| قبلة الضفادع | |
|
|
كاتب الموضوع | رسالة |
---|
اسماعيل طة محمد طة وسام الدرجة الاولي
الجنس : الاسم كامل : اسماعيل طة محمد طة
الاوسمة :
| موضوع: قبلة الضفادع الخميس 02 يونيو 2011, 1:15 pm | |
| الضفدعة صاحت من داخل جيبه بصوت مرتفع وقالت: يا أيها الشاب الجميل لو قبّلتني فسأتحوّل لأميرة جميلة وسأبقى معك أسبوعا كاملا. فأخرج الشاب الضفدعة من جيبه وربّت على ظهرها بحنان وأعادها إلى جيبه وواصل سيره. قالوا أن الشاب ما أن خطا بضعة خطوات حتى صرخت الضفدعة من جديد: أيها الشاب الجميل، أرجوك قبلني قبلة واحدة حتى أتحول لأميرة جميلة و سأبقى معك إلى الأبد و سأفعل كل ما تريده مني.
فأخذها الشاب ونظر إليها بحنان وربت على ظهرها بخفة وشرع في إعادتها لجيبه. فصرخت الضفدعة: يا ولد إنت مجنون ولاّ شنو؟ أنا قلت ليك أديني بوسة واحدة بس عشان أبقى أميرة جميلة وبقعد معاك طوالي وكمان بعمل أي حاجة تطلبها مني ، مالك معصلج؟ قالوا أن الولد أخذ الضفدعة بين يديه ونظر إليها بوداعة وقال: بصراحة كدا، أنا جكّيس الأميرات دا ما انتيريستيد فيهو، لكن والله ونسة القعونج دي مافي أحسن منها. | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: قبلة الضفادع الثلاثاء 07 يونيو 2011, 9:44 pm | |
| الاخ اسماعيل معليش يادووووووووب قريت الكلام دة هو كلام جميل لكن لما وقفت فية وكررتة جانى احساس انة
لية مغذى آخر يعنى بالعربى زى الكلام وراة كلام لكن هو شنو مابعرفة هههههههههههههههه.
تانياً احيييييييطكم علماً بان من احب الخلوقات الى نفسى هى الضفادع واليكم قصة صداقتى وحبى لها فهى واقعية احكيها لكم بهذة المناسبة
ههههههههههههههه.
كنت فى الاعوام 94,,,95,,,96 اسكن فى المنزل فقط انا واولادى بالسودان بينما كان والدهم بكندا ,,, وبطبعى(بعيد عنكم) خوووووووواااااااافة جدددددداً
وخاصة ليلاً من سماع اى حركة يعنى ممكن القلب يقيف لاى حركة.. كنت عندما احاول ان اتحرك ليلاً لعمل حليب لواحد من الاطفال اضطر ان افتح باب البرندة
حتى اصل للمطبخ ومنة للتلاجة ,,,دة كان اكبر هم اواجهة وكانها معركة دة من الخوف الشديد,,كانت هنالك حنفية صغيرة فى الحوش يسكن بالقرب منها اسرة
ضفادع محترمة ومهذبة,,,الام الاب الاطفال الصغار ,,,عندما اهم لفتح الباب وانا ارتعد خوفاً اذا باحد الضفادع الكبيرة تاتى لتتبعنى حتى افتح الباب وتدخل
معى خطوة بخطوة واراها تقفذ على المشمع فى الارض الى ان اخذ الحليب وامرها بان تتفضل بالخروج امامى فتخرج الى مقرها ,,,سبحان اللة كان يحدث هذا باستمرار وكنت اطمئن بها .
دة تفسيرة شنو يااسماعيل؟؟؟؟؟؟؟ ههههههههههههواللة ومنذ ذلك الوقت اصبح امتنانى وحبى الخاص لهذا المخلوق العسل ومنذ تلك الخدمات المقدرة نشأت بيننا علاقة حميمة. | |
|
| |
اسماعيل طة محمد طة وسام الدرجة الاولي
الجنس : الاسم كامل : اسماعيل طة محمد طة
الاوسمة :
| موضوع: رد: قبلة الضفادع الأربعاء 08 يونيو 2011, 2:33 am | |
| الاخت نعمات المحترمة اشكرك جزيل الشكر على المرور المثل بيقول من جاور السعيد يسعد مادام انت جاورت الضفادع يبقى شوفى ليك طريقة ثانى طبعا دة مجرد تفسير حسب طلبك منى هههههههههههههههههههههههههههههههههههههههههههههه | |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: قبلة الضفادع الأربعاء 08 يونيو 2011, 8:08 am | |
| والله التفسير الاقرب والله اعلم
ان هذا تاكيد لان ونسة القعوج ما في احسن منها هههههههههه والله اعلم | |
|
| |
ابراهيم العمده الحضور المتميز
الجنس : الاسم كامل : إبراهيم عثمان محمد عبد الحميد
الاوسمة :
| موضوع: رد: قبلة الضفادع السبت 21 أبريل 2012, 4:07 am | |
| … بالجد القصة ليها مغذي وحكمة جميلة إنو أي زول يمد كراعو قدر لحافو لكن برضو لازم يكون في طموح عشان برضو من يتهيب طلوع الجبال يعيش أبد الدهر بين الحفر ...
| |
|
| |
karim الرئيس الفخري
الجنس : الاسم كامل : كريم محمد عوض الكريم
| |
| |
اسماعيل طة محمد طة وسام الدرجة الاولي
الجنس : الاسم كامل : اسماعيل طة محمد طة
الاوسمة :
| موضوع: رد: قبلة الضفادع السبت 21 أبريل 2012, 5:35 am | |
| اخونا كريم لك التحية عايز اقول الدولار مقدور علية البخلصنا من كذب عبد الرحيم محمد حسين شنو فى كذبة ابريل اقصد كذبة هجليج | |
|
| |
karim الرئيس الفخري
الجنس : الاسم كامل : كريم محمد عوض الكريم
| |
| |
اسماعيل طة محمد طة وسام الدرجة الاولي
الجنس : الاسم كامل : اسماعيل طة محمد طة
الاوسمة :
| موضوع: رد: قبلة الضفادع الثلاثاء 05 يونيو 2012, 2:15 am | |
| يا كريم لك التحية نحن الان فى شهر يونية هههههههههههههههه | |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: قبلة الضفادع الثلاثاء 05 يونيو 2012, 8:26 am | |
| الاخ اسماعيل تحياتي واشواقي اسمع النكته دي: واحد مسلف من واحد مبلغ وقال ليهو سوف اقوم بالتسديد في شهر مايو وكان التاريخ عند الاستلاف في شهر مارس ، ولما اتى مايو ولم يسدد ذهب اليه الرجل يطالب بالمبلغ وقال لقد سبق ووعدت بان تقوم بالتسديد في مايو ونحن الان في يونيه. رد الرجل بالفعل انا قلت في شهر مايو ولكن لم احدد العامفي اي سنة هههههههههه عليهاخ اسماعيل ومما سبق ذكره اعلاه فانتظر الى ابريل القادم وانشاءالله خير والله يكضب الشينة هههه وسلام | |
|
| |
اسماعيل طة محمد طة وسام الدرجة الاولي
الجنس : الاسم كامل : اسماعيل طة محمد طة
الاوسمة :
| موضوع: رد: قبلة الضفادع الخميس 07 يونيو 2012, 11:24 am | |
| الاخ كريم فى نشرة الاخبار والتحيد بالامس الناس بتشتكى من غلاء الاسعار فى بلدنا وكان اللقاء مع سعادة والى الخرطوم وسمع كلام الناس كلهم البقول كيلو اللحمة وصل 35 جنية والبقول وغيرة وغيرة المهم سالوا الوالى اية رايك واللة قال الناس ديل كلهم كلامهم صحيح طيب انت نتظر شنو ووعد فى المستقبل انة وانة دى زى النكتة بناعتك دى يعنى ما معروف متين واللة يستر | |
|
| |
عثمان بشير شجرابي مميز
الجنس : الاسم كامل : عثمان بشير عثمان بابكر
| موضوع: رد: قبلة الضفادع الخميس 07 يونيو 2012, 12:41 pm | |
| طالما القصه كتبها الرائع اسماعيل اكيد لها معني بعيد لك التحيه اخي وبالنسبه للجماعه ديل يا كريم احلنا منهم الحلا بله والله المستعان علي من ظلم | |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: قبلة الضفادع السبت 09 يونيو 2012, 3:29 am | |
| الله المستعان اخ عثمان
يعني بالعربي كده مافي لا ربيع ولا خريف بيحلنا | |
|
| |
عثمان بشير شجرابي مميز
الجنس : الاسم كامل : عثمان بشير عثمان بابكر
| موضوع: رد: قبلة الضفادع السبت 09 يونيو 2012, 11:48 am | |
| - karim كتب:
- الله المستعان اخ عثمان
يعني بالعربي كده مافي لا ربيع ولا خريف بيحلنا والله شوف يا اخوي هو الملك ده بيد ربنا بينزعو نزع وبالنسبه للربيع الناس ديل يا اخونا مابنفع معاهم اي ربيع ولا خريف زي ما انت قلت لانهم جندو البلد كلها وشوفو زيادة المحروقات دي لو ما جابت ليها ربيع اتاكد انو الشعب مات وما حيصحي تاني | |
|
| |
| قبلة الضفادع | |
|