قضينا ليلة رائعة في الرياض يوم الخميس 7/4

كرمت جمعية الصحفيين السودانيين بالسعودية مساء اول امس الخميس السابع من ابريل القامة الفنية السامقة والصرح الوطني الشامخ الاستاذ الكبير ابو عركي البخيت تقديرا وعرفانا لدوره اللامحدود في اثراء الوجدان الوطني من خلال مسيرة طويلة حافلة بالبذل والعطاء ظلت ومازالت وستظل بإذن الله ماضية في ذات الدرب حتى يتطهر الوجدان الوطني من الخبث الانقاذي الذي ضرب بأطنابه ربوع الوطن الحبيب وباض وفرخ مسخا مشوها من المطربين.
ويأتي تكريم الموسيقار الوطني ابو عركي البخيت في اطار دور الجمعية في اعلاء المبادئ والقيم الوطنية والانسانية السامية وتكريم رموز الوطن الشرفاء في مجالات الابداع المختلفة .
هذا وقد اقيم الحفل بقاعة ماربيا بحاضرة السعودية الرياض وقد امتلأت القاعة حتى فاضت بالحشود الجماهيرية الغفيرة التي جاءت من كل حدب وصوب شيبا وشبابا نساء ورجالا واطفالا بما يفوق الالف شخص تقريبا وقد شكل الحضور لوحة وطنية امتزجت وانصهرت فيها كل الوان وسحنات اهل السودان شمالا وجنوبا شرقا وغربا ليؤكدوا بهذا التلاحم الوطني ان اهل السودان على مختلف مشاربهم ومعتقداتهم هم كتلة واحدة يربطهم حبل القومية السودانية ويقطعهم سيف الشمولية الانقاذية الفاسدة والمستبدة

وبالمناسبة طلبت منو اي القامة ابوعركي اغنية يا قلب والحمدلله انها كانت مرتبى مع العازفين


من الاغنيات الرائعة التي عطرت الاسماع

تعالو نغني


تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا
من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيا عجول..
يا حكامنا الدنيا عجول
ياساستنا الدنيا عجول
يا جنرالتنا الدنيا عجول
يا ساداتنا الدنيا عجول


كذلك من الاغاني الرائعة كانت

من معزتك

من معزتك أنتي لي

من معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه

يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة


ومن الاغاني الجميلة والرائعة والممتعة كانت

ياقلب

يا قلب انا كنت قايلك تبت من تعب السفر
ومن مخاواة القماري ومن شراب موية المطر
تاريك كامن ليا ... بشيتا كتر
تاريك لابد ليا ... بشيتا كتر
ما زمان انا وانت لفينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
*****
يا قليب مالك عليا
ما انت عارف نقطة الضعف القديمة
وزيي ضايق الارتعاش
*****
يا قليب ياما سرحنا
مرة جينا والف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا اجن
وانحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة
ومن الروائع التي اطربت الجماهير ايضا

واااحشنــــي


واحشنى يااا الخليت ملااامحك ..
فى حيااااتى ،
واحشنى يااا الرسيت مراسيك ..
جوة ذاتى ،
الاااا باكر لمااا ترجع ،
أنا بحكى ليك عن الحصل ،
وعن بعد المسااافة وقربها
ولمن يفارق زول عيون
غالياااات عليهو كتير خلااااص وبحبها
والله أحكااام يا قدر
والله أحكام يا مساااافة ويا سفر
***
وانت لماااا بتسيبنى وتسااافر
خت فى إعتبااارك ،
انو دنياااى فى مدارك
وجد- لفافات الصبر دخنتها
وكل المقاطع فى غناااى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى

الله يديم الافراح
لكن ما عزمتزنا ليه؟

افراح الجميع انشاءالله يا اخت غادة
ما عزمت زول لانو انا معزوم والتذاكر كان عند جمعية الصحفين السودانيين
لكن تاني لو في حاجة اعدك بنزل خبر هنا

دسم سيكفي لبقية العام


دسم سيكفي لبقية العام


http://www.jeddahbikers.com/

والله يا كريم الشمار ده وصلني بي مسج شكلها كانت حفلة رهيييييييييييييييييييييييييبة

القاعة كانت ضيقة والناس كثيرة لكن ابوعركي نسى الناس كل هذه الاشياء

يعني كانت حاجة رهـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيبة جد واجتزتها
ولسه واحشني

والله يا كريم دي مكاوية عدييييييييييييييييل كد لكن بالهناء والشفاء ليكم وربنا يجعل كل ايامكم افراح

والله اخدنا لينا جرعة قوية تاني يوم الخميس الفات بالرياض5/5/2011م (جمعية اصدقاء الفنان ابو عركي البخيت اقامت حفل رائع) احياه الاستاذ ابو عركي البخيت وكانت رائعة جدا
والله احنا محظوظين جرعتين قويات في شهر واحد)
ام وئام انشاءالله الشمار يكون وصلك هههههههههههههه (بمسج)
وخليك مع اليوتيوب هههههههههههههههه
احنا لايف يامساكين هههههههههههههههه

والله يا كريم وصلني من الغالية علي جدا صديقتي واختي البي سببة كرهت الغربة لانها بتباعد بين الناس تغريد عبد المنعم زوجت هشام عوض برضو رسلت لي مسج بالشمار ربنا يديم افراحكم يا كريم

شايفهم تغريد وهشام مبسوطين على الاخر في الحفلة
ومن الشجرة كمان شايف ابراهيم محمد شريف واولاده

غايتو كانت ليلة من الف ليلة وليلة

مكاو وكده هههههه

يا جماعة ابو عركي البخيت بكرة في ابها الساعة 9 مساء بقاعة الاندلسية

ويا بختكم ياناس ابها وما جاورها

وعلى المستمعين في الاقاليم مراعاة فروق الوقت ههههههههههههه