منتدى الشجرة والحماداب
منتدى مدينة الشجرة والحماداب
منتدى الشجرة والحماداب
منتدى مدينة الشجرة والحماداب
منتدى الشجرة والحماداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 الحنكوشة والثلاجة

اذهب الى الأسفل 
2 مشترك
كاتب الموضوعرسالة
سيف الدوله
جيل العمالقة
جيل العمالقة
سيف الدوله


الجنس : ذكر الاسم كامل : سيف الدولة محمد عبد النبي

الحنكوشة والثلاجة  Empty
مُساهمةموضوع: الحنكوشة والثلاجة    الحنكوشة والثلاجة  I_icon_minitimeالثلاثاء 19 يونيو 2012, 12:33 am


طرح اليوم قد يكون فيه شيئ من الهزج المازح ولكنه يتناول ظاهره غريبة
انتشرت بصورة ديناميكية بين اروقة الشباب والفتيات خاصة في السنوات الاخيرة
فاصبحت موضة رديئة جدا للبعض , ساروى لكم قُصيصة تشرح تسأؤلى :

اول مرة سمعت فيها كلمة حنكوشة كانت سنة 99 , كنت معزوم فى (سماية)
ايوه سماية فى بحرى , وبعد الغدا جاءت شابة فى الـ18 من عمرها ماسكة
جك فيهو موية وعاوزة تخوتو فى التلاجة , كانت الفتاة تصيح بصوت مُرقق
وتقول "اوووف , قاعد ينقط فوقى , والله برميهو " فنظر اليها احد الحضور وقال
لها : هي يا بت ما تمسكى الجك بايديك الاتنين , وبطلى حنكشة , فقالت له و
بنفس الصوت المُرقق " طيب يا عمو وافتح باب التلاجة كيف ؟" سؤال منطقى
,, ففتح لها باب التلاجة , فقفزت الى الورء وهى تقول " واااى دى شنو ؟ رد
عليها الرجل " يا بت دى ما بطيخة !! فقالت وبنفس الصوت المُرقق " وماله
خدرة كدة , طيب والاسود الراقد بوراها داك منو , نظر اليها الرجل وقال
فى نفسه "منو؟؟؟" يا بتى ده ما الاسود , اقصد الباتنجان فقالت وقاعدين
تاكلوهو , ردعليها الرجل " لالا ديل جزم للشُفع حقات المدرسة فضحك
الحاضرون , اخذ منها الرجل جك الماء ووضعة فى الثلاجة
فقالت هى " عشان تعذرونى لما خُفته " هسا ما عندكم كريم نيفيا امسح بيهو
يدى من حمار الجك الاترسم فى يدى ده , ردعليها شاب يعرفها " عندنا كريم
كراميل , ينفع , فردت عليها " اخسى عليك يا انتا , ده بيرجف زى الفيهو روح
يأأأأى عليك الله ما تذكرنى شكلو .
وزحفت , اقصد رجفت , اقصد ذهبت من حيث اتت .
ومن ذالك اليوم عرفت انو الحنكوشة هى التى , تلبس ثوب اختها الانثى
الحقيقية , لحد ما تكرفسو , وبعد ده ما ترجعو ليها.

فهل انا على حق فى انو الحنكشة انوثة مُستعارة من اصل انثوي
بدأ يضيع مع تسارع الزمن ؟؟؟؟
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
ابراهيم العمده


الجنس : ذكر الاسم كامل : إبراهيم عثمان محمد عبد الحميد

الاوسمة
 :


الحنكوشة والثلاجة  Empty
مُساهمةموضوع: رد: الحنكوشة والثلاجة    الحنكوشة والثلاجة  I_icon_minitimeالثلاثاء 19 يونيو 2012, 1:43 am

...
سيف الأستاذ
الحنكشة نوعين
في حنكشة حقيقية وأخري مستعارة ومرتجلة
الحقيقية تبدأ من وضع الأسرة المادي والراحات
بكون تصرفاتا شبه طبيعية ولا تحس بالتكلف
في حركاتها وكلامها وفي كل شئ تحس بالحنكشة تتدفق منها

أما الحنكشة المستعارة أول حاجة تشوف الأسرة ووضعها تتعجب
وتستغرب والعجب لمن تشوف البيت وشكلو وتتذكر قوله يخرج
الحي من الميت معقوله بس والعجب الكلام الأطرش بعرف إنو
مصطنع والحنكشة ما لايقة معاها ولو سوت السبعة وذمتا

المشكلة في حنكشة الأولاد المرطبين خلقه ومما قاموا ما
بعرفو قدح المونه والخشونه والله دي شينة شديد وما مقبوله مهما كان

والأدهي والأمر في تصنع الأولاد للحنكشة وهم من قبيلة قريعتي راحت
تحياتي
...
الرجوع الى أعلى الصفحة اذهب الى الأسفل
 
الحنكوشة والثلاجة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: سوق الشجرة-
انتقل الى: