكم مشكور نقل الموضوع على هذا الموقع الفريد لتعم الفائدة ويظل هذا البيان الهام محفوظ على ارشيف هذا الموقع نستطيع ان نرجع اليه كل ما احتجنا اليه . ومن وجهة نظري ان كل ما يكتب على صفحة الفيسبوك من مواضيع هامه لا تجد نصيبها من الاهتمام ؟ والسبب ان الفيس بوك مثل الموية فى قعر الزيز الكبير تشابي عشان تحصل وفى الاخر تخرج بخف حنين , لذلك لو اجتمع ابناء الشجرة والحماداب حول هذا الموقع كل هذه المشاريع ستجد الاهتمام . ولو اننى اشك فى ذلك ؟ ولو رجعت بكم الذاكرة للوراء قليلا وتصفحتوا على ارشيف هذا الموقع ما طرحه الاخ العزيز حاكم من موضوع مهم جدا وهو عضوية نادي الشجرة ولو كان هناك اهتمام من ابناء الشجرة لكان فريق الشجرة اليوم ينافس اهلي شندي فى الممتاز . هاكذا نحن نحمل افكار بناءة ونطرح مواضيع هامة تخص المنطقة ولكن للاسف الشديد لا حياة لمن تنادي ؟ ما السبب تعالوا نقعد تحت ظل هذه الشجرة ونناقش الموضوع من كل جوانبه ونعرف الاسباب التى تحول دون تكملة اي مشروع ونضع الحلول المناسبة لذلك . وكل منا يدلوا بدلوه لنصل الى قاسم مشترك بيننا . ولنا عودة
الرجوع الى أعلى الصفحة اذهب الى الأسفل
 
بيان هام شديد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: المنتدي العام-
انتقل الى: